Orientámolo/a, paso a paso, para presentar unha solicitude no rexistro electrónico
MT300A - Subvencións en concorrencia competitiva para os concellos galegos con poboación inferior a 50.000 habitantes para a creación ou mellora de infraestruturas.
Convocatoria 2019
Prazo pechado: 24/01/2019 00:00 - 25/02/2019 23:59
Prazo pechado: 24/01/2019 00:00 - 25/02/2019 23:59Obxecto
O obxecto desta orde é establecer as bases reguladoras e as condicións polas cales se rexerá a convocatoria pública, en réxime de concorrencia competitiva, de subvencións destinadas aos concellos de Galicia, con poboación inferior a 50.000 habitantes, para a creación e mellora de infraestruturas, e convocalas para o ano 2019.
A xestión das subvencións obxecto desta convocatoria realizarase de acordo cos principios establecidos no artigo 5.2 da Lei 9/2007, do 13 de xuño, de subvencións de Galicia.
Actuacións subvencionables.
1. Serán subvencionables os investimentos destinados á creación ou mellora de infraestruturas, dotacións e instalacións vinculadas á prestación dos servizos municipais que se indican a seguir:
a) Humanización e mellora urbanas de rúas.
b) Humanización e mellora de espazos públicos.
Para estes efectos defínese:
Actuacións de humanización: actuacións que supoñan aumentar a superficie do espazo público para o seu uso polos peóns en detrimento do seu uso por vehículos de motor.
Actuacións de melloras: obras que doten de redes de servizos urbanos (abastecemento, recollidas de augas, iluminación pública, soterramento de cables de telefonía e electricidade), reforma ou formación de beirarrúas en vías de titularidade pública, supresión de barreiras arquitectónicas e, en xeral, obras que melloren a utilización polas persoas dos espazos públicos.
2. Cada concello só poderá solicitar axuda para unha actuación das descritas anteriormente. Cando o órgano instrutor observe que un concello participa en máis dunha actuación, poñerallo de manifesto para que, no prazo máximo de dez días, poida desistir da solicitude ou solicitudes necesarias para dar cumprimento ao establecido neste artigo.
3. As actuacións para as cales se solicite a subvención deberanse iniciar no exercicio 2019 e os prazos da súa execución terán en conta as datas límite de xustificación que se especifican no artigo 14 desta convocatoria. Para tal efecto, o período de referencia para a imputación dos gastos subvencionables será o comprendido entre o 1 de xaneiro de 2019 e o 31 de outubro de 2020, conforme as condicións que se especifican no artigo 14 desta orde de axudas.
En ningún caso serán obxecto de axuda:
a) A adquisición de terreos.
b) Os proxectos de redes de luz pública que consistan unicamente na substitución de lámpadas ou luminarias; ou aqueles destinados á colocación, substitución ou reparación de elementos e pezas illadas en mobiliario ou equipamentos.
c) Adquisición ou substitución de equipamentos para tratamento e xestión de residuos sólidos urbanos que non formen parte de xeito conxunto de proxectos relativos ás actuacións a) e b) do punto 1 do presente artigo.
d) Adquisición de vehículos.
A quen vai dirixido?
Poderán ser beneficiarios da subvención os concellos de Galicia de menos de 50.000 habitantes..
Obrigas dos beneficiarios.
Sen prexuízo das demais obrigas establecidas no artigo 11 da Lei 9/2007, do 13 de xuño, os beneficiarios das axudas concedidas ao abeiro desta orde quedan obrigados a:
1. Cumprir o obxectivo, executar o proxecto, realizar a actividade ou adoptar o comportamento que fundamenta a concesión da subvención.
2. Xustificar ante o órgano concedente o cumprimento da finalidade da subvención, a realización da actividade ou adopción do comportamento que fundamentou a súa concesión e o seu custo real.
3. Destinar os fondos percibidos ao obxecto concreto para o cal foron concedidos e realizar as actuacións que integran o proxecto subvencionado, segundo o estipulado no artigo 41 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
4. Proceder ao reintegro, total ou parcial, das cantidades percibidas, se as houber, xunto cos xuros de demora correspondentes, segundo o procedemento establecido no artigo 38 da Lei de subvencións de Galicia, nos seguintes supostos:
a) Incumprimento das condicións establecidas para a concesión da subvención.
b) Incumprimento da obriga de xustificar o pagamento nos termos establecidos no artigo 14 desta orde.
c) Incumprimento da obriga de achegar os tres orzamentos que, en aplicación do artigo 29.3 da Lei 9/2007, do 13 de xuño, de subvencións de Galicia, deba ter solicitado a entidade beneficiaria e/ou falta ou insuficiente acreditación de que a elección recaeu na oferta economicamente máis vantaxosa.
d) Incumprimento da obriga de destinar os bens ao fin concreto para o cal se concedeu a subvención, durante un período mínimo de cinco anos.
e) Incumprimento das obrigas establecidas nos artigos 11 e 15 da Lei 9/2007, do 13 de xuño, de subvencións de Galicia, así como nos supostos establecidos no artigo 33 desta mesma lei e/ou calquera outro que resulte da normativa aplicable.
5. Realizar o proceso de tramitación e adxudicación da contratación conforme as prescricións contidas na lexislación sobre contratación administrativa do sector público e, especificamente, a que rexe as contratacións das administracións públicas, sen prexuízo do establecido no artigo 29.3 da Lei de subvencións de Galicia, no artigo 31.3 da Lei 38/2003, do 17 de novembro, xeral de subvencións, e nos artigos 9.c) e 10.e) do Decreto 193/2011, do 6 de outubro, polo que se regulan as especialidades nas subvencións ás entidades locais galegas. Serán os concellos contratantes os responsables directos das consecuencias que poidan derivar dos incumprimentos.
6. Destinar os bens ao fin concreto para o cal se concede esta subvención durante un período mínimo de cinco anos e reintegrar as cantidades percibidas no caso de incumprimento desta obriga. A axuda só será definitiva se non sofre, antes de transcorridos cinco anos do seu remate, unha modificación que afecte a natureza do investimento.
7. Comunicarlle ao órgano concedente a obtención de subvencións, axudas, ingresos ou recursos que financien as actividades subvencionadas. Esta comunicación deberá efectuarse tan axiña como se coñeza e, en todo caso, con anterioridade á xustificación da aplicación dada aos fondos percibidos.
8. Consentir expresamente a inclusión dos datos relevantes da subvención nos rexistros públicos que proceda, conforme a disposición adicional do Decreto 132/2006, do 27 de xullo, polo que se regulan os rexistros públicos creados nos artigos 44 e 45 da Lei 7/2005, do 29 de decembro, dos orzamentos xerais da Comunidade Autónoma para o exercicio 2006, e artigo 16 da Lei 9/2007, do 13 de xuño, de subvencións de Galicia.
9. Someterse ás actuacións de comprobación que deba efectuar o órgano concedente, ás de control financeiro que corresponden á Intervención Xeral da Comunidade Autónoma en relación coa subvención concedida, ás previstas na lexislación do Tribunal de Contas e do Consello de Contas e achegar canta información lles sexa requirida no exercicio das actuacións anteriores.
Requisitos
1. Ter unha poboación inferior a 50.000 habitantes. Para estes efectos, considerarase o número de habitantes recollido no último padrón municipal aprobado polo Real decreto 1039/2017, do 15 de decembro, polo que se declaran oficiais as cifras de poboación resultantes da revisión do padrón municipal referidas ao 1 de xaneiro de 2017. No caso de que na data de publicación desta orde estiver publicado o real decreto referido as cifras de poboación do ano seguinte, tomarase este último como referencia.
2. Ter remitido ao Consello de Contas a conta xeral do concello correspondente ao exercicio orzamentario 2017 antes do remate do prazo de presentación da solicitude de axuda.
3. Non estar incursos en ningunha das prohibicións establecidas no artigo 10, números 2 e 3, da Lei 9/2007, do 13 de xuño, de subvencións de Galicia, para obter a condición de beneficiario dunha subvención.
4. Acreditar a viabilidade do proxecto referido ao ámbito en que se pretenden realizar as actuacións obxecto da solicitude. Este requisito acreditarase mediante a certificación emitida pola secretaría do concello solicitante no modelo do anexo II.
Para os efectos desta orde, entenderase que existe plena viabilidade cando as actuacións para as cales se solicita subvención dispoñan de todas as autorizacións e informes sectoriais que precise por razón da materia.
A onde acudir
Xunta de Galicia
Consellería de Vivenda e Planificación de Infraestruturas
Secretaría Xeral de Vivenda e Urbanismo
Dirección Xeral de Urbanismo
Servizo de Obras e Supervisión de Proxectos
Edificios Adtvos. San Caetano, s/n
15781 Santiago de Compostela (Coruña, A)
Teléfono: Para consultas técnicas sobre os proxectos e documentación relativa aos mesmos: 981544382/981544547 / Para consultas de tipo administrativo e xestión: 981544389/981544371/981544362
Email: sxurb@xunta.gal
Órgano responsable
Dirección Xeral de Urbanismo
Normativa
Ámbito Autonómico
Resolución do 1 de maio de 2020, da Dirección Xeral de Ordenación do Territorio e Urbanismo, pola que se acorda a continuación de determinados procedementos relativos á concesión de subvencións e convenios (DOG nº 86 do 6 de maio de 2020).
Orde do 21 de decembro de 2018 pola que se establecen as bases reguladoras e se convocan subvencións, en réxime de concorrencia competitiva, destinadas á creación ou mellora de infraestruturas nos concellos de Galicia con poboación inferior a 50.000 habitantes, para o ano 2019 (DOG nº 16 do 23 de xaneiro de 2019).
Extracto da Orde do 21 de decembro de 2018 pola que se establecen as bases reguladoras e se convocan subvencións, en réxime de concorrencia competitiva, destinadas á creación ou mellora de infraestruturas nos concellos de Galicia con poboación inferior a 50.000 habitantes, para o ano 2019 (DOG nº 16 do 23 de xaneiro de 2019).
Orde do 26 de abril de 2019 pola que se amplía a dotación orzamentaria das subvencións convocadas ao abeiro da Orde do 21 de decembro de 2018 pola que se establecen as bases reguladoras e se convocan subvencións, en réxime de concorrencia competitiva, destinadas á creación ou mellora de infraestruturas nos concellos de Galicia con poboación inferior a 50.000 habitantes, para o ano 2019 (código de procedemento MT300A) (Diario Oficial de Galicia número 16, do 23 de xaneiro de 2019) (DOG nº 85, do 6 de maio de 2019).
Resolución do 6 de xuño de 2019 pola que se dá publicidade dos beneficiarios das axudas concedidas ao abeiro da Orde do 21 de decembro de 2018 pola que se establecen as bases reguladoras e se convocan subvencións en réxime de concorrencia competitiva, destinadas á creación ou mellora de infraestruturas nos concellos de Galicia con poboación inferior a 50.000 habitantes, para o ano 2019 (DOG nº 112 do 14 de xuño de 2019).
Prazo
Prazo de presentación: PECHADO
24/01/2019 00:00 - 25/02/2019 23:59
O prazo de presentación de solicitudes será dun mes, contado a partir do día seguinte ao da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao de publicación, entenderase que o prazo remata o derradeiro día do mes.
Documentación para a presentación
-
As entidades interesadas deberán achegar coa solicitude a seguinte documentación:
-
a) Declaración responsable do anexo I desta orde asinada pola persoa representante da entidade local solicitante, en que se faga constar o conxunto de todas as axudas das distintas administracións públicas competentes ou outros entes públicos, solicitadas ou concedidas para as mesmas actuacións solicitadas ao abeiro desta orde, e o compromiso de comunicar de contado cantas axudas solicite e/ou obteña doutras administracións públicas ou doutros entes públicos ou privados, nacionais ou internacionais, a partir da data desta declaración.
-
b) Certificación do anexo II da persoa que exerce a titularidade da secretaría da entidade local en que se faga constar:
-
-
b.1) O acordo do órgano competente da entidade local polo cal se solicita a subvención para as actuacións que se pretenden executar ao abeiro desta orde, e se aceptan as condicións de financiamento e demais requisitos establecidos nela.
No referido acordo deberá constar expresamente que se aceptan as condicións de financiamento e demais requisitos establecidos na orde, e o acordo deberá estar adoptado antes da finalización do prazo de presentación de solicitudes.
O acordo estará referido a todas as actuacións que integran o proxecto, polo que se deberá consignar a denominación e o orzamento de cada unha delas, así como o orzamento total.
O incumprimento destes requisitos constituirá causa de inadmisión da solicitude.
-
b.2) Que a conta xeral da entidade local correspondente ao exercicio orzamentario de 2017 foi remitida ao Consello de Contas de Galicia. Deberase acreditar no certificado que a remisión da conta ao Consello de Contas se efectuou antes da finalización do prazo de presentación de solicitudes, polo cal se consignará a data de remisión ao Consello de Contas e non se admitirán aquelas certificacións en que non se faga constar a dita data de remisión.
O incumprimento destes requisitos constituirá causa de inadmisión da solicitude.
-
b.3) A viabilidade do proxecto referido ao ámbito en que se pretenden realizar as actuacións obxecto da solicitude.
Para efectos desta orde, entenderase que existe plena viabilidade cando as actuacións para as cales se solicita subvención dispoñan de todas as autorizacións e informes sectoriais que precisen por razón da materia.
-
c) Memoria xustificativa da necesidade das actuacións para as cales se solicita a subvención, asinada pola persoa representante da entidade local. O contido desta memoria será obxecto de valoración no punto 6 do artigo 9 desta orde de axudas.
-
d) Nas solicitudes deberá achegarse o proxecto ou anteproxecto da/s obra/s que se vaian realizar co seguinte contido mínimo:
-
Memoria explicativa.
-
Orzamento detallado.
-
Planos a escala suficiente.
-
-
e) Informe emitido pola intervención da entidade en que se acrediten, de ser o caso, as alíneas a), b) e c) do artigo 9.4 desta orde para os efectos da valoración da solicitude.
-
f) Certificado emitido pola persoa responsable da Intervención ou Tesouraría da entidade do total dos dereitos recoñecidos netos dos capítulos I, II e III segundo o orzamento de ingresos liquidado de 2017, segundo establece o artigo 9.5 desta orde, para os efectos da valoración da solicitude.
-
Os concellos presentarán a súa solicitude para acollerse a estas axudas, segundo o modelo que figura como anexo I a esta orde, dirixida á Dirección Xeral de Ordenación do Territorio e Urbanismo.
-
A presentación das solicitudes realizarase obrigatoriamente por medios electrónicos a través de formulario normalizado dispoñible na sede electrónica da Xunta de Galicia, https://sede.xunta.gal. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Se algunha das entidades interesadas presenta a súa solicitude presencialmente, requirirase para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a presentación electrónica.
-
A documentación complementaria deberá presentarse electronicamente. As entidades solicitantes responsabilizaranse da veracidade dos documentos que presenten. Excepcionalmente, a Administración poderá requirir a exhibición do documento orixinal para o cotexo da copia electrónica presentada.
Se algunha das entidades interesadas presenta a documentación complementaria presencialmente, requirirase para que a emende a través da súa presentación electrónica. Para estes efectos, considerarase como data de presentación aquela en que fose realizada a presentación electrónica.
-
Sempre que se realice a presentación de documentos separadamente da solicitude, deberanse indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
No caso de que algún dos documentos que se vaia presentar de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a súa presentación de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Resolución
Prazo de resolución: Tres meses
Sentido do silencio: Negativo
Anexos asociados
- Fase de Xustificación
- Certificación secretaria (Anexo IV)
- Declaración responsable alcaldía (Anexo III)
Outras convocatorias ou publicacións
Procedementos e servizos relacionados
Aberto todo o ano IF505A
Acceso, modificación e baixa, ás instalacións portuarias controladas por barreiras físicas e para uso de puntos de fornecemento de auga e electricidade.
23/12/2023 00:00 - 22/01/2024 23:59 MR101L
Plan de Rehabilitación de camiños de zonas de concentración ou reestruturación parcelaria.