Se vostede actúa como representante dunha empresa que quere instalar unha sala para o Xogo do Bingo e xa está inscrita no Rexistro de Empresas de Xogo do Bingo, pode presenta-la solicitude correspondente á Xunta de Galicia.

Algunhas condicións que debe cumprir unha sala de bingo son:

- Debe estar disposta de forma que as extraccións de bolas sexan visibles para tódolos asistentes.

- Non pode ter unha capacidade menor de 100 persoas nin superior a 800.

- Debe posuír un rexistro de admisión e un servicio de control de asistencia.

A autorización para a instalación dunha sala de bingo ten carácter intransferible, estando prohibida a súa cesión por calquera título, e sendo de duración indefinida.

Empresarios que queiran instalar unha sala para o xogo do bingo.

• Documento acreditativo da representación da empresa solicitante por parte de quen subscribe a solicitude.

• Proxecto básico das obras e instalacións do local, subscrito por tecnico competente e visado polo respectivo colexio, cun contido mínimo de:

  Plano de situación do edificio no que se pretende instalar a sala de bingo no municipio, a escala 1/100 como mínimo.

  Plano de planta, na súa configuración actual, a escala 1/100 e plano de distribución previsto.

  Memoria descritiva do local na que se fai constar: estado xeral do local, superficie total, superficie dos espazos no que está distribuído, capacidade útil medida en número de persoas sentadas, situación dos elementos necesarios para a práctica do xogo e localización dos servizos de hostalaría e comerciais, dos servizos sanitarios e do servizo de admisión e control.

• Documento que acredita a dispoñibilidade do local.

• Xustificante do pagamento da taxa administrativa.

• - A documentación complementaria, que figura no anexo de solicitude de cada procedemento, poderá presentarse electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

  - A documentación complementaria tamen poderá presentarse en formato papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedementos administrativo común.

  - As copias dos documentos gozarán da mesma validez e eficacia que os seus orixinais sempre que exista constancia de que sexan autenticas.

  - Sempre que se realice a presentación de documentos separadamente da solicitude, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.

  - No caso de que algún dos documentos que se van presentar por parte da persoa solicitante ou representante, de forma electrónica, superase os tamaños límites ou tivese un formato non admitido pola sede electrónica, permitirase a súa presentación de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro.

• - As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia.

  - Alternativamente, tamen se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.

• Fase de solicitude
• Solicitude (Anexo II)

Prazo de resolución: Seis meses

Sentido do silencio: Negativo