Esta orde ten por obxecto regular os seguintes procedementos e aprobar e dar publicidade aos seus modelos normalizados, para a súa tramitación por medios electrónicos:

a) Rexistro de empresas con risco por amianto da Comunidade Autónoma de Galicia: alta, baixa e variación de datos (anexo I).

b) Aprobación de plans de traballo con risco por amianto (anexo III).

c) Inicio de traballo con risco por amianto (anexo IV).

d) Rexistro dos datos da avaliación da exposición nos traballos con amianto (anexo V)

Empresas con risco por amianto de Galicia.

As persoas interesadas deberán achegar coa solicitude ou comunicación a seguinte documentación:

a) Alta no Rexistro de empresas con risco por amianto de Galicia (anexo I):

– Anexo II: ficha de inscrición, segundo anexo III do Real decreto 396/2006, do 31 de marzo, polo que se establecen as disposicións mínimas de seguridade e saúde aplicables aos traballos con risco de exposición ao amianto.

– No caso de persoas xurídicas, copia dos estatutos vixentes debidamente inscritos no rexistro público que corresponda, segundo o tipo de personalidade xurídica de que se trate.

– No caso de traballadores/as autónomos/as con persoas traballadoras contratadas, copia do último documento RNT (relación nominal de traballadores) de que se dispoña.

– Xustificante de estar de alta no correspondente réxime da Seguridade Social ou mutualidade de colexio profesional, no caso de persoas físicas.

– No caso de representación, documento acreditativo desta por calquera medio válido en dereito.

b) Baixa no Rexistro de empresas con risco por amianto de Galicia (anexo I):

– Anexo II: ficha de inscrición, segundo anexo III do Real decreto 396/2006.

– No caso de representación, documento acreditativo desta por calquera medio válido en dereito.

c) Variación de datos no Rexistro de empresas con risco por amianto (anexo I):

– Anexo II: ficha de inscrición, segundo anexo III do Real decreto 396/2006.

– No caso de persoas xurídicas, copia do acordo social elevado a público ou do documento acreditativo da modificación dos datos inscritos.

– No caso de representación, documento acreditativo desta por calquera medio válido en dereito.

• Fase de solicitude
• Ficha de inscrición (Anexo II)
• Solicitude (Anexo I)