Este procedemento será o utilizado pola empresas operadoras que pretendan traspasar autorizacións de explotación de máquinas de xogo a outras empresas operadoras inscritas no Rexistro de Empresas de Máquinas de Xogo debendo atoparse a empresa adquirente ao día das obrigas fiscais sobre o xogo e contar coas fianzas necesarias para garantir as novas autorizacións.

• Solicitude normalizada, segundo o Anexo XXII desta orde, acompañada da seguinte documentación:

  • Exemplares da autorización de instalación e localización en vigor.

  • Exemplares da autorización de explotación da empresa operadora e máquina.

  • Certificado de facenda de estar o corrente nas obrigas fiscais sobre xogo.

  • Xustificante acreditativo do pagamento da taxa administrativa correspondente.

• As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede da Xunta de Galicia.

  Tamen se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.

  A documentación complementaria poderase presentar de acordo co disposto polo artigo 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, polo que se regula o desenvolvemento da Administración electrónica na Xunta de Galicia e nas entidades dela dependentes.

  Sempre que se realice a presentación de documentos separadamente da solicitude, a persoa interesada deberá mencionar o código e o órgano responsable do procedemento, o número de expediente e o número ou código único de rexistro.

• Inicio
• Solicitude (Anexo XXII)

Prazo de resolución: Dous meses

Sentido do silencio: Positivo