Orientámolo/a, paso a paso, para presentar unha solicitude no rexistro electrónico
CO300E - Programa extraordinario para o recoñecemento de actividades artesanais.
Convocatoria 2019
Prazo pechado: 20/09/2019 00:00 - 31/10/2019 23:59
Prazo pechado: 20/09/2019 00:00 - 31/10/2019 23:59Obxecto
Esta resolución ten por obxecto convocar un programa extraordinario de recoñecemento de actividades artesanais para que aquelas persoas que, realizando unha actividade artesanal das comprendidas na sección de actividades artesanais do Rexistro Xeral de Artesanía de Galicia, e non posúan unha titulación adecuada nin experiencia profesional, poidan obter a carta de artesán que acredite esta condición.
A quen vai dirixido?
Poderán obter a carta de artesán as persoas físicas que reúnan as condicións previstas no artigo 12.3 do Decreto 218/2001, do 7 de setembro, polo que se refunde a normativa vixente en materia de artesanía, que exerzan unha actividade artesanal que supoña a creación, produción, restauración ou reparación de bens de valor artístico ou popular, así como a prestación de servizos, sempre que estas se presten ou obteñan mediante procesos nos que a intervención persoal constitúe un factor predominante e o produto final sexa de factura individualizada e distinta da propiamente industrial, tal e como se establece no artigo 2, punto 1, da Lei 1/1992, do 11 de marzo, de artesanía de Galicia.
A onde acudir
Xunta de Galicia
Consellería de Emprego, Comercio e Emigración
Dirección Xeral de Comercio e Consumo
Subdirección Xeral de Artesanía, Entidades e Promoción Comercial
Servizo de Promoción Comercial e da Artesanía
Dirección Xeral de Comercio e Consumo
15781 Santiago de Compostela (Coruña, A)
Teléfono: 981545599/ 981545548
Órgano responsable
Dirección Xeral de Comercio e Consumo
Normativa
Ámbito Autonómico
Resolución do 4 de setembro de 2019, da Dirección Xeral de Comercio e Consumo, pola que se convoca un programa extraordinario para o recoñecemento de actividades artesanais (DOG nº 178 do 19 de setembro de 2019).
Prazo
Prazo de presentación: PECHADO
20/09/2019 00:00 - 31/10/2019 23:59
As solicitudes presentadas ao abeiro do programa extraordinario de recoñecemento de actividades artesanais poderán presentarse desde o día seguinte á publicación desta resolución no Diario Oficial de Galicia ata o 31 de outubro de 2019.
Documentación para a presentación
-
Para poder tramitar o procedemento deberá presentarse unha solicitude dirixida á Consellería de Economía, Emprego e Industria axustada ao modelo normalizado que se inclúe como anexo I, na forma e prazo que se indica no artigo 4 desta Resolución.
As persoas interesadas deberán achegar coa solicitude a seguinte documentación :
-
Memoria das actividades profesionais realizadas (máximo 6 folios, engadidas as fotografías).
-
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal.
Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común.
-
3. admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
-
A documentación complementaria presentarase preferiblemente por vía electrónica. As persoas interesadas responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
Opcionalmente, as persoas interesadas poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.
-
Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude e o número de expediente se se dispón del.
-
No caso de que algún dos documentos que se presente de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
-
Comprobación de datos .
1. Para a tramitación deste procedemento consultaranse automaticamente os datos incluídos nos seguintes documentos elaborados polas administracións públicas:
-
a) DNI ou NIE da persoa solicitante.
-
b) DNI ou NIE da persoa representante.
-
c) NIF da entidade representante.
2. No caso de que as persoas interesadas se opoñan a esta consulta, deberán indicalo no cadro correspondente habilitado no formulario de inicio e achegar os documentos.
3. Excepcionalmente, no caso de que algunha circunstancia imposibilitase a obtención dos citados datos poderase solicitar ás persoas interesadas a presentación dos documentos correspondentes.
-
Trámites administrativos posteriores á presentación de solicitudes .
A sede electrónica da Xunta de Galicia permite ás persoas interesadas realizar trámites electrónicos, con posterioridade ao inicio do expediente, accedendo á Carpeta do cidadán da persoa interesada. Opcionalmente, tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.
Resolución
Prazo de resolución: Seis meses
Sentido do silencio: Positivo
Procedementos e servizos relacionados
25/05/2024 00:00 - 24/06/2024 23:59 CO300A
Subvención ás asociacións de comerciantes sen fins de lucro para a dinamización dos centros comerciais abertos de Galicia.
10/02/2023 00:00 - 09/03/2023 23:59 CO300B
Subvencións ás asociacións de comerciantes sen fins de lucro de ámbito superior ao municipal ou federacións para a revitalización do comercio de proximidade e a incentivación do consumo a través do ticket de dinamización comercial.
03/02/2024 00:00 - 04/03/2024 23:59 CO300C
Subvencións para a transformación dixital, innovación e modernización do sector comercial e artesanal.
09/10/2019 00:00 - 08/11/2019 23:59 CO300F
Adhesión á rede de comercios e mercados no camiño e subvencións para a edición de material.
31/05/2023 00:00 - 30/06/2023 23:59 CO300G
Subvencións para o Programa de Modernización do Comercio: fondo tecnolóxico, no marco do plan de recuperación, transformación e resiliencia financiado pola Unión Europea-NextGenerationEU.
07/07/2022 00:00 - 08/08/2022 23:59 CO300H
Subvención para a creación e lanzamento de plataformas de marketplace para produtos agroalimentarios no medio rural.