Localice o procedemento ou servizo na guía de procedementos e servizos, consulte a información do trámite e revise a documentación obrigatoria para presentar a solicitude que figura na pestana "Presentación" no apartado "Documentación para a presentación".

No apartado "Anexos asociados" ten dispoñibles modelos en formato PDF para aqueles documentos para os que se precisan. Se os necesita:

1. Primeiro descargue no seu equipo os modelos PDF (asegúrese de que están descargados, non abertos no navegador).
2. A continuación cubra os modelos. Se algunha táboa ten filas e non son suficientes pode engadilas nese documento descargado.
3. Por último garde ou imprima en versión PDF un arquivo electrónico de cada modelo cuberto.
4. Asine o documento, se así se require. 
5. Para finalizar anexe o modelo ou modelos en PDF na súa presentación.

No caso de que o procedemento non figure na guía, poderá empregar a solicitude xenérica.

Prema en "Tramitar en liña" para iniciar o trámite electrónico.

Identifíquese empregando un certificado electrónico ou Chave365.

Agora xa está dentro do seu espazo persoal "A miña sede".

Cubra o formulario e lembre que pode gardalo para recuperalo máis adiante desde o apartado "Os meus borradores" de "A miña sede".

Cando o teña cuberto, prema en "Continuar".

Anexe a documentación que queira presentar xunto co formulario. Inclúa os modelos cubertos no paso 1.

Pode consultar como enviar ficheiros que non teñen o tamaño ou o formato aceptados por esta sede.

Asine o formulario e a documentación que quere entregar.

Pode facelo cun certificado electrónico empregando a aplicación Autofirma ou, se emprega Chave365, coa clave de sinatura que recibirá no seu móbil.

Descargue o xustificante da presentación.

Poderá tamén acceder a este documento desde o apartado "Os meus expedientes" de "A miña sede".

Para xestionar os seus expedientes o primeiro que debe facer é acceder o seu espazo persoal premendo en "A miña sede" e, a continuación, identificarse empregando calquera dos certificados admitidos nesta sede ou Chave365.

Poderá ver na súa bandexa de entrada os seus últimos expedientes, presentacións e borradores.

Verá en pantalla información detallada de cada expediente ou presentación (número de expediente/rexistro, código e nome do procedemento etc.).

Se desexa ver todos os seus expedientes e presentacións, prema no botón "Ver todos/Buscar".

Ao acceder á pantalla de busca, pode buscar expedientes ou borradores por distintos criterios ou localizalos directamente se coñece o código de acceso.

Poderá realizar accións concretas sobre un expediente (achegar documentación adicional, mellorar unha solicitude, modificar os seus datos de notificación etc.) desde:

• A bandexa de entrada dos seus últimos expedientes, presentacións e borradores, premendo o botón "Acción" da columna "Que podo facer?"
• O detalle do expediente electrónico, premendo directamente nas accións dispoñibles da columna "Que podo facer?"

Revise a documentación obrigatoria para o trámite que vai realizar na ficha do procedemento na Guía de procedementos e servizos.

Lembre que este servizo soamente estará disponible desde o espazo "A miña sede" da sede electrónica e naqueles procedementos que teñan habilitados trámites electrónicos posteriores á solicitude cando así o estableza a súa norma reguladora.

Prepare os arquivos electrónicos necesarios e comprobe que utiliza formatos compatibles coa sede: .bmp, .ce3, .cex, .csv, .cte, .dbf, .doc, .docx, .dwg, .dxfn, .hexhash, .inp, .jpg, .ods, .odt, .pd2, .pdf, .pdl, .png, .prj, .shp, .shx, .tiff, .txt, .xls, .xlsx, .xml, .tgd, .kmz, .kml e .gpx

O tamaño máximo do conxunto de documentos achegados a unha presentación en esta sede é de 100 MB, e non se admiten arquivos comprimidos.

Comprobe o tamaño total do conxunto de documentos que precisa achegar:

• Se é inferior a 100 MB pode achegar todos os documentos á solicitude
• Se é superior a 100 MB separe os arquivos de máis de 100 MB, agrupe o resto en subconxuntos de documentos que non superen os 100 MB e proceda segundo os seguintes pasos

• Presente a solicitude achegando un subconxunto de documentos de menos de 100 MB.
• Repita o trámite de achega de documentación separada da solicitude para cada un dos subconxuntos restantes de documentos, seguindo estes pasos:
  • Unha vez finalizada a presentación acceda ao apartado "Os meus expedientes" de "A miña sede", seleccione o expediente da solicitude que acaba de realizar, pulse na opción "Accións" e seleccione "Achega de documentación separada da solicitude".
  • Cubra o formulario e pulse en "continuar"
  • Achegue o seguinte subconxunto de documentos
  • Asine e complete a achega de documentación separada
  • Repita este proceso para cada subconxunto de documentos de menos de 100 MB

Se algún arquivo supera individualmente os 100 MB:

• Proceda segundo se explica nos pasos anteriores para o resto de arquivos
• Descargue no seu equipo o modelo xenérico para a achega de documentación separada
• Cubra o modelo, indicando o expediente ou número de rexistro de entrada da solicitude electrónica realizada e a unidade responsable do procedemento
• Imprima o modelo e presénteo de forma presencial, xunto coa documentación en formato físico -CD, DVD, USB-, en calquera das oficinas de rexistro

Revise a documentación obrigatoria para o trámite que vai realizar na ficha do procedemento na Guía de procedementos e servizos. Na pestana "Presentación", no apartado "Documentación para a presentación" figura o listado de documentos requiridos para a presentación. No apartado "Anexos asociados" ten dispoñibles os modelos en formato .pdf para aqueles documentos para os que se precisan.

Descargue no seu equipo os modelos que deba presentar e cúbraos. Garde ou imprima a un arquivo electrónico cada modelo cuberto para anexalo posteriormente na presentación.

Acceda ao seu espazo persoal "A miña sede". Identifíquese empregando un certificado electrónico ou Chave365. Busque o expediente relacionado co requirimento e seleccione no menú "Acción" da dereita a opción "Emenda ao requirimento".

* No caso de que o expediente non apareza no seu espazo persoal, ou a opción "Emenda ao requirimento" non estivese dispoñible para ese expediente, poderá realizar electronicamente a emenda utilizando a solicitude xenérica.

Cubra o formulario indicando os datos ou documentos achegados para a emenda.

Anexe os documentos que queira presentar. Inclúa os modelos cubertos no paso 1.

Asine o formulario e os documentos que vai entregar para a emenda.

Pode facelo con certificado electrónico utilizando a aplicación Autofirma ou, se emprega Chave365, coa clave de sinatura que recibirá nunha mensaxe no seu móbil.

Descargue o xustificante de presentación da emenda.

Poderá acceder en calquera momento aos seus xustificantes electrónicos desde o seu espazo persoal "A miña sede". 

Revise a documentación obrigatoria para o trámite que vai realizar na ficha do procedemento na Guía de procedementos e servizos.

Na pestana "Despois da presentación", no apartado "Xustificación" figura o listado de documentos requiridos para a xustificación. No apartado "Anexos asociados" ten dispoñibles os modelos en formato .pdf para aqueles documentos para os que se precisan.

Descargue no seu equipo os modelos que deba presentar e cúbraos.

Garde ou imprima a un arquivo electrónico cada modelo cuberto para anexalo posteriormente na presentación.

Acceda ao seu espazo persoal "A miña sede".

Identifíquese empregando un certificado electrónico ou Chave365.

Busque o expediente para o que precisa achegar documentación xustificativa. No menú "Acción" que aparece á dereita seleccione a opción "Achega de documentación xustificativa".

* No caso de que o expediente non apareza no seu espazo persoal, ou a opción "Achega de documentación xustificativa" non estivese dispoñible para ese expediente, poderá realizar electronicamente a xustificación utilizando a solicitude xenérica.

Cubra o formulario.

Indique os documentos que achega para a xustificación.

Anexe os documentos que queira presentar para a xustificación. Inclúa os modelos cubertos no paso 1.

Asine o formulario e os documentos que vai entregar para a xustificación.

Pode facelo con certificado electrónico utilizando a aplicación Autofirma ou, se emprega Chave365, coa clave de sinatura que recibirá nunha mensaxe no seu móbil.

Descargue o xustificante de presentación da xustificación.

Poderá acceder en calquera momento aos seus xustificantes electrónicos desde o seu espazo persoal "A miña sede". 

Se aínda non o fixo, o primeiro paso que debe dar é descargar a aplicación Autofirma que sexa compatible co seu equipo.

Na páxina de requisitos técnicos pode consultar como instalar Autofirma para Windows (32 bits ou 64 bits), para Linux ou para MAC.

Xa na aplicación Autofirma, no menú dispoñible, prema en "Herramientas » Huellas digitales » Fichero » Calcular huella digital". Abrirase a ventá "Creación de huella digital".

Na ventá "Creación de huella digital" deberá anexar o ficheiro para o que desexa verificar a pegada dixital e seleccionar o algoritmo SHA-1 da pegada dixital no menú despregable correspondente. Prema a opción de "Generar" e abrirase a ventá de "Guardar huella digital" para gardar a pegada dixital xerada por Autofirma.

Para modificar a extensión do arquivo da pegada dixital xerada por Autofirma, deberá substituír a extensión ".hexhash" do ficheiro xerado por ".txt"

Comprobar que a pegada dixital xerada por Autofirma do ficheiro en formato ".txt" coincide co que aparece no xustificante emitido polo Rexistro electrónico da Xunta de Galicia no apartado "Resumen electrónico del archivo" para o documento achegado.

* O "h" final incluído por Autofirma non debe considerarse como parte da pegada dixital do documento.

O recibo de presentación xerado polo Rexistro electrónico da Xunta de Galicia garante a constancia da entrada no Rexistro electrónico así como a súa integridade e non repudio.

O recibo inclúe os datos de identificación da persoa interesada, o procedemento, a unidade destinataria, a data e hora de presentación e un resumo electrónico, ou pegada dixital, de cada un dos documentos achegados.

O recibo é un documento electrónico asinado cun selo da Xunta de Galicia para garantir a súa integridade e autenticidade.

Ademais, inclúe un código de verificación electrónica (CVE) que permite comprobar a súa autenticidade mediante o acceso aos arquivos electrónicos da Xunta de Galicia nesta sede electrónica.

A inclusión no recibo do resumo electrónico, ou pegada dixital, de cada documento achegado garante a integridade e non repudio de cada documento, así como a súa relación coa entrada no rexistro electrónico.

Pode comprobar que o resumo electrónico de cada documento achegado coincide co incluído no recibo seguindo estas indicacións.

O primeiro paso é identificar a unidade responsable do procedemento no que vostede quere modificar o dato da persoa representante.

Este dato estará dispoñible no detalle do devandito procedemento na Guía de procedementos e servizos desta sede. Concretamente, atoparao na sección "A onde acudir" da pestana "Sobre este procedemento".

Na sección "A onde acudir" atopará os datos de contacto da unidade responsable do procedemento, á cal deberá dirixirse para solicitar a modificación da persoa representante.

Vostede pode autorizar a outras persoas para que consulten os expedientes nos que vostede figure como persoa interesada e/ou preparar os seus borradores.

Para crear unha autorización o primeiro que debe facer é acceder ao seu espazo persoal premendo en "A miña sede" e, a continuación, identificarse empregando calquera dos certificados admitidos nesta sede ou Chave365.

Feito isto, prema en "Os meus datos", que atopará no menú do seu espazo persoal "A miña sede". A continuación prema en "Autorizacións"

Ao acceder ao espazo sinalado, poderá ver en pantalla a información sobre que son as autorizacións e os dous tipos de autorización que pode facer, así como a listaxe de autorizacións que vostede teña outorgadas a outras persoas (Autorizacións outorgadas) e a daquelas outras que vostede puidera ter recibido de terceiros (Autorizacións recibidas).

Prema nunha das dúas opcións de "Outorgar" en función do tipo de autorización que desexe facer:

• xeral: para todos os procedementos nos que o proceso de presentación se fai integramente na sede
• restrinxida: a un ou varios procedementos nos que o proceso de presentación se fai integramente na sede

Accederá á pantalla de "Alta de autorización", onde deberá indicar o NIF da persoa que desexa autorizar e tamén a vixencia da autorización (no caso de tratarse dunha autorización para un ou varios procedementos, deberá engadir tamén os procedementos sobre os que desexa outorgar a autorización).

Prema en "Confirmar autorización" para asinar a alta da autorización. Pode facelo cun certificado electrónico empregando a aplicación Autofirma ou, se utiliza Chave365, coa clave de sinatura que recibirá no seu móbil.

A autorización quedará en estado "Pendente de aceptación" ata que a persoa que autorizou acceda á sede e acepte a devandita autorización.

Poderá descargar un xustificante de "Alta de autorización” no "Detalle da autorización" do apartado “Histórico de accións”.

A autorización non se activará ata que a persoa á que quere autorizar a acepte accedendo ao seu espazo persoal "A miña sede", a través das accións dispoñibles da columna "Que podo facer?" da listaxe de autorizacións recibidas do menú "Autorizacións".

Unha vez aceptada, a persoa autorizada poderá consultar os expedientes nos que vostede figure como persoa interesada e preparar borradores que vostede terá que asinar e presentar posteriormente, xa que a autorización non permite que outra persoa asine no seu nome.

Vostede pode cubrir un formulario de solicitude, anexar a documentación e compartilo con outra persoa para que asine a solicitude e a presente no rexistro electrónico.

Para poder compartilo é necesario que a outra persoa teña activado no menú "Preferencias" en "Os meus datos" que outras persoas lle poidan compartir borradores.

Esta opción está dispoñible só para algúns dos procedementos da Guía de procedementos e servizos.

Busque o procedemento ou o servizo na "Guía de procedementos e servizos" e prema en "Tramitar en liña" para iniciar o trámite electrónico (deberá identificarse no seu espazo persoal empregando calquera dos certificados admitidos nesta sede ou Chave365).

Cubra o formulario (non é preciso que os seus datos figuren nel), anexe a documentación que corresponda e garde a información.

Utilice a opción "Compartir borrador" que atopará:

• Continuando ata o paso "Sinatura de documentos", antes de finalizar a presentación electrónica
• Nas accións dispoñibles na columna "Que podo facer?" da listaxe de borradores do menú "Procedementos e borradores"

Se a opción "Compartir borrador" non está dispoñible é porque non é posible realizala no procedemento concreto que vostede está preparando.

Indique o NIF da persoa coa que desexa compartir o borrador e prema en "Gardar".

Teña en conta que a persoa coa que vai compartir o borrador terá acceso tanto ao formulario da solicitude como á documentación anexada ata ese momento.

Unha vez compartido, vostede perderá a visibilidade sobre o mesmo.

Lembre qué para poder compartir o borrador é necesario que a persoa titular do NIF sinalado teña previamente activado en "Os meus datos" que outras persoas lle poidan compartir borradores. De non ser así, cando vostede prema en "Gardar" para compartirlle o borrador, mostrarase un aviso con esta mesma indicación.

A persoa titular do NIF que indicou no paso anterior atopará o borrador na listaxe de borradores do menú "Procedementos e borradores" diferenciado por unha icona que indicará que se trata dun borrador que lle foi compartido, coa data e no nome de quen llo compartiu.

Poderá modificar, gardar e, se así o desexa, asinar e finalizar a presentación no rexistro electrónico.

O borrador da solicitude pode ser compartido tantas veces como se desexe.

Nos filtros da busca avanzada de borradores terá á súa disposición a posibilidade de seleccionar que non se mostren os borradores que lle foron compartidos na listaxe da táboa de borradores.

Para acceder aos seus expedientes, presentacións e borradores o primeiro que debe facer é acceder ao seu espazo persoal premendo en A miña sede e, a continuación, identificarse empregando calquera dos certificados admitidos nesta sede ou Chave365.

Poderá ver na súa bandexa de entrada os seus últimos expedientes, presentacións e borradores nos que o seu NIF figure como interesado/a ou representante.

Na táboa de "Últimos expedientes e presentacións" prema no botón "Ver todos/Buscar" para acceder á información detallada de cada expediente (número de expediente/rexistro, código e nome do procedemento etc...).

Na columna "Actúo como" vostede poderá identificar cal é o seu rol no expediente, por exemplo "Representante".

Na busca avanzada do buscador de expedientes e presentacións atopará o filtro "Actúo como" onde poderá seleccionar o rol de participación co cal quere facer o filtro.

Por exemplo, se vostede selecciona "Representante" e preme en "Buscar" no resultado da busca soamente se mostrarán aqueles expedientes e presentacións nos que o seu NIF figure como representante.

Para acceder aos seus expedientes, presentacións e borradores o primeiro que debe facer é acceder ao seu espazo persoal premendo en A miña sede e, a continuación, identificarse empregando calquera dos certificados admitidos nesta sede ou Chave365.

Poderá ver na súa bandexa de entrada os seus últimos expedientes, presentacións e borradores nos que o seu NIF figure como interesado/a ou representante.

Na busca avanzada do buscador de borradores atopará as seguintes opcións para a súa desactivación/activación:

• Mostrar todos os borradores que lle foron compartidos: desactivando esta opción, no resultado da busca non se mostrarán os borradores que lle foran compartidos por outras persoas (máis información en Como podo compartir un borrador con outra persoa?).
• Mostrar só os borradores marcados pola persoa autorizada como listos para asinar: desactivando esta opción, no resultado da busca non se mostrarán os borradores que lle foran marcados para a súa sinatura polas persoas ás que lle outorgase una autorización para a xestión de borradores na sede electrónica (máis detalle en Como podo crear unha autorización?).

Se necesita achegar máis de 10 documentos a unha solicitude pode facelo seguindo os pasos que a continuación se indican:

• Distribúa os documentos que quere achegar en conxuntos de 10 documentos ou menos
• Complete a presentación da solicitude achegando os 10 primeiros documentos que quere anexar
• Repita os seguintes pasos para cada conxunto adicional de documentos que queira achegar

Acceda ao apartado "Os meus expedientes" de "A miña sede", seleccione o expediente da solicitude que acaba de realizar, pulse na opción "Accións" e seleccione "Achega de documentación separada da solicitude"

Complete o formulario, pulse en "continuar" e achegue os documentos adicionais que quere presentar

Repita este proceso no caso de que o límite de documentos lle siga impedindo presentar toda a documentación restante

A sede electrónica avisaralle cando teña notificación pendentes de ler enviadas por algún órgano da Administración xeral e do sector público autonómico de Galicia.

Ao identificarse atopará unha mensaxe na que se lle informa de que ten notificacións pendentes de ler. Prema en "Acceder ás miñas notificacións" para consultalas.

Pode acceder as súas notificación a través do seu espazo “A miña sede”. 

Visualizaraas premendo no menú nunha imaxe como esta:

A través desta sede vostede poderá consultar e descargar as copias electrónicas auténticas daqueles documentos que teña achegado en papel e que foran dixitalizados nunha oficina de atención á cidadanía e de rexistro nos últimos 3 meses.

Para consultar e descargar a copia debe:

• Acceder a "A miña sede"
• Premer no menú "Os meus datos"
• Premer nunha imaxe como esta:

Algúns formularios desta sede teñen requisitos técnicos específicos que se mostrarán ao iniciar a presentación. Estes requisitos corresponden ao emprego do navegador Internet Explorer para cubrir os formularios en PDF.

Progresivamente e co fin de garantir o correcto funcionamento, estase a eliminar este requisito en todos os formularios.

Para aqueles formularios nos que aínda sexa preciso, informámoslle nesta sección da alternativa a empregar.

Recorde que para cubrir este tipo de formularios é preciso que o faga desde un sistema operativo Windows e a través do navegador Microsoft Edge.

Se non dispón del pode descargalo aquí.

Unha vez descargado Microsoft Edge necesita configuralo coa vista de compatibiliade de Internet Explorer seguindo estes pasos:

1. Abra Microsoft Edge, faga clic na icona con tres puntos que aparece na esquina superior dereita

2. Busque a opción "configuración" e prema nela

Unha vez dentro de "configuración" debe procurar a opción "Navegador predeterminado" ou escribir no buscador de palabras "compatibilidad" para que se mostren varias opcións entre as cales figura "Permitir que os sitios se volvan a cargar no modo Internet Explorer". Nesa opción prema en "permitir"

Feito isto o navegador pediralle "reiniciar" para poder aplicar o cambio. Prema nesa opción para finalizar a configuración. 

Desde https://sede.xunta.gal xa poderá activar a opción que visualizará na esquina superior dereita: 

 tal e como figura nesta imaxe:

Para acceder ao espazo onde pode ver e modificar os seus datos persoais entre en "A miña sede" empregando Chave365 ou un certificado dixital ou DNI-e. Unha vez dentro prema na opción "Os meus datos" do menú. 

Xunto coas opcións ata agora dispoñibles ("Preferencias", "Certificados", "Autorizacións" e "Copias electrónicas auténticas") atopará un novo acceso a "Datos persoais" . Prema nel:

Desde a pantalla de "Datos persoais" vostede pode:

• Consultar os seus datos de identificación 
• Consultar e modificar o enderezo que desexe utilizar na tramitación dos seus procedementos
• Consultar e modificar o seu teléfono móbil ou fixo, fax, correo electrónico...
• Consultar e modificar o seu teléfono móbil e correo electrónico a efectos dos avisos de notificación electrónica
• Consultar os seus datos no sistema Chave365. Neste caso, ademais a información dispoñible na sede: 
  • Recórdalle que eses datos só poden ser modificados a través dunha solicitude de cambio mediante o procedemento PR001C
  • Infórmalle da data na que se deu de alta o seu usuario de Chave365 e de cal é a súa validez
  • Infórmalle de cando foi cambiada por última vez a súa clave de acceso e recórdalle que debe renovala unha vez ao ano, sinalándolle como pode facelo

Para acceder ao espazo onde pode consultar a validez do seu usuario e clave de Chave365 entre en "A miña sede" empregando Chave365 ou un certificado dixital ou DNI-e. Unha vez dentro prema na opción "Os meus datos" do menú. 

Xunto coas opcións ata agora dispoñibles ("Preferencias", "Certificados", "Autorizacións" e "Copias electrónicas auténticas") atopará un novo acceso a "Datos persoais". Prema nel:

Desde a pantalla de "Datos persoais" vostede pode consultar os seus datos no sistema Chave365. Neste caso, ademais a información dispoñible na sede:

• Recórdalle que eses datos só poden ser modificados a través dunha solicitude de cambio mediante o procedemento PR001C
• Infórmalle de cales son os datos de validez e renovación do seu usuario e clave de Chave365
• Infórmalle de cando foi cambiada por última vez a súa clave de acceso e recórdalle que debe renovala unha vez ao ano, sinalándolle como pode facelo