Orientámolo/a, paso a paso, para presentar unha solicitude no rexistro electrónico
FA300B - Recoñecemento e inscrición no rexistro, modificación de datos ou baixa dunha persoa intermediaria de crédito inmobiliario presentada por unha persoa prestamista única.
Aberto todo o ano Obxecto
1. O presente decreto ten por obxecto a creación do Rexistro de Intermediarios de Crédito Inmobiliario e do Rexistro de Prestamistas Inmobiliarios da Comunidade Autónoma de Galicia.
2. Así mesmo, é obxecto deste decreto a regulación dos ditos rexistros, incluído o seguinte procedemento relacionado:
- FA300B Recoñecemento e inscrición no rexistro, modificación de datos ou baixa no rexistro dunha persoa intermediaria de crédito inmobiliario vinculada a unha persoa prestamista única.
Exceptúase o suposto de intermediarios de crédito vinculados a un só prestamista, en que, conforme o disposto no artigo 30.3 da Lei 5/2019, do 15 de marzo, corresponderá ao dito prestamista presentar a solicitude de recoñecemento e de inscrición do intermediario no rexistro que dará inicio ao procedemento FA300B.
A quen vai dirixido?
Intermediarios de crédito inmobiliario da Comunidade Autónoma de Galicia.
Requisitos
De acordo co artigo 29 da Lei 5/2019, do 15 de marzo, a inscrición no rexistro requirirá a previa verificación do cumprimento dos requisitos para poder operar previstos na dita lei e na súa normativa de desenvolvemento, por parte da autoridade competente para a súa xestión.
A onde acudir
Xunta de Galicia
Consellería de Facenda e Administración Pública
Dirección Xeral de Política Financeira e Tesouro
Subdirección Xeral de Planificación e Operacións Financeiras, Entidades Financeiras e Corporacións Locais
San Caetano, s/n
15781 Santiago de Compostela (Coruña, A)
Teléfono: 981545171
Fax: 981545156
Órgano responsable
Dirección Xeral de Política Financeira e Tesouro
Normativa
Ámbito Autonómico
Decreto 23/2021, do 4 de febreiro, polo que se crean e se regulan os rexistros de Intermediarios de Crédito Inmobiliario e de Prestamistas Inmobiliarios da Comunidade Autónoma de Galicia (DOG nº 29 do 12 de febreiro de 2021).
Prazo
Prazo de presentación: Aberto todo o ano
O presente decreto entrará en vigor o dia seguinte ao da súa publicación no Diario Oficial de Galicia.
Os intermediarios de crédito inmobiliario inscritos no rexistro deberán comunicar as modificacións que se produzan nalgún dos datos previamente achegados no prazo máximo de 15 días hábiles contados a partir do día seguinte a aquel no que teña lugar a correspondente modificación. No caso de intermediarios de crédito inmobiliario vinculados a un só prestamista, será este último o que realice a comunicación.
Documentación para a presentación
- Anexo II debidamente cuberto.
- Documento acreditativo da representación, no seu caso. Referido á persoa PI solicitante.
- No caso de persoas xurídicas que pretendan operar como intermediarios de crédito inmobiliario, copia da escritura ou do documento de constitución, dos estatutos ou da acta fundacional, nos que consten as normas polas que se rexe a súa actividade, e, de ser distinta daquela, da documentación relativa ao nomeamento das persoas administradoras da entidade, así como da documentación xustificativa da inscrición, no seu caso, no Rexistro público que corresponda, segundo o tipo de persoa xurídica de que se trate.
- No caso de persoas físicas que pretendan operar como intermediarios de crédito inmobiliario, documentación acreditativa da alta como autónomo e do CNAE.
- Copia da póliza do seguro de responsabilidade civil profesional ou do aval bancario previsto no artigo 36 da Lei 5/2019, do 15 de marzo, e na disposición adicional primeira do Real decreto 309/2019, do 26 de abril, polo que se desenvolve parcialmente a Lei 5/2019, do 15 de marzo, reguladora dos contratos de crédito inmobiliario e se adoptan outras medidas en materia financeira. Alternativamente poderá achegarse certificado da compañía de seguros coa que se contratase o seguro de responsabilidade civil profesional que acredite o cumprimento dos requisitos previstos no artigo 36 da Lei 5/2019, do 15 de marzo, e na disposición adicional primeira do Real decreto 309/2019, do 26 de abril. Conforme ao disposto no anexo II.
- Ficha de identidade do intermediario co contido previsto no artigo 35 da Lei 5/2019, do 15 de marzo.
- Descrición dos requisitos de información e dos procedementos de resolución de reclamacións.
- Documentación acreditativa da designación de representante ante o Servizo Executivo da Comisión de Prevención do Branqueo de Capitais e Infraccións Monetarias conforme ao previsto no artigo 35.1 do Regulamento da Lei 10/2010, do 28 de abril, de prevención do branqueo de capitais e do financiamento do terrorismo, aprobado polo Real decreto 304/2014, do 5 de maio, cando se cumpran os requisitos establecidos no artigo 31.1 da dita norma.
- Copia do plan de formación nos coñecementos e competencias a que se refire o artigo 16 da Lei 5/2019, do 5 de marzo, e a súa normativa de desenvolvemento. O dito plan debe informar sobre o procedemento establecido para asegurar a formación continua do persoal e o compromiso de que o plan será revisado periodicamente, indicando o prazo de revisión.
- Declaración de honorabilidade comercial e profesional coa información de cada persoa que pretenda operar como intermediario, no caso de ser esta persoa física. No caso das persoas xurídicas, deberá achegarse un formulario por cada un dos administradores e, de ser algún destes persoa xurídica, tamén un formulario relativo á persoa física representante (anexo III).
- Documentación acreditativa de que a persoa que pretenda operar como intermediario, no caso de ser esta persoa física, ou os administradores daquela, de ser persoa xurídica, dispoñen do nivel de coñecementos e competencia a que se refire o artigo 16 da Lei 5/2019, do 15 de marzo, e a súa normativa de desenvolvemento. No caso de que algún dos administradores sexa persoa xurídica, a documentación deberá referirse á persoa física representante (anexo III).
- Documentación xustificativa do aboamento da taxa (cód. 30.02.00).
- Anexos IV e V debidamente cubertos do ICI persoa física e no caso de persoa xurídica os datos relativos as persoas administradoras, no seu caso das persoas representantes, e a comprobación de tales datos.
- Documento acreditativo da representación.
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente no Anexo VI e achegar unha copia dos documentos.
Documento nacional de identidade/NIE/NIF da persoa solicitante e, no seu caso, da persoa representante así como, no suposto de que se solicite o recoñecemento e rexistro dunha persoa xurídica, de cada un dos administradores e, de ser algún estes persoa xurídica, da persoa física representante.
Anexos asociados
- Datos específicos para o recoñecemento e inscrición no Rexistro dunha persoa intermediaria de crédito inmobiliario e modificación de datos (Anexo II)
- Solicitude (Anexo VI)
- Comunicación de variación de datos previamente achegados nos procedementos (Anexo VII)
- Comprobación de datos (Anexo V)
- Formulario para a avaliación da idoneidade (Anexo III)
Resolución
Prazo de resolución:
Tres meses desde a entrada da solicitude no rexistro do órgano competente para a súa tramitación.
Sentido do silencio:
Negativo
Procedementos e servizos relacionados
09/10/2019 00:00 - 08/11/2019 23:59