Inscrición de locais de hostalaría e/ou autorización de instalación e localización de máquinas auxiliares de apostas.

Este procedemento ten un dobre obxecto:

- A inscrición de locais de hostalería no Rexistro de Apostas da Comunidade Autónoma de Galicia para obter unha autorización de instalación e localización de máquinas auxiliares de apostas.

- O outorgamento dunha autorización de instalación e localización de máquinas auxiliares de apostas.

Para obter unha autorización de instalación e localización de máquinas auxiliares de apostas é necesario que o local estea inscrito no Rexistro de Apostas da Comunidade Autónoma de Galicia ou en calquera dos rexistros de Xogo desta Comunidade Autónoma ou se inscriba no momento de solicitar a autorización no Rexistro de Apostas.

Poderá inscribirse como local de hostalería no Rexistro de Apostas da Comunidade Autónoma de Galicia calquera local que non se atope en algunha das circunstancias descritas no artigo 54.2 do Regulamento de Apostas.

• a) Se o local de hostalaría está inscrito nalgún rexistro de xogo da Comunidade Autónoma de Galicia:

  • Documento de conformidade asinado pola persoa titular do local, pola empresa comercializadora e explotadora e, de ser o caso, pola empresa operadora de máquinas de tipo B.

  • Xustificante acreditativo do pagamento da taxa administrativa correspondente.

• b) Se o local de hostalaría non está inscrito na sección III do Rexistro de Apostas

  • Fotocopia do DNI da persoa titular do establecemento (no caso de non autorizar a súa consulta segundo o modelo que se achega na folla 3) ou NIF e copia da escritura pública de constitución no caso de persoa xurídica

  • Fotocopia do DNI da persoa representante da empresa comercializadora e explotadora de apostas (no caso de non autorizar a súa consulta segundo o modelo que se achega na folla 4) e, de ser o caso, da persoa representante da empresa operadora de máquinas B (no caso de non autorizar a consulta segundo o modelo que se achega na folla 5).

  • Fotocopia da solicitude de licenza municipal de apertura ao nome da persoa titular do establecemento.

  • Copia do documento polo que se acredite a realización dunha actividade económica de hostalaría no local.

  • Documento acreditativo da titularidade ou dispoñibilidade do local.

  • Documento de conformidade asinado pola persoa titular do local, pola empresa comercializadora e explotadora.

  • Xustificante acreditativo do pagamento da taxa administrativa correspondente.

• Inicio
• Solicitude (Anexo XII)