Obtención de autorización previa para a realización e dirección de actividades arqueolóxicas na Comunidade Autónoma de Galicia:

- Prospeccións arqueolóxicas.

- Sondaxes arqueolóxicas.

- Escavacións arqueolóxicas.

- Estudo da arte rupestre.

- Labores de protección, consolidación e restauración de xacementos arqueolóxicos.

- Manipulación con técnicas agresivas de materiais arqueolóxicos.

- A realización de controis arqueolóxicos.

Tódalas persoas que posúan o título superior con estudos de prehistoria e arqueoloxía, e con experiencia demostrada na actividade para a que se solicita a correspondente autorización.

Titulación superior con estudos de prehistoria e arqueoloxía, e con experiencia demostrada na actividade para a que se solicita a correspondente autorización. En caso de que a titulación sexa dunha universidade estranxeira, os títulos deberán estar homologados polo Estado español.

• Solicitude segundo o Anexo I.

• Proxecto arqueolóxico, segundo o artigo 6 do Decreto 199/1997 que regula a actividade arqueolóxica na Comunidade Autónoma de Galicia, incluíndo solicitude de autorización, orzamento detallado e constancia do seu financiamento, e no seu caso plan de protección ou conservación (o proxecto deberá vir asinado dixitalmente polo arqueólogo director).

• Documentación acreditativa de dispor da experiencia na actividade para a que se solicita autorización do/a arqueólogo/a solicitante (só no caso de non contar con autorizacións anteriores de dirección de actuacións arqueolóxicas similares).

• Autorización da propiedade do terreo ou do ben se é distinta do promotor (a actividade de prospección non necesitará autorización da persoa propietaria).

• No caso das intervencións subacuáticas, certificados de cumprir os requisitos para inmersión e tráfico mariño e os permisos necesarios.

• Aval científico e de apoio á solicitude nas actuacións ligadas a un programa de investigación.

• Comprobación de datos.

As informacións relacionadas serán obxecto de consulta electrónica por parte desta Administración. Só no caso de denegación expresa as persoas interesadas deberán achegar os documentos acreditativos das informacións necesarias para a tramitación do procedemento.

• Acreditación da persoa solicitante do título superior de estudos de prehistoria e arqueoloxía.

• Fase de solicitude
• Solicitude (Anexo I)

Prazo de resolución: Dous meses

Sentido do silencio: Negativo