Créase o rexistro automatizado de autoridades e persoal facultado para enviar, mediante a sinatura electrónica prevista no Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades da dependentes, a orde de inserción dos documentos destinados a ser publicados no DOG.

A finalidade deste rexistro é dispor da relación de persoas facultadas para enviar, mediante a sinatura electrónica, as ordes de inserción no DOG.

En cada asentamento débense facer constar os datos persoais identificativos das persoas facultadas para enviar as ordes de inserción, consistentes en nome, apelidos e número de documento nacional de identidade, así como os datos de contacto, a identificación do organismo, ente ou entidade que as facultou para enviar as ordes de inserción no DOG, e a data de alta e de baixa no rexistro.

É requisito previo para publicar os anuncios liquidar os importes das taxas segundo o establecido na normativa sobre taxas e prezos da Comunidade Autónoma de Galicia.

No caso de que o anuncio estea incluído nun suposto de exención do pagamento da taxa de publicación, a persoa interesada deberao alegar e acreditar con carácter previo á publicación.

• Solicitude normalizada

• Para poder facer a devandita remisión telemática e imprescindible que posúa un certificado dixital persoal expedido pola Fábrica Nacional de Moneda e Timbre - Real Casa da Moeda (FNMT). A solicitude deste certificado dixital poderá facerse antes as oficinas da Xunta de Galicia que actúan como autoridades no rexistro da mencionada FNMT

• Unha vez dado de alta no sistema de envío telemático de anuncios para a súa inserción no DOG poderá facer os envíos telemáticos que desexe ao enderezo https://edog100.xunta.es

• Inicio
• Solicitude (Anexo I)