Orientámolo/a, paso a paso, para presentar unha solicitude no rexistro electrónico
CT500C - Adhesión das entidades e os establecementos ao Bono Cultural.
Convocatoria 2022
Prazo pechado: 15/10/2022 00:00 - 14/11/2022 23:59
Prazo pechado: 15/10/2022 00:00 - 14/11/2022 23:59Obxecto
Por medio desta orde procédese á apertura do prazo de adhesión dos establecementos culturais interesados (código de procedemento CT500C).
Finalidade .
O obxectivo do programa Bono Cultura é incentivar a demanda cultural, axudando economicamente ás persoas consumidoras, e fomentar o consumo nos establecementos culturais adheridos á campaña.
Ademais, o programa ten como finalidade propiciar o fortalecemento do sector cultural, dinamizar a actividade dos establecementos de carácter cultural e reducir o impacto económico marcado primeiro pola pandemia e agora polo contexto económico de suba de prezos.
Requisitos
1. Os establecementos culturais que desexen adherirse ao programa Bono Cultura deberán rexistrarse a través da web https://www.bonocultura.gal, á cal se poderá acceder desde a sede electrónica https://sede.xunta.gal/portada, e indicar a seguinte información:
- Nome e apelidos ou razón social.
- Establecemento en Galicia.
- NIF
- Nome, apelidos e DNI ou NIE da persoa representante.
- Nome comercial
- IAE (incluído no anexo I).
- Enderezo do establecemento.
- Número de teléfono móbil.
- Correo electrónico.
- IBAN da conta bancaria.
- Páxina web do establecemento .
2. Poderán adherirse ao programa Bono Cultura os establecementos que cumpran, ademais, os seguintes requisitos:
Persoas físicas ou xurídicas que teñan como obxecto da súa actividade o de venda ao/á consumidor/a de produtos e bens culturais.
Que desenvolvan a súa actividade en Galicia reunindo as condicións legalmente establecidas para o exercicio da súa actividade.
Centros ou locais públicos ou privados destinados á exhibición de produción cultural (salas de cine, teatros e auditorios, salas de concertos, salas de exposicións, etc.).
Museos, casa-museo ou asimilados tanto de titularidade pública como privada.
Asociacións, entidades e fundacións de carácter cultural, tanto públicas como privadas, que ofrezan produtos culturais.
Que estean dados de alta nalgún dos grupos ou epígrafes do IAE recollidos no anexo I desta orde, no caso de establecementos privados.
3. A alta e o uso da aplicación polos establecementos suporá a aceptación das condicións do seu uso e da política de privacidade conforme o Regulamento (UE) nº 2016/679 do Parlamento Europeo e do Consello, do 27 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos e polo que se derroga a Directiva 95/46/CE (Regulamento xeral de protección de datos) e á Lei orgánica 3/2018, do 5 de decembro, de protección de datos persoais e garantía dos dereitos dixitais, da cal serán informados convenientemente.
4. O nome comercial e localización dos establecementos adheridos ao programa Bono Cultura farase público na web https://www.bonocultura.gal.
5. Os titulares dos establecementos adheridos ao programa recibirán cunha periodicidade semanal, na conta bancaria indicada para tal efecto, a cantidade equivalente aos bonos trocados no seu establecemento.
A onde acudir
Xunta de Galicia
Consellería de Cultura, Educación, Formación Profesional e Universidades
Dirección Xeral de Cultura
Servizo de Promoción da Cultura
Edificio Administrativo de San Caetano, s/n
15781 Santiago de Compostela (Coruña, A)
Teléfono: 981544856
Email: secretaria.xeral.cultura@xunta.gal
Desde o resto do Estado: 902120012
Órgano responsable
Dirección Xeral de Cultura
Normativa
Ámbito Autonómico
Orde do 7 de outubro de 2022 pola que se establecen as bases reguladoras para a concesión de axudas, en réxime de concorrencia non competitiva, a través dos bonos culturais, e se procede á súa convocatoria para o ano 2022 e á apertura do prazo para a adhesión das entidades e dos establecementos culturais (DOG nº 196 do 14 de outubro de 2022).
Extracto da Orde do 7 de outubro de 2022 pola que se establecen as bases reguladoras para a concesión de axudas, en réxime de concorrencia non competitiva, a través dos bonos culturais, e se procede á súa convocatoria para o ano 2022 e á apertura do prazo para a adhesión das entidades e dos establecementos culturais (DOG nº 196 do 14 de outubro de 2022).
Prazo
Prazo de presentación: PECHADO
15/10/2022 00:00 - 14/11/2022 23:59
O prazo para adherirse ao programa será dun mes contado desde o día seguinte ao da publicación desta orde no Diario Oficial de Galicia, sen prexuízo da súa posible ampliación nos termos establecidos na Lei 39/2015, do 1 de outubro, do procedemento administrativo común das administracións públicas.
Documentación para a presentación
Comprobación de datos .
1. Para a tramitación deste procedemento consultaranse automaticamente os datos dos titulares dos establecementos incluídos nos seguintes documentos en poder da Administración actuante ou elaborados polas administracións públicas agás que a persoa interesada se opoña á súa consulta:
a) DNI ou NIE da persoa solicitante.
b) DNI ou NIE da persoa representante.
No caso de que as persoas interesadas se opoñan á consulta, deberán indicalo e achegar os documentos.
2. Cando así o exixa a normativa aplicable solicitarase o consentimento expreso da persoa interesada para realizar a consulta, para consultar:
a) NIF da entidade solicitante.
b) No seu caso, certificación expedida pola Axencia Tributaria na cal se indiquen as epígrafes do imposto de actividades económicas en que figura dada de alta a entidade solicitante.
3. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
Outras convocatorias ou publicacións
Procedementos e servizos relacionados
Aberto todo o ano 14/01/2023 00:00 - 13/02/2023 23:59 28/09/2021 00:00 - 04/10/2021 23:59 02/11/2022 00:00 - 31/12/2022 23:59 05/10/2019 00:00 - 04/11/2019 23:59