Con fin de actualizar os censos das explotacións gandeiras, o artigo 4.3 do Real Decreto 479/2004, de 26 de marzo, polo que se establece e regula o Rexistro Xeral de Explotacións Gandeiras, esixe que se comuniquen os censos das explotacións á autoridade competente ao menos unha vez ao ano, antes do 1 de marzo de cada ano, facendo referencia ao censo do ano anterior.

Explotacións porcinas tanto intensivas coma extensivas.

No Real Decreto 306/2020, do 11 de febreiro, polo que se establecen normas básicas de ordenación das granxas porcinas intensivas, e se modifica a normativa básica de ordenación das explotacións de gando porcino extensivo, e no Real Decreto 1221/2009, do 17 de xullo, polo que se establecen normas básicas de ordenación das explotacións de gando porcino extensivo, establécense nos artigos 16 e 8 respectivamente, as obrigas dos titulares das explotacións porcinas.

Entre estas obrigas está a de facilitar á autoridade competente antes do 1 de marzo de cada ano, conforme o establecido no artigo 4 do Real Decreto 479/2004, do 26 de marzo, a información relativa ao censo medio dos animais mantidos na explotación durante o período censual, entendendo como tal o período comprendido entre o 1 de xaneiro e o 31 de decembro de cada ano, ambos inclusive, do ano anterior ao da comunicación do devandito censo.

Para estes efectos entenderase por censo medio o número de animais presentes ao 31 de decembro do ano anterior, que se desagregará, segundo corresponda en función da clasificación zootécnica da explotación, nas seguintes categorías de animais: cebo, leitóns, recría/transición, porcas, reposición e verróns.

Así mesmo, ademais da declaración censual anual obrigatoria antes indicada, en calquera momento a persoa titular poderá realizar unha declaración censual por calquera outro motivo. Neste caso a persoa titular declarará o número de animais presentes na explotación na data concreta da devandita declaración.

• Solicitude segundo o Anexo.

Prazo de resolución: Tres meses

Sentido do silencio: Positivo