Orientámolo/a, paso a paso, para presentar unha solicitude no rexistro electrónico
BS426A - Inscrición no Rexistro de Mediadores e Mediadoras Familiares de Galicia.
Aberto todo o ano Obxecto
Solicitar a inscrición no Rexistro de Mediadores Familiares de Galicia para actuar en funcións de cooperación e auxilio a aquelas persoas que teñen ou tiveron unha relación familiar e precisen dunha solución pactada á súa problemática.
A quen vai dirixido?
Os profesionais especializados en áreas psico-socio-familiares .
Requisitos
a) Ser titulado en dereito, psicoloxía, pedagoxía, psicopedagoxía, traballo social ou en educación social.
b) Ter desenvolvido, alomenos durante os dous anos inmediatamente anteriores á solicitude de habilitación para a inscrición, actividades profesionais no eido psico-socio-familiar.
c) Estar en posesión das licenzas ou autorizacións pertinentes para o exercicio da súa actividade profesional e, se é o caso, inscrito no seu colexio profesional.
A onde acudir
Xunta de Galicia
Consellería de Política Social e Xuventude
Dirección Xeral de Familia, Infancia e Dinamización Demográfica
Subdirección Xeral de Política Familiar, Infancia e Adolescencia
Servizo de Apoio á Familia, á Infancia e á Adolescencia
Edificio Administrativo de San Caetano.Edificio a Pirámide
15781 Santiago de Compostela (Coruña, A)
Teléfono: 981957165/ 881995437
Fax: 981544634
Órgano responsable
Dirección Xeral de Familia, Infancia e Dinamización Demográfica
Normativa
Ámbito Autonómico
Lei 4/2001, do 31 de maio, reguladora da mediación familiar (DOG nº 117 do 18 de xuño de 2001).
Decreto 159/2003, do 31 de xaneiro, polo que se regula a figura do mediador familiar, o Rexistro de Mediadores Familiares de Galicia e o recoñecemento da mediación gratuíta (DOG nº 34 do 18 de febreiro de 2003).
Corrección de erros.-Decreto 159/2003, do 31 de xaneiro, polo que se regula a figura do mediador familiar, o Rexistro de Mediadores Familiares de Galicia e o recoñecemento da mediación gratuíta (DOG n° 44 do 4 de marzo de 2003).
Orde do 31 de xullo de 2015 pola que se adaptan e se incorporan á sede electrónica da Xunta de Galicia os procedementos administrativos de prazo aberto da Consellería de Traballo e Benestar (DOG nº 146 do 4 de agosto de 2015).
Prazo
Prazo de presentación: Aberto todo o ano
Documentación para a presentación
- Solicitude segundo o Anexo I.
- Xustificación acreditativa de ter satisfeito as taxas por servizos administrativos de conformidade co establecido no Título II do Decreto lexislativo 1/1992, do 11 de abril.
- Xustificación acreditativa de contar con formación específica para exercer a mediación.
- Xustificación acreditativa de ter subscrito un seguro ou garantía equivalente que cubra a responsabilidade civil derivada das actuacións nos conflitos nos que interveña.
- Xustificación acreditativa da experiencia profesional no campo psicosociofamiliar.
- Xustificación acreditativa de estar en posesión das licenzas ou autorización pertinentes para o exercicio da súa actividade profesional e, se é o caso, da inscrición no colexio profesional.
- Outra documentación
COMPROBACIÓN DE DATOS
Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.
- DNI o NIE da persoa solicitante
- Títulos oficiais universitarios
- Títulos oficiais non universitarios
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
- NIF da entidade solicitante
Resolución
Prazo de resolución:
Dous meses
Sentido do silencio:
Positivo
Procedementos e servizos relacionados
13/11/2021 00:00 - 13/12/2021 23:59 BS420A
Axudas para o funcionamento das escolas infantís 0-3 dependentes de entidades privadas de iniciativa social
14/09/2023 00:00 - 13/10/2023 23:59 BS420E
Axudas correspondentes ao programa de impulso de escolarización no primeiro ciclo de educación infantil con novas prazas de titularidade pública, no marco do plan de recuperación, transformación e resiliencia.
