Entidades locais

2. A presentación da solicitude implica o coñecemento e a aceptación destas bases reguladoras.

3. A Gain informará as entidades beneficiarias de que a aceptación da axuda implica a inclusión das entidades beneficiarias na lista de operacións, que se publicará, ademais de na páxina web da Axencia Galega de Innovación, no portal da Dirección Xeral de Fondos Comunitarios do Ministerio de Facenda, co contido previsto no número 1 do anexo XII e no artigo 115.2 do Regulamento (UE) nº 1303/2013.

https://www.dgfc.sepg.hacienda.gob.es/sitios/dgfc/es-ES/loFEDER1420/porFEDER/Paginas/inicio.aspx

Documentación complementaria necesaria para a tramitación do procedemento administrativo.

1. Entregarase unha solicitude para cada proxecto de infraestrutura que presente o centro tecnolóxico, de xeito que un mesmo centro poderá presentar varias solicitudes de axuda, tantas como proxectos de infraestrutura. Segundo o indicado no artigo 3.2, na solicitude de cada proxecto de infraestrutura agruparanse os diferentes equipamentos científicos e técnicos e/ou programas e aplicacións informáticas de carácter especializado e técnico, que estean ligados ao desenvolvemento dunha mesma liña ou liñas de I+D+i no marco de cadeas de valor estratéxicas para Galicia da Estratexia RIS3.

2. Non haberá un máximo de solicitudes por centro, de xeito que un mesmo centro poderá presentar máis dunha sen ningunha limitación ao respecto.

3. A solicitude estará composta polos seguintes documentos:

a) Formulario de solicitude (segundo o anexo I), que inclúe as seguintes declaracións responsables relativas ao centro solicitante:

1º. Declaración responsable de non estar incurso/a en ningunha das circunstancias previstas no artigo 13 da Lei 38/2003, do 17 de novembro, xeral de subvencións (en diante, Lei 38/2003).

2º. Declaración responsable de non estar suxeito/a a unha orde de recuperación pendente tras unha decisión previa da Comisión Europea que declarase unha axuda ilegal ou incompatible co mercado común.

3º. Declaración responsable de que non pode ser considerada unha empresa en crise, conforme o disposto no artigo 2.18 do Regulamento (UE) nº 651/2014, do 17 de xuño, da Comisión. Non obstante, a Gain utilizará os medios que considere oportunos para a súa verificación e requirirá ao solicitante, se for necesario, os documentos oportunos.

4º. Declaración de que a solicitude de axuda é anterior ao comezo das actividades para as cales se solicita (efecto incentivador).

5º. Declaración responsable de non estar incurso/a en ningunha clase de inhabilitación para a obtención de axudas prevista nos números 2 e 3 do artigo 10 da Lei 9/2007. Deberase comunicar calquera variación das circunstancias recollidas nesta declaración no momento en que se produza.

6º. Declaración responsable de estar ao día no pagamento de obrigas por reintegro de subvencións, consonte o artigo 10.2.g) da Lei 9/2007, e o artigo 9 do Regulamento de subvencións de Galicia, aprobado polo Decreto 11/2009, e de reembolso de préstamos ou anticipos concedidos con cargo aos orzamentos da Comunidade Autónoma.

7º. Declaración de que todos os datos contidos na solicitude e nos documentos que se presentan son certos.

8º. Declaración de conformidade co establecido no artigo 5 da Orde do 12 de xaneiro de 2012, pola que se regula a habilitación de procedementos administrativos e servizos na Administración xeral e no sector público autonómico de Galicia, de que son veraces os datos que se consignan na solicitude relativos á conta bancaria en que se efectuará o pagamento das axudas, así como que a entidade solicitante é o seu titular.

9º. Declaración responsable, no caso de que o centro leve a cabo actividades económicas e non económicas, de que se dispón dunha contabilidade separada que permita distinguir con claridade os dous tipos de actividades.

10º. Declaración responsable, no caso de que a infraestrutura solicitada se empregue para o desenvolvemento de actividades económicas e non económicas, de que dispón dunha contabilidade separada que permita distinguir con claridade os dous tipos de actividades.

11º. Declaración responsable, no caso de dispor dun plan de igualdade implantado no centro, de que este se manterá durante o período de execución do proxecto e de mantemento dos investimentos previsto nestas bases reguladoras.

12º. Declaración responsable de que ten capacidade administrativa, financeira e operativa para cumprir os obxectivos do proxecto de infraestrutura para o cal se solicita a axuda.

13º. Declaración responsable de que asumirá a aplicación de medidas antifraude eficaces e proporcionadas no seu ámbito de xestión, así como a obriga de comunicar ao órgano xestor os casos de sospeitas de fraude.

b) Anexo II: Declaración responsable doutras axudas concedidas e solicitadas para o mesmo fin por outras administracións ou entes públicos ou privados.

c) Documentación técnico-económica:

1º. Anexo III: ficha do proxecto de infraestrutura que se solicita.

2º. Memoria descritiva do proxecto de infraestrutura que se solicita, redactada en formato libre, consonte o índice que se inclúe no anexo IV (en ficheiro PDF).

3º. Plan de explotación do proxecto de infraestrutura, redactado en formato libre, consonte o índice que se inclúe no anexo V (en ficheiro PDF).

d) Documentación administrativa:

1º. Copia da verificación da suficiencia do poder bastante con que actúa o representante legal do centro.

2º. Modelo de comprobación de datos das persoas socias mancomunadas (anexo VI).

3º. Copia da escritura de constitución do centro debidamente inscrita, se for o caso, no Rexistro Mercantil ou Industrial.

4º. Tres ofertas como mínimo de diferentes provedores, con carácter previo á contratación do compromiso para a entrega do ben, agás que polas especiais características non exista no mercado suficiente número de entidades que as subministren. A elección entre as ofertas presentadas deberá xustificarse expresamente nunha memoria cando a elección non recaia na proposta económica máis vantaxosa. Estas ofertas deberán figurar asinadas, identificando a persoa que realiza a oferta comercial, e conter os datos identificativos dos provedores así como a data de emisión e validez.

Esta documentación referida ás ofertas deberá presentarse de xeito ordenado, acompañada dun resumo en que conste unha relación detallada das ofertas presentadas para cada equipamento científico-técnico e/ou programas de aplicacións informática de carácter especializado, co fin de identificar e relacionar claramente as ofertas cos conceptos de gasto e que sexan comparables entre si, seguindo o guión que se sinala no anexo VII, onde se indica o contido mínimo das ofertas que se incluirán neste resumo.

5º. No caso de solicitudes dun centro tecnolóxico que inclúan un plan de explotación conxunto do equipamento solicitado con outro/s centro/s, deberá presentarse a documentación a través da cal se poida acreditar debidamente ese uso compartido

Os anexos I (solicitude), II (declaración doutras axudas), III (ficha) e anexo VI (comprobación de datos das persoas socias mancomunadas), estarán dispoñibles na sede electrónica da Xunta de Galicia http://sede.xunta.gal

4. Non será necesario achegar os documentos que xa foron presentados anteriormente. Para estes efectos, a entidade interesada deberá indicar en que momento e ante que órgano administrativo presentou eses documentos. Presumirase que esta consulta está autorizada polas entidades interesadas, excepto que conste no procedemento a súa oposición expresa. Nos supostos de imposibilidade material de obter o documento, o órgano competente poderá requirir á entidade solicitante a súa presentación ou, na súa falta, a acreditación por outros medios dos requisitos a que se refire, con anterioridade á formulación da proposta de resolución.

5. A documentación complementaria deberá presentarse por medios electrónicos. As entidades interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.

6. Sempre que se realice a presentación de documentos separadamente da solicitude, deberanse indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.

7. No caso de que algún dos documentos que se vaia presentar de forma electrónica supere os tamaños máximos establecidos ou teña formato non admitido pola sede electrónica da Xunta de Galicia, permitirase a súa presentación de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.

Comprobación de datos

1. Para a tramitación deste procedemento consultaranse automaticamente os datos incluídos nos seguintes documentos elaborados polas administracións públicas:

a) Certificado de estar ao día no cumprimento das obrigas coa Axencia Estatal da Administración Tributaria.

b) Certificado de estar ao día no cumprimento das obrigas coa Seguridade Social.

c) Certificado de estar ao día no cumprimento das obrigas coa Facenda da Comunidade Autónoma de Galicia.

d) NIF da entidade solicitante.

e) DNI/NIE da persoa representante da entidade solicitante, no caso de ser unha persoa física.

f) NIF da persoa representante da entidade solicitante, no caso de ser unha persoa xurídica.

g) NIF da entidade, no caso de persoas socias mancomunadas.

h) DNI/NIE das persoas socias mancomunadas.

2. No caso de que o centro solicitante se opoña a esta consulta, deberá indicalo no recadro correspondente no formulario de inicio e achegar os documentos.

3. Excepcionalmente, no caso de que algunha circunstancia imposibilitase a obtención dos citados datos, poderase solicitar ao centro solicitante a presentación dos documentos correspondentes.

Se a consulta polo órgano xestor non obtén resultado favorable e o centro solicitante deba presentar estes certificados en fase de emenda, a data de expedición dos certificados pola Administración correspondente deberá ser posterior á data de consulta polo órgano xestor.

Non obstante, aquelas entidades comprendidas no artigo 11 do Decreto 11/2009, do 8 de xaneiro, que desenvolve a Lei de subvencións de Galicia, poderán presentar unha declaración responsable de estar ao día no cumprimento das obrigas tributarias ou fronte á Seguridade Social, e de non ter pendente ningunha outra débeda coa Administración pública da Comunidade Autónoma de Galicia.

Trámites administrativos posteriores á presentación de solicitudes

Todos os trámites administrativos que as entidades interesadas deban realizar durante a tramitación deste procedemento deberán ser realizados por medios electrónicos accedendo á Carpeta cidadá da entidade interesada, dispoñible na sede electrónica da Xunta de Galicia.