Os permisos de exploración de recursos da sección C) ou D) outórganse por 1 ano, que poderá ser prorrogable, tendo en conta o contexto xeolóxico da área, como máximo por outro ano para contar desde a terminación do prazo inicial, se fose solicitada a prórroga un mes antes, como mínimo, da data de vencemento.

Os permisos de investigación de recursos da sección C) ou D) concederanse polo prazo que se solicite, que non poderá ser superior a tres anos, e a súa vixencia comezará ao día seguinte ao da notificación do seu outorgamento. Terminado este prazo inicial do outorgamento dun permiso de investigación, poderá ser prorrogado pola mesma autoridade que o concedese, ata un máximo de tres anos, ben mediante unha soa prórroga ou por varias sucesivas parciais, se fose solicitada a prórroga un mes antes, como mínimo, da data de vencemento.

Ademais, os permisos de investigación poderán ser prorrogados excepcionalmente e para sucesivos períodos, sempre por períodos non superiores aos tres anos, tendo en conta a solvencia técnica e económica que acredite o titular peticionario, a amplitude e características dos traballos programados, o contexto xeográfico, xeolóxico e metaloxenético do terreo solicitado, así como os traballos desenvolvidos, os investimentos realizados, os resultados obtidos e as garantías que siga ofrecendo o titular peticionario.

As concesións de explotación mineiras outorgaranse por un período de trinta anos, podendo prorrogarse ata un máximo de setenta e cinco anos. Para a obtención de cada prórroga, o concesionario deberá presentar, doce meses antes, como mínimo, da terminación da vixencia da concesión, a correspondente solicitude.

• Solicitude segundo o Anexo I.

• Documento de seguridade e saúde.

• Informe do director facultativo.

• No caso de permiso de exploración ou investigación, memoria asinada polo director facultativo con detalle dos traballos realizados e dos que se consideren necesarios para completar a investigación, investimentos efectuados e programa para o desenvolvemento da investigación.

• No seu caso, acreditación da solvencia tecnica e económica da persoa solicitante.

• Declaración responsable de tecnico proxectista, segundo o anexo II.

• Resgardo de pago da taxa correspondente á prórroga do dereito mineiro.

• No caso de persoas xurídicas solicitantes, copia da escritura ou documento de constitución, de modificación, dos estatutos ou do acto fundacional.

• No caso de actuar por medio de representante, documentación acreditativa da representación.

• Certificación sobre a cualificación urbanística do chan que ocupará a actividade.

COMPROBACIÓN DE DATOS

Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.

• DNI o NIE da persoa solicitante

• DNI o NIE da persoa representante

CONSENTIMENTO PARA A COMPROBACIÓN DE DATOS

A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.

• NIF da entidade solicitante

• NIF da entidade representante

• Inicio
• Documento de solicitude

Prazo de resolución: Nove meses

Sentido do silencio: Negativo