Orientámolo/a, paso a paso, para presentar unha solicitude no rexistro electrónico
PR946C - Legalización dos libros das entidades deportivas
Aberto todo o ano Obxecto
Os libros de actas dos órganos de goberno e representación, os libros de rexistro dos membros, así como os libros de contabilidade e os libros de inventarios de bens mobles e inmobles das entidades deportivas inscritas, cuxa levanza sexa obrigatoria de conformidade co establecido na Lei 3/2012, do 2 de abril, deberán estar debidamente encadernados e foliados, e deberán estar legalizados polo Rexistro de Entidades Deportivas de Galicia mediante dilixencia antes de ser utilizados. No entanto, os libros de contabilidade poderán ser legalizados despois sempre que a entidade deportiva leve os libros de maneira informatizada. Neste suposto deberán ser presentados para a súa legalización dentro dos catro meses seguintes á finalización do exercicio económico.
A quen vai dirixido?
Entidades deportivas de Galicia.
Requisitos
A legalización dos libros terá lugar mediante dilixencia e selo e asentaranse no Rexistro de Entidades Deportivas de Galicia.
A inscrición no rexistro non convalidará os actos que sexan nulos nin os datos que sexan incorrectos de acordo coas leis.
A onde acudir
Xunta de Galicia
Consellería de Presidencia, Xustiza e Deportes
Secretaría Xeral para O Deporte
Rúa Madrid, 2-4, 2º andar
15781 Santiago de Compostela (Coruña, A)
Teléfono: 881996338/ 881996357/ 881996358
Email: xuridico.deporte@xunta.gal
Xunta de Galicia
Consellería de Presidencia, Xustiza e Deportes
Departamento Territorial da Consellería de Presidencia, Xustiza e Deportes da Coruña
Servizo de Deporte da Coruña
Praza de Agustín Díaz nº 1
15008 Coruña, A (Coruña, A)
Teléfono: 881960771/ 881960772/ 881960773/ 881960767
Email: deportes.coruna@xunta.gal
Xunta de Galicia
Consellería de Presidencia, Xustiza e Deportes
Departamento Territorial da Consellería de Presidencia, Xustiza e Deportes de Lugo
Servizo de Deporte de Lugo
Rolda da Muralla nº 70-1º
27071 Lugo (Lugo)
Teléfono: 982294566/ 982294567/ 982294568
Email: deportes.lugo@xunta.gal
Xunta de Galicia
Consellería de Presidencia, Xustiza e Deportes
Departamento Territorial da Consellería de Presidencia, Xustiza e Deportes de Ourense
Servizo de Deporte de Ourense
Avda. da Habana, nº 79 - 4º andar
32071 Ourense (Ourense)
Teléfono: 988386048/ 988386050
Email: deportes.ourense@xunta.gal
Xunta de Galicia
Consellería de Presidencia, Xustiza e Deportes
Departamento Territorial da Consellería de Presidencia, Xustiza e Deportes de Pontevedra
Servizo de Deporte de Pontevedra
Avda. Mª Victoria Moreno, 43 – 6º
36003 Pontevedra (Pontevedra)
Teléfono: 886206527/ 986803926
Email: deportes.pontevedra@xunta.es
Órgano responsable
Secretaría Xeral para O Deporte
Normativa
Ámbito Autonómico
Lei 3/2012, do 2 de abril, do deporte de Galicia (DOG nº 71 do 13 de abril de 2012).
Decreto 85/2014, do 3 de xullo, polo que se aproba o Regulamento do Rexistro de Entidades Deportivas de Galicia (DOG nº 136 do 18 de xullo de 2014).
Prazo
Prazo de presentación: Aberto todo o ano
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Dilixenciado de libros. (Código taxa: 30.01.00)
Pode realizar o pago destas taxas na sede electrónica como un dos pasos da tramitación en liña.
Documentación para a presentación
Presentación de solicitudes
1. As solicitudes presentaranse obrigatoriamente por medios electrónicos a través do formulario normalizado PR946C dispoñible na sede electrónica da Xunta de Galicia, https://sede.xunta.gal.
2. De conformidade co artigo 68.4 da Lei 39/2015, do 1 de outubro, do procedemento administrativo común das Administracións Públicas, se algunha das entidades presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.
3. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia incluido o sistema de usuario e chave Chave365 ( https://sede.xunta.gal/chave365).
4. Na solicitude debe indicarse:
- a relación de libros cuxa legalización se solicita, con indicación de se se atopan en branco ou se foron formados mediante a encadernación de follas anotadas, así como do número de folios ou follas legalizadas que compoñen cada libro.
- a data da apertura e, se for o caso, de peche dos últimos libros legalizados da mesma clase dos que se solicita a legalización. Non se legalizarán novos libros en branco se previamente non se acredita pola persoa titular da secretaría da entidade a íntegra utilización do anterior, agás no caso de subtracción ou de consignación en acta notarial do seu extravío ou destrución.
Documentación complementaria
1. Xunto coa solicitude deberase achegar a seguinte documentación:
- Libros para dilixenciar
- Documento acreditativo da representación, no seu caso.
- Xustificante do pago da taxa (código taxa: 30.01.00). Poderá realizarse o pago da taxa na sede electrónica, como un dos pasos da tramitación en línea, ou na Oficina Virtual Tributaria.
2. A documentación complementaria deberá presentarse electronicamente.
3. Se algunha das persoas interesadas presenta a documentación complementaria presencialmente, requiriráselle para que a emende a través da súa presentación electrónica. Para estes efectos considerarase como data de presentación aquela na que fose realizada a emenda.
4. As persoas interesadas responsabilizaranse da veracidade dos documentos que presenten.
5. Sempre que se realice a presentación de documentos separadamente da solicitude deberase indicar o código e o órgano responsable do procedemento, o número de rexistro de entrada da solicitude, e o número de expediente, se se dispón del.
Comprobación de datos
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas Administracións públicas agás que a persoa interesada se opoña á súa consulta:
- DNI/NIE da persoa representante.
2.No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos.
3. Cando así o esixa a normativa aplicable solicitarase o consentimento expreso da persoa interesada para realizar a consulta.
Consentimento para a comprobación de datos
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
- NIF da entidade solicitante.
- NIF da entidade representante.
4. Excepcionalmente, no caso de que algunha circunstancia imposibilitase a obtención dos citados datos, poderase solicitar ás persoas interesadas a presentación dos documentos correspondentes.
Trámites administrativos posteriores á presentación de solicitudes
Todos os trámites administrativos que as persoas interesadas deban realizar durante a tramitación deste procedemento deberán ser realizados electronicamente accedendo á Carpeta cidadá da persoa interesada, dispoñible na sede electrónica da Xunta de Galicia.
Resolución
Prazo de resolución:
Tres meses
Sentido do silencio:
Positivo
Procedementos e servizos relacionados
Aberto todo o ano PR940B
Revogación do recoñecemento.
Aberto todo o ano PR940C
Inscrición no rexistro da galeguidade.
31/10/2017 00:00 - 30/11/2017 23:59 PR945A
Axudas en réxime de concorrencia non competitiva destinadas a asociacións, clubs e entidades deportivas sen ánimo de lucro polos danos nas súas instalacións derivados dos incendios.
16/12/2023 00:00 - 15/01/2024 23:59 PR945C
Subvencións a clubs, sociedades anónimas deportivas, seccións deportivas e núcleos de adestramento deportivo especializado de Galicia para o desenvolvemento de actividades deportivas.