Orientámolo/a, paso a paso, para presentar unha solicitude no rexistro electrónico
DE001A - Inscrición no Rexistro de Instalacións Deportivas de Galicia.
Aberto todo o ano Obxecto
Inscrición das instalacións deportivas de uso público da Comunidade Autónoma de Galicia.
A quen vai dirixido?
Os titulares das instalacións deportivas de uso público da Comunidade Autónoma de Galicia, tanto de titularidade pública como de titularidade privada.
Teñen a consideración de instalacións deportivas de uso público aquelas abertas ao público en xeral, con independencia da súa titularidade ou da esixencia de contraprestación pola súa utilización, de conformidade co disposto no artigo 76.3 da Lei 3/2012, do 2 de abril.
Requisitos
1. Teñen a consideración de instalacións deportivas de uso público aquelas abertas ao público en xeral, con independencia da súa titularidade ou da esixencia de contraprestación pola súa utilización, de conformidade co disposto no artigo 76.3 da Lei 3/2012, do 2 de abril.
2. Teñen a consideración de instalacións de titularidade pública, a efectos do presente decreto, aquelas instalacións deportivas de titularidade da Administración xeral da Comunidade Autónoma, das entidades locais de Galicia, das universidades públicas do Sistema Universitario de Galicia así como de organismos públicos ou entidades de dereito público ou de dereito privado vinculadas ou dependentes da Administración xeral da Comunidade Autónoma de Galicia ou das entidades locais de Galicia.
3. Considérase instalación deportiva aquel espazo onde pode practicarse deporte e tamén, no seu caso, desenvolverse exercicio ou actividade física. Ademais, pode incluír espazos complementarios e auxiliares. Atendendo as características básicas dos espazos diferéncianse:
a) Instalación deportiva convencional: de acordo co artigo 76.1 da Lei 3/2012, do 2 de abril, ten a consideración de instalación deportiva convencional calquera espazo aberto ou pechado, infraestrutura ou inmoble proxectado ou adaptado especificamente para a práctica do deporte que estea dotado das condicións aptas para o exercicio de calquera das súas modalidades ou especialidades (campo hockey herba, campo de béisbol e sóftball, campo de fútbol, campo de golf, campo de rugby, campo de tiro, campo de wáter polo, campo de tiro con arco, circuíto deportivo de motor, circuíto hípico, club náutico, estadio de atletismo, pista de atletismo, frontón, parque acuático, pavillón polideportivo, piscina, pista de squash, pista de tenis, pista de xeo, pista de piragüismo, pista polideportiva exterior, pista de remo, pista de pádel, rocódromo artificial, velódromo, así como outros análogos).
b) Espazos deportivos non convencionais: de acordo co artigo 76.2 da Lei 3/2012, do 2 de abril, teñen esta consideración aqueles nos que se desenvolven actividades deportivas e que se adaptan ás características do medio, natural ou urbano (áreas de actividades ao aire libre: parque/circuíto saudable, parque infantil, parque multiaventura, percorridos a cabalo, percorridos en bicicleta, carril de bicicleta, percorridos/paseos a pe, rutas de bicicleta todo terreo (btt), vía verde (bicicleta); áreas deportivas fluviais; áreas deportivas praia-mar; zona de actividade aeronáutica; zona de actividade de montaña; zona de xogos tradicionais/populares, así como outros análogos).
4. Considérase complexo deportivo ao espazo que conta con varias instalacións deportivas e que posibilita a realización e práctica dunha variedade de exercicios, actividades físicas e/ou deportivas (pista polideportiva, centro deportivo, zona de actividades exterior así como outros análogos).
A onde acudir
Xunta de Galicia
Consellería de Presidencia, Xustiza e Deportes
Fundación Deporte Galego
Rúa de Madrid, 2-4, 2º (Fontiñas)
15781 Santiago de Compostela (Coruña, A)
Teléfono: 881996376
Email: fundaciondeportegalego.pr@xunta.gal
Órgano responsable
Secretaría Xeral para O Deporte
Normativa
Ámbito Autonómico
Decreto 52/2022, do 28 de abril, polo que se crea e regula o Rexistro de Instalacións Deportivas de Galicia (DOG nº 91 do 11 de maio de 2022).
Corrección de erros. Decreto 54/2022, do 28 de abril, polo que se crea e regula o Rexistro de Instalacións Deportivas de Galicia (publicado por erro como Decreto 52/2022) (DOG nº 96 do 19 de maio de 2022).
Prazo
Prazo de presentación: Aberto todo o ano
O presente decreto entrará en vigor aos vinte días naturais da súa publicación no Diario Oficial de Galicia e o prazo de presentación de solicitudes permanecerá aberto indefinidamente desde o día 31 de maio de 2022.
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición en rexistros oficiais. Primeira inscrición. Modificacións da primeira inscrición. (Código taxa: 30.02.00)
Pode realizar o pago destas taxas na Oficina Virtual Tributaria.
Documentación para a presentación
Solicitude segundo o Anexo IV.
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente e achegar unha copia dos documentos:
NIF de la entidad representante.
Consentimento para a comprobación de datos .
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente:
NIF da entidade comunicante.
NIF da entidade representante.
Trámites administrativos posteriores á presentación de solicitudes .
Todos os trámites administrativos que as persoas interesadas deban realizar durante a tramitación deste procedemento deberán ser realizados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.
Resolución
Prazo de resolución:
Tres meses
Sentido do silencio:
Positivo
Procedementos e servizos relacionados
Aberto todo o ano DE001B
Modificación ou baixa no Rexistro de Instalacións Deportivas de Galicia.
Aberto todo o ano DE001C
Comunicación para a inscrición no Rexistro de Instalacións Deportivas de Galicia.
10/02/2023 00:00 - 20/02/2023 23:59 DE401A
Premios Deporte Galego.
23/04/2024 00:00 - 29/11/2024 23:59 PR947B
Auditorías das federacións deportivas galegas.
Aberto todo o ano PR954B
Convenio de colaboración entre a Secretaría Xeral para o Deporte e as agrupacións deportivas escolares de Galicia para a práctica e o desenvolvemento da actividade deportiva en idade escolar