Orientámolo/a, paso a paso, para presentar unha solicitude no rexistro electrónico
AU230I - Dedución no canon da auga, canon de xestión de depuradoras e canon de xestión de redes de colectores para familias numerosas.
Aberto todo o ano Obxecto
Mediante este modelo os usos domésticos (vivendas) que teñan recoñecida a condición de familia numerosa poderán solicitar a bonificación do 50% no canon da auga e, no seu caso, no canon de xestión de depuradoras e no canon de xestión de redes de colectores.
A quen vai dirixido?
Suxeitos pasivos domésticos que reúnan a condición de familia numerosa e queiran solicitar a bonificación do 50% na cota do canon da auga e, no seu caso, no canon de xestión de depuradoras e no canon de xestión de redes de colectores.
Requisitos
Para solicitar a dedución a persoa que figure como titular no título de familia numerosa deberá presentar o modelo de solicitude e cumprir os seguintes requisitos
a) O enderezo para o que se solicita a dedución debe coincidir co enderezo en que se atopa empadroada a unidade familiar.
b) No caso de abastecerse a partir de entidade subministradora, o titular do contrato de subministro de auga deberá coincidir con algún dos membros da unidade familiar. Noutro caso, o solicitante deberá acreditar que ten domiciliado o pagamento da factura-recibo de auga en algunha conta bancaria da que sexa titular.
c) A dedución na cota por familia numerosa só poderá obterse na vivenda principal, sen que poida ser concedida nas restantes vivendas que poida ter calquera dos membros que constitúan a familia numerosa.
A onde acudir
Xunta de Galicia
Consellería de Infraestruturas e Mobilidade
Augas de Galicia
Praza Camilo Díaz Baliño, 7-9
15781 Santiago de Compostela (Coruña, A)
Teléfono: 981 541697
Órgano responsable
Augas de Galicia
Normativa
Ámbito Autonómico
Lei 9/2010, do 4 de novembro, de augas de Galicia (DOG nº 222 do 18 de novembro de 2010).
Decreto 136/2012, do 31 de maio, polo que se aproba o Regulamento do canon da auga e do coeficiente de vertedura a sistemas públicos de depuración de augas residuais (DOG nº 119 do 22 de xuño de 2012).
Lei 1/2022, do 12 de xullo, de mellora da xestión do ciclo integral da auga (DOG nº 154 do 12 de agosto de 2022).
Orde do 21 de decembro de 2022 pola que se aproban os formularios normalizados dos procedementos relativos ao canon da auga, canon de xestión das depuradoras e canon de xestión das redes de colectores regulados pola Lei 9/2010, do 4 de novembro, de augas de Galicia, e pola Lei 1/2022, do 12 de xullo, de mellora da xestión do ciclo integral da auga. (DOG nº 247 do 29 de decembro de 2022).
Ámbito Estatal
Lei 58/2003, de 17 de decembro, Xeral Tributaria (BOE nº 302, de 18 de decembro de 2003).
Prazo
Prazo de presentación: Aberto todo o ano
Todo o ano.
Documentación para a presentación
- Solicitude normalizada segundo o Anexo VIII
- Xunto cos modelos de solicitude os interesados deberán presentar:
a) Comprobación de datos das persoas empadroadas na vivenda (Anexo XXIII)
b) Copia do título de familia numerosa (só no caso de estar emitido por outra comunidade autónoma).
c) Copia da última factura da auga.
d) Acreditación de domiciliación bancaria da factura da auga (no caso de que a persoa titular do contrato non sexa membro da familia numerosa)
- Comprobación de datos.
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
o Título de familia numerosa recoñecido pola Comunidade Autónoma de Galicia
Anexos asociados
Resolución
Prazo de resolución:
6 meses
Sentido do silencio:
Positivo
Outras convocatorias ou publicacións
Procedementos e servizos relacionados
Aberto todo o ano Aberto todo o ano Aberto todo o ano Aberto todo o ano 