Os centros, servizos e establecementos sanitarios defínense e clasifícanse de acordo coa nomenclatura que establecen os anexos I e II do Real decreto 1277/2003, do 10 de outubro, polo que se establecen as bases xerais sobre autorización de centros, servizos e establecementos sanitarios.

Quedan excluídos do ámbito de aplicación deste decreto, rexéndose pola súa normativa específica:

a) Os establecementos dedicados á importación ou elaboración de medicamentos ou produtos sanitarios.

b) Os servizos e unidades técnicas de protección radiolóxica.

c) Os centros, servizos e establecementos integrados na rede de sanidade militar.

d) As oficinas de farmacia, a excepción das disposicións referentes ao rexistro de centros, servizos e establecementos sanitarios, que serán de obrigado cumprimento.

• Solicitude segundo o Anexo IB deste Decreto.

• Copia do NIF para o caso de que o titular sexa unha persoa xurídica ou do DNI para o caso de que o titular sexa persoa física e non autorice a consulta no Sistema de verificación de datos de identidade do Ministerio de Facenda e Administracións Públicas.

• Acreditación do representante legal cando sexa o caso.

• Planos de distribución dos espazos segundo a finalidade e localización do equipamento sanitario.

• Memoria en que se especifique: actividades ou servizos que se van prestar, días de apertura, horario, equipamentos e infraestruturas necesarias para realizar a oferta asistencial, así como regulamentación de funcionamento.

• Designación e aceptación do responsable do centro/servizo ou responsable tecnico do establecemento, o cal deberá acreditar a capacidade mediante a correspondente titulación oficial ou cualificación profesional para o desenvolvemento desta función.

• Documentación que acredite a vinculación entre o persoal sanitario e o centro/servizo/establecemento sanitario.

• Copia da titulación academica ou habilitación profesional do persoal que o faculte para levar a cabo as actividades sanitarias para as que se solicita autorización.

• Documentación acreditativa dos concertos ou vinculación con outras unidades ou servizos, en caso de resultar necesario para a atención dos pacientes (con laboratorio de análises para os puntos de extracción, con oficina de farmacia ou servizo de farmacia para os depósitos de medicamentos, con outros centros ou servizos autorizados).

• Memoria explicativa do manexo e custodia das historias clínicas.

• Memoria de esterilización.

• Xustificante de aboar a taxa correspondente.

• Outros documentos exixidos pola lexislación sanitaria e/ou específica.

• Esta entidade titular dispón e se compromete a facilitar á Administración a seguinte documentación, que así o acredita e a manter dito cumprimento: Se o titular e persoa xurídica:

• Escritura de constitución da sociedade.

• Certificación de inscrición no Rexistro Mercantil.

• Documento acreditativo da propiedade ou dispoñibilidade xurídica do centro/servizo/establecemento sanitario: copia do contrato de arrendamento ou escritura de compravenda do local. 1.c. Documentación que acredite o aseguramento

• Documentación que acredite a vinculación entre o persoal sanitario e o centro/servizo/establecemento sanitario.

• Contrato de xestión de residuos cun xestor autorizado pola consellería competente en materia de ambiente e presentar o Plan de Xestión de Residuos na Dirección Xeral de Innovación e Xestión da Saúde Pública.

• No caso de dispoñer de sistemas de diagnóstico por imaxe ou instalacións de radiodiagnóstico, disporán:

• Inscrición no Rexistro de Equipamentos e Instalacións de RX con fins de diagnóstico medico da Consellería de Industria.

• Certificado dos controis das instalacións efectuados pola Unidade Tecnica de Protección Radiolóxica.

• Documento acreditativo do título de operador/director de instalacións radiolóxicas.

• Documento de presentación do Programa de garantía de calidade.

• No caso de dispoñer de instalacións de radioterapia: autorización de posta en funcionamento concedida polo Consello de Seguridade Nuclear.

• Cando se trate dun establecemento de ortopedia ou óptica que dispense produtos que fabrica á medida, disporá da licenza sanitaria de funcionamento outorgada pola correspondente xefatura provincial da Consellería de Sanidade.

• Inscrición do Ficheiro de datos na Axencia de Protección de Datos.

Prazo de resolución: Cinco meses

Sentido do silencio: Negativo