Orientámolo/a, paso a paso, para presentar unha solicitude no rexistro electrónico
TR358A - Subvencións ás entidades asociativas galegas de persoas traballadoras autónomas e á contratación de persoal de apoio
Convocatoria 2024
Prazo pechado: 26/01/2024 00:00 - 26/02/2024 23:59
Prazo pechado: 26/01/2024 00:00 - 26/02/2024 23:59Obxecto
Establecer as bases reguladoras e a convocatoria para o ano 2024 das subvencións destinadas a sufragar os gastos de funcionamento das entidades asociativas máis representativas de Galicia de persoas traballadoras autónomas, coa finalidade de apoiar de forma eficaz a consecución e o cumprimento dos fins que lles son propios, a través do programa de axudas ás entidades asociativas de persoas traballadoras autónomas.
A quen vai dirixido?
1. Poderán ser beneficiarias das subvencións previstas nesta orde as entidades asociativas de persoas traballadoras autónomas de carácter intersectorial cuxo ámbito de actuación comprenda todo o territorio da Comunidade Autónoma de Galicia e non sexa superior ao da Comunidade Autónoma.
2. Non poderán obter a condición de beneficiarias das subvencións establecidas nesta orde as entidades en que concorra algunha das circunstancias previstas nos números 2 e 3 do artigo 10 da Lei 9/2007, do 13 de xuño, de subvencións de Galicia.
Requisitos
1. As entidades solicitantes, para seren beneficiarias, deberán reunir os seguintes requisitos:
a) Ter personalidade xurídica propia e independente.
b) Estar inscritas no Rexistro de Asociacións Profesionais de Traballadores Autónomos da Comunidade Autónoma de Galicia na data de publicación desta orde.
c) Ter carácter intersectorial.
d) Desenvolver a súa actividade exclusivamente no ámbito territorial da Comunidade Autónoma de Galicia.
e) Ter o seu domicilio social e a sede na Comunidade Autónoma de Galicia.
f) Dispor dunha oficina permanente en Galicia a nome da entidade solicitante, en arrendamento ou propiedade.
g) Dispor dun cadro de persoal medio no ano anterior ao ano en que se publique a correspondente convocatoria de, polo menos, unha persoa traballadora contratada con carácter indefinido e a tempo completo directamente pola entidade solicitante.
2. Non poderán solicitar as subvencións reguladas neste programa aquelas entidades que formen parte de confederacións, federacións e unión de asociacións que igualmente presentasen unha solicitude de axudas ao abeiro deste programa.
A onde acudir
Xunta de Galicia
Consellería de Emprego, Comercio e Emigración
Secretaría Xeral de Emprego e Relacións Laborais
San Lázaro, s/n
15781 Santiago de Compostela (Coruña, A)
Teléfono: 981957893
Email: biodiversidade.cma@xunta.gal
Órgano responsable
Secretaría Xeral de Emprego e Relacións Laborais
Normativa
Ámbito Autonómico
Orde do 2 de xaneiro de 2024 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas e a contratación de persoal de apoio, e se convocan para o ano 2024 (DOG nº 18 do 25 de xaneiro de 2024).
Extracto da Orde do 2 de xaneiro de 2024 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas e a contratación de persoal de apoio, e se convocan para o ano 2024 (DOG nº 18 do 25 de xaneiro de 2024).
Prazo
Prazo de presentación: PECHADO
26/01/2024 00:00 - 26/02/2024 23:59
1. O prazo de presentación de solicitudes será dun mes, contado desde o día seguinte ao da publicación desta orde no Diario Oficial de Galicia.
2. Entenderase como último día do prazo o correspondente ao mesmo ordinal do día da publicación. Se o último día de prazo é inhábil, entenderase prorrogado ao primeiro día hábil seguinte e, se no mes de vencemento non hai día equivalente ao inicial do cómputo, entenderase que o prazo finaliza o último do mes.
Documentación para a presentación
Solicitudes .
1. As solicitudes presentaranse obrigatoriamente por medios electrónicos a través do formulario normalizado (anexo I), dispoñible na sede electrónica da Xunta de Galicia https://sede.xunta.gal
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das entidades presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase data de presentación da solicitude aquela en que fose realizada a emenda.
2. Para a presentación das solicitudes poderase empregar calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
4. A presentación da solicitude supón a aceptación das obrigas reguladas nesta orde para ser beneficiaria da axuda, así como a aceptación da subvención de ser persoa beneficiaria dela.
Documentación complementaria .
1. As entidades interesadas deberán achegar coa solicitude a seguinte documentación:
a) Estatutos da entidade.
b) Título de propiedade ou contrato de arrendamento, a nome da entidade solicitante ou da persoa que exerza a súa representación legal, do local que acredite dispor dunha oficina permanente en Galicia.
c) Memoria das actividades realizadas pola entidade e dos servizos prestados ás súas persoas asociadas no exercicio 2023, que inclúa unha breve historia da entidade e a descrición da súa implantación territorial e do seu carácter intersectorial, segundo o modelo que figura na sede electrónica da Xunta de Galicia e na oficina virtual do autónomo: https://oficinadoautonomo.gal/es
d) Memoria das actividades previstas para o exercicio 2024, segundo o modelo que figura na sede electrónica da Xunta de Galicia e na oficina virtual do autónomo: https://oficinadoautonomo.gal/es
e) As últimas contas anuais aprobadas, xunto coa certificación acreditativa diso expedida polo representante legal.
f) Orzamento de ingresos e gastos do exercicio 2024.
g) Para o suposto de subcontratación con persoas ou entidades vinculadas coa entidade beneficiaria da subvención, xuntarase unha petición de autorización para que se poida efectuar a subcontratación, así como a memoria co contido sinalado no segundo parágrafo do número 2 do artigo 8.
h) Libro de rexistro das persoas asociadas á entidade e das que o son a través de entidades asociadas, no cal figuren identificadas, e/ou unha certificación de cada unha das entidades asociadas, asinada pola persoa representante legal desta, na cal figurará o número de persoas asociadas, que se reflectirá no modelo dispoñible na sede electrónica da Xunta de Galicia. Ambos os documentos estarán debidamente actualizados ao ano corrente.
i) Declaración responsable do representante legal da entidade do número de sedes que figuren inscritas no Rexistro de Asociacións Profesionais de Traballadores Autónomos da Comunidade Autónoma de Galicia ou cuxa inscrición fose solicitada con carácter previo á presentación da solicitude de subvención, acompañada dos títulos de propiedade, contratos de arrendamento ou contratos de cesión de uso en vigor.
2. Ademais, para acreditar os criterios de valoración establecidos no artigo 18 desta orde, as entidades solicitantes deberán presentar a documentación específica que a seguir se relaciona e que servirá de fundamento para a concesión da subvención:
a) Contratos de traballo das persoas traballadoras que prestan os seus servizos na entidade.
b) Documentos de cotización á Seguridade Social, documento RNT (relación nominal de traballadores) e documento RLC (recibo de liquidación de cotizacións), correspondentes ao exercicio 2023.
c) Escritura de poder suficiente para actuar en nome da entidade ante a Administración pública, agás que a capacidade de representación se recolla nos estatutos.
d) Acta de constitución da entidade.
3. De conformidade co artigo 28.3 da Lei 39/2015, do 1 de outubro, do procedemento administrativo común das administracións públicas, non será necesario achegar os documentos que xa fosen presentados anteriormente pola entidade interesada ante calquera Administración. Neste caso, a entidade interesada deberá indicar en que momento e ante que órgano administrativo presentou os ditos documentos, que serán recadados electronicamente a través das redes corporativas ou mediante consulta ás plataformas de intermediación de datos ou outros sistemas electrónicos habilitados para o efecto, agás que conste no procedemento a oposición expresa da persoa interesada.
De forma excepcional, se non se poden obter os citados documentos, poderáselle solicitar novamente á persoa interesada que os achegue.
4. A documentación complementaria deberase presentar electronicamente.
Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos, considerarase data de presentación aquela en que fose realizada a emenda.
As persoas interesadas responsabilizaranse da veracidade dos documentos que presenten.
Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o cal poderá requirir a exhibición do documento ou da información orixinal.
5. Sempre que se realice a presentación de documentos separadamente da solicitude, deberanse indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
6. No caso de que algún dos documentos que se presente de forma electrónica supere os tamaños máximos establecidos ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
Comprobación de datos .
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta:
a) NIF da entidade solicitante.
b) DNI/NIE da persoa representante da entidade.
c) Certificación de estar ao día nas súas obrigas coa Seguridade Social.
d) Certificación de estar ao día nas súas obrigas coa Axencia Estatal de Administración Tributaria.
e) Certificación de estar ao día nas súas obrigas coa Axencia Tributaria de Galicia.
f) Consulta de concesións de subvencións e axudas.
g) Consulta de inhabilitacións para obter subvencións e axudas.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.
Cando así o exixa a normativa aplicable, solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilite a obtención dos citados datos, poderáselles solicitar ás persoas interesadas que presenten os documentos correspondentes.
Trámites administrativos posteriores á presentación de solicitudes .
Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada, dispoñible na sede electrónica da Xunta de Galicia.
Resolución
Prazo de resolución:
Tres meses
Sentido do silencio:
Negativo
Anexos asociados
Outras convocatorias ou publicacións
Procedementos e servizos relacionados
25/01/2024 00:00 - 26/02/2024 23:59 TR351G
Subvencións para o fomento do emprego no medio rural (Aprol rural)
16/02/2024 00:00 - 30/09/2024 23:59 TR356A
Axudas ás empresas de inserción (EI) e ás súas entidades promotoras. Programa I: Axudas ao mantemento do custo salarial das persoas traballadoras en risco ou situación de exclusión social nas empresas de inserción.
07/04/2017 00:00 - 08/05/2017 23:59 TR358B
Subvencións ás entidades asociativas de centros especiais de emprego.
07/04/2017 00:00 - 08/05/2017 23:59 TR358C
Subvencións ás entidades asociativas de empresas de inserción laboral.
25/01/2024 00:00 - 26/02/2024 23:59 TR358D
Programas de apoio ás entidades asociativas de cooperativas, sociedades laborais, centros especiais de emprego e empresas de inserción. Programa II: fomento e consolidación das asociacións de centros especiais de emprego e empresas de inserción laboral.
Aberto todo o ano TR359B
Inscrición da modificación de estatutos no Rexistro de Asociacións Profesionais de Traballadores Autónomos.