Orientámolo/a, paso a paso, para presentar unha solicitude no rexistro electrónico
IF320B - Modificación, supresión, suspensión ou levantamento da suspensión de servizos inscritos no Rexistro de Empresas Operadoras do Transporte Marítimo.
Aberto todo o ano Obxecto
Todos aqueles servizos de transporte marítimo de persoas en augas interiores que estean inscritos no Rexistro de Empresas Operadoras do Transporte Marítimo deben poñer en coñecemento deste calquera alteración que afecte á súa inscripción, así como a suspensión total ou parcial dun servizo, ou a súa supresión.
A quen vai dirixido?
Empresas navieiras que estean inscritas no rexistro como prestameiras de servizos de transporte marítimo regular en augas interiores de Galicia.
Requisitos
As empresas inscritas no Rexistro de Empresas Operadoras do Transporte Marítimo deberán notificar a modificación ou supresión dun servizo presentando unha nova declaración responsable cunha antelación mínima de dez días hábiles, para os efectos de publicitar os cambios; na dita declaración farase constar aqueles aspectos que varíen, se é o caso, nos mesmos termos que os previstos para a súa inscrición inicial.
As empresas deberán anunciar, en todo caso, nos portos de atracada e na súa páxina web, se dispón dela, as modificacións e/ou supresións dos servizos ás persoas usuarias cunha antelación mínima de dez días hábiles á data prevista para a súa aplicación efectiva
A onde acudir
Xunta de Galicia
Consellería de Presidencia, Xustiza e Deportes
Dirección Xeral de Mobilidade
Subdirección Xeral de Ordenación do Transporte
Servizo de Ordenación do Transporte Regular de Viaxeiros
Edificio Administrativo San Caetano, s/n
15707 Santiago de Compostela (Coruña, A)
Teléfono: 981544375/ 981544583
Fax: 981544351
Email: transportepublico@xunta.gal
Órgano responsable
Dirección Xeral de Mobilidade
Normativa
Ámbito Autonómico
Lei 2/2008, do 6 de maio, pola que se desenvolve a libre prestación de servizos de transporte marítimo de persoas en augas interiores de Galicia (DOG nº 90 do 12 de maio de 2008).
Decreto 228/2008, do 2 de outubro, sobre a prestación de servizos de transporte marítimo de persoas en augas interiores de Galicia (DOG nº 202 do 17 de outubro de 2008).
Decreto 44/2021, do 28 de xaneiro, polo que se modifica o Decreto 228/2008, do 2 de outubro, sobre a prestación de servizos de transporte marítimo de persoas en augas interiores de Galicia (DOG nº 51 do 16 de marzo de 2021).
Orde do 4 de marzo de 2021 pola que se establecen os formularios normalizados para a inscrición e as súas modificacións no Rexistro de Empresas Operadoras do Transporte Marítimo (DOG nº 51 do 16 de marzo de 2021).
Prazo
Prazo de presentación: Aberto todo o ano
Esta orde entrará en vigor aos vinte días da súa publicación no Diario Oficial de Galicia e o prazo de presentación de solicitudes comezará o día 6 de abril de 2021 e permanecerá aberto indefinidamente.
.
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición no rexistro de Empresas Operadoras do Transporte Marítimo. (Código taxa: 30.47.00)
Pode realizar o pago destas taxas na Oficina Virtual Tributaria.
Documentación para a presentación
-
Solicitude segundo o Anexo II
-
Documento xustificativo de ter aboada a taxa.
-
Acreditación da representación, no seu caso.
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
NIF da entidade declarante ou representante.
-
DNI/NIE da persoa declarante ou representante.
Información de taxas .
Este procedemento está suxeito ao pago dunha taxa. A continuación móstrase a listaxe de taxas aplicables:
-
Modificación, supresión, suspensión ou levantamento da suspensión de servizos inscritos no rexistro de empresas operadoras do transporte marítimo. (Código taxa: 30.47.00)
Pode realizar o pago destas taxas na Oficina Virtual Tributaria
Contra a resolución deste procedemento poderá interpoñerse recurso a través de "IF321C. Recurso en materia de mobilidade"
Outras convocatorias ou publicacións
Procedementos e servizos relacionados
Aberto todo o ano IF320A
Inscrición no Rexistro de Empresas Operadoras do Transporte Marítimo e a súa renovación.
Aberto todo o ano IF320C
Modificación de datos identificativos no Rexistro de Empresas Operadoras do Transporte Marítimo.
Aberto todo o ano IF321C
Recurso en materia de mobilidade.
Aberto todo o ano IF321H
Declaración responsable para a realización de obras menores de conservación e mantemento das edificacións, instalacións e peches situados na zona de servidume ou na zona de afección das estradas de titularidade da Comunidade Autónoma de Galicia.