Orientámolo/a, paso a paso, para presentar unha solicitude no rexistro electrónico
IG420A - Cualificación de axentes comerciais mediadores no exterior para o apoio á internacionalización da empresa galega.
Aberto todo o ano Obxecto
Cualificación de axente comercial mediador no exterior para a prospección de mercados e apoio á internacionalización da empresa galega. Estes axentes deben ser expertos en comercio exterior, canles de distribución e servizos á internacionalización, con gran coñecemento do mercado do país para o que soliciten a cualificación e poden obter a cualificación para varios países.
A quen vai dirixido?
Persoas xurídicas con plena capacidade de obrar que acrediten o cumprimento dos requisitos establecidos e superen unha determinada puntuación na avaliación dos criterios, segundo o baremo que se relaciona no apartado 5.
Requisitos
Para cada país ao que opten:
- Suficiente e acreditada experiencia como profesional en comercio exterior.
- Infraestrutura permanente, medios persoais e materiais suficientes, e grao de implantación adecuado, para o desenvolvemento das funcións obxecto destas bases.
- Nivel alto de idioma español ou, no seu defecto, dominio do inglés; e, en todo caso, dominio do idioma do país para o que se solicite a cualificación.
- Solvencia económica en relación aos servizos a prestar obxecto destas bases.
- Non estar incurso en ningunha das prohibicións do artigo 20 do Real Decreto lexislativo 2/2000, do 16 de xuño, que aproba o texto refundido da Lei de contratos das administracións públicas.
A onde acudir
Xunta de Galicia
Consellería de Economía, Industria e Innovación
Instituto Galego de Promoción Económica – IGAPE
Área de Internacionalización
Complexo Admtvo. San Lázaro, s/n
15703 Santiago de Compostela (Coruña, A)
Teléfono: 900815151
Fax: 981541114
Órgano responsable
Área de Internacionalización
Normativa
Ámbito Autonómico
Orde do 22 de outubro de 2015 pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería de Economía, Emprego e Industria (DOG nº 204 do 26 de outubro de 2015).
Resolución do 2 de novembro de 2004 pola que se lle dá publicidade ao acordo do Consello de Dirección do Instituto Galego de Promoción Económica, Igape, que aproba as bases reguladoras para a cualificación de axentes comerciais mediadores no exterior para o apoio á internacionalización da empresa galega (DOG nº 223, do 16 de novembro de 2004).
Prazo
Prazo de presentación: Aberto todo o ano
Esta orde entrará en vigor aos vinte días naturais da súa publicación no Diario Oficial de Galicia.
Documentación para a presentación
- Solicitude segundo o Anexo I.
- Documentación acreditativa da capacidade de obrar do solicitante:
- a) En función da natureza e nacionalidade do solicitante:
- No caso de persoas xurídicas solicitantes españolas, copia do NIF, só no caso de non autorizar a súa consulta.
- No caso de persoas xurídicas solicitantes españolas: escritura de constitución ou modificación, se e o caso, inscrita no Rexistro Mercantil cando este requisito fose exixible conforme a lexislación aplicable. Se non o fose, escritura ou documento de constitución, estatutos ou acto fundacional, en que consten as normas polas que se regula a súa actividade, inscritos, se e o caso, no correspondente rexistro oficial.
- a) En función da natureza e nacionalidade do solicitante:
- No caso de persoas solicitantes de países membros da UE ou signatarios do acordo sobre o espazo económico europeo: acreditación de inscrición nos rexistros indicados no anexo I do Real Decreto 1098/2001.
- No caso de persoas solicitantes de países terceiros non-membros da UE: informe expedido pola Misión Diplomática Permanente ou Oficina Consular de España do lugar do domicilio do solicitante, na que se faga constar, logo de acreditación polo solicitante, que figura inscrito no rexistro local profesional, comercial ou análogo ou, no seu defecto, que actúan con habitualidade no tráfico local no ámbito das actividades obxecto desta clasificación.
- b) Poder bastante a favor do asinante da solicitude de cualificación, inscrito no rexistro oficial que corresponda.
- Documentación acreditativa da solvencia tecnica e económica do solicitante:
- a) Relación dos principais traballos realizados en materia de comercio exterior no país/es aos que se opta e, se e o caso, dos sectores e/ou gama de produtos aos que opta, detallando importes globais, datas e beneficiarios.
- b) Relación de medios materiais e humanos de que dispón a empresa.
- c) Relación de medios materiais e humanos a destinar ás actividades obxecto destas bases, especificando currículo vitae dos medios humanos, e xustificación da súa titulación academica, de idiomas, etc.
- d) Canles de comercialización ou gama de produtos en que está máis introducido o solicitante.
- e) Estados financeiros dos dous últimos exercicios e informe da institución financeira acreditativo da solvencia económica.
- f) Calquera outro aspecto que o solicitante considere de interese.
- Oferta tecnica e económica segundo o modelo previsto no Anexo II (cubrirase no formulario de solicitude para cada país ao que se opte os servizos que oferta o axente con prazos e prezos).
Procedementos e servizos relacionados
15/03/2023 08:00 - 14/04/2023 14:00 28/10/2020 00:00 - 27/11/2020 23:59 05/10/2020 00:00 - 19/10/2020 23:59