O obxecto deste procedemento é a presentación da declaración de colleita de uva para todas as persoas obrigadas a presentala indicando a produción obtida e o seu destino.

Viticultores.

Prazo de presentación: PECHADO

O prazo de presentación da declaración na campaña vitícola iníciase o 1 de agosto e remata o 10 de decembro de cada ano.

Se o día en que remata o prazo é inhábil pecharase o seguinte día hábil.

Persoas obrigadas a presentar a declaración: as persoas ou entidades viticultoras que comercialicen toda ou parte da súa colleita.

Persoas exentas a presentar a declaración: as persoas ou entidades viticultoras que non comercialicen ningunha parte da súa colleita.

Número de declaracións que debe presentar cada persoa obrigada: O colleiteiro presentará unha declaración por cada provincia na cal posúa superficie de viñedo en produción, utilizando un único exemplar do presente Anexo D:I a referido ao/s viñedo/s situado/s en cada provincia.

Documentación para a presentación.

- Declaración segundo o Anexo D:I a.

Presentación.

As declaracións presentaranse obrigatoriamente por medios electrónicos a través do normalizado (anexo D I-a) dispoñible na sede electrónica da Xunta de Galicia, https://sede.xunta.gal.

De conformidade co artigo 68.4 da Lei 39/2015, do 1 de outubro, do procedemento administrativo común das Administracións Públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Comprobación de datos.

1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:

DNI/NIE DA PERSOA DECLARANTE

DNI/NIE DA PERSOA REPRESENTANTE

NIF DA ENTIDADE DECLARANTE

NIF DA ENTIDADE REPRESENTANTE

2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.

Cando así o esixa a normativa aplicable solicitarase o consentimento expreso da persoa interesada para realizar a consulta.

3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.

Despois da presentación.

Todos os trámites administrativos que as persoas interesadas deban realizar trala presentación da declaración  deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

• Fase de solicitude
• Ficha (Explic. Anexo D: Ia)
• Declaración (Anexo D: Ia)