Orientámolo/a, paso a paso, para presentar unha solicitude no rexistro electrónico
MT982A - Autorización de admisión de residuos valoralizables en vertedoiros.
Aberto todo o ano Obxecto
O obxecto desta orde é o establecemento dunha normativa técnica adecuada para as actividades de eliminación de residuos mediante depósito en vertedoiros, desenvolvendo o disposto no Real decreto 1481/2001, do 27 de decembro, polo que se regula a eliminación de residuos mediante depósito en vertedoiro.
Os vertedoiros clasificaranse nalgunha das categorías seguintes:
a) Vertedoiro para residuos inertes.
b) Vertedoiro para residuos non perigosos: inclúense dentro desta categoría os vertedoiros de residuos municipais e os de construción e demolición.
c) Vertedoiro para residuos perigosos.
Especificamente neste procedemento regulase a autorización a admisión de residuos valorizables en vertedoiro cando por circunstancias conxunturais do mercado non resulte posible a comercialización dos produtos obtidos como consecuencia do proceso de valorización.
Enténdese que estas circunstancias conxunturais do mercado se dan nos casos seguintes:
a) Cando as instalacións de valorización existentes suspendan a súa actividade.
b) Cando a produción sobrevida do residuo valorizable non poida ser absorbida polas plantas de valorización existentes.
c) Cando o prezo da reciclaxe altere substancialmente os custos de xestión existentes.
A autorización determinará:
a) O proceso produtivo que orixina o residuo.
b) Código LER e descrición do residuo.
c) O tempo máximo da autorización. Para determinar ese prazo terase en conta o solicitado polo interesado; en ningún caso o prazo outorgado superará os 12 meses.
d) As condicións de fiscalización e ambientais necesarias.
e) Os vertedoiros que poden recibir o residuo valorizable, no caso de que nas alegacións formuladas polos interesados no trámite de audiencia se propoña a necesidade de estender a autorización a outros interesados.
f) As garantías adicionais necesarias para afianzar as consecuencias da vertedura.
A denegación, de ser o caso, formularase por resolución motivada que será notificada ao interesado.
O órgano administrativo competente en materia de residuos, cando considere que, dándose algunha das circunstancias previstas anteriormente, os residuos non poden ser xestionados en Galicia doutra forma diferente á vertedura, poderá autorizar, nun procedemento iniciado de oficio, a admisión de residuos valorizables en vertedoiro. Na resolución da autorización deberá indicar:
a) As instalacións de vertedura. En caso de que existan varias instalacións que teñan capacidade técnica e ambiental para eliminar o residuo, a autorización outorgarase a todas elas.
b) Código LER e descrición do residuo.
c) As condicións de fiscalización e ambientais necesarias.
d) O período máximo de vixencia da autorización. Para a determinación do dito prazo terase en conta as circunstancias que motivaron a excepción, sen que en ningún caso poida superar os 12 meses.
A onde acudir
Xunta de Galicia
Consellería de Medio Ambiente e Cambio Climático
Dirección Xeral de Calidade Ambiental e Sostibilidade
San Lázaro, s/n
15703 Santiago de Compostela (Coruña, A)
Teléfono: 981541703
Fax: 981957375
Órgano responsable
Dirección Xeral de Calidade Ambiental e Sostibilidade
Normativa
Ámbito Autonómico
Orde do 9 de xuño de 2016 pola que se adaptan e se habilitan electronicamente os procedementos administrativos de prazo aberto da Consellería de Medio Ambiente e Ordenación do Territorio (DOG nº 113 do 15 de xuño de 2016).
Orde do 20 de xullo de 2009 pola que se regula a construción e a xestión dos vertedoiros no ámbito da Comunidade Autónoma de Galicia (DOG nº 168 do 27 de agosto de 2009).
Prazo
Prazo de presentación: Aberto todo o ano
Esta orde entrará en vigor aos vinte días naturais da súa publicación no Diario Oficial de Galicia e o prazo de presentación de solicitudes comezará o día 5 de xullo de 2016.
Documentación para a presentación
-
Solicitude segundo o Anexo I.
-
Memoria xustificativa co contido do artigo 11 da Orde do 20 de xullo de 2009 pola que se regula a construción e a xestión dos vertedoiros no ámbito da Comunidade Autónoma de Galicia.
-
Acreditación da representación con copia da escritura notarial da representación debidamente inscrita no rexistro mercantil (só persoas xurídicas).
COMPROBACIÓN DE DATOS
Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.
-
DNI o NIE da persoa solicitante
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
-
NIF da entidade solicitante
Resolución
Prazo de resolución: Tres meses
Sentido do silencio: Negativo
Procedementos e servizos relacionados
Aberto todo o ano MT980A
Rexistro de entidades de carácter ambiental da Comunidade Autónoma de Galicia.
Aberto todo o ano MT982B
Autorización de admisión de residuos procedentes doutras comunidades autónomas para a súa eliminación en vertedoiros de Galicia.