Orientámolo/a, paso a paso, para presentar unha solicitude no rexistro electrónico
PR323A - Autorización e inscrición no Rexistro de Empresas do Xogo de Bingo en Galicia.
Aberto todo o ano Obxecto
Se vostede actúa como representante dunha empresa que quere instalar unha sala para o Xogo do Bingo debe solicitar a Xunta de Galicia a inscrición no Rexistro de Empresas de Xogo do Bingo. A empresa deberá reuni-los seguintes requisitos:
- Constituirse baixo forma xurídica de sociedade anónima.
- Ter domicilio social en España.
- Ter como obxecto social exclusivo a explotación de xogos autorizados ou que se poden autorizar.
- Dispoñer dun capital social de 30.050,6 euros por cada sala autorizada.
- Posuir accións nominativas.
- Ter administración colexiada.
- A participación de capital extranxeiro non poderá exceder do 25% do seu capital social.
- As empresas de bingo non poderán ser titulares de máis de 5 salas no ámbito da Comunidade Autónoma de Galicia.
Unha vez presentada a súa documentación comprobase se ten algún defecto (neste caso concedenselle 15 días para o correxir). A inscrición no Rexistro faise automáticamente.
A quen vai dirixido?
Empresarios de Xogo.
A onde acudir
Xunta de Galicia
Consellería de Facenda e Administración Pública
Secretaría Xeral Técnica e do Tesouro
Subdirección Xeral de Xogo e Espectáculos Públicos
Servizo de Xogo
R/ Roma, 25-27 - Polígono de Fontiñas
15707 Santiago de Compostela (Coruña, A)
Teléfono: 981546410/ 981546442
Fax: 981546486
Email: xogosc@xunta.es
Órgano responsable
Servizo de Xogo
Normativa
Ámbito Autonómico
Orde do 2 de xullo de 2014 pola que se adaptan e incorporan á sede electrónica da Xunta de Galicia os procedementos administrativos de prazo aberto da Presidencia da Xunta de Galicia e da Vicepresidencia e Consellería de Presidencia, Administracións Públicas e Xustiza (DOG nº 132 do 14 de xullo de 2014).
Decreto 181/2002, do 10 de maio, polo que se aproba o Regulamento do xogo do bingo (DOG nº 100 do 27 de maio de 2002)
Decreto 9/2007, do 25 de xaneiro, polo que se modifica o Decreto 181/2002, do 10 de maio, polo que se aproba o Regulamento do xogo do bingo (DOG nº 26 do 6 de febreiro de 2007).
Decreto 113/2010, do 1 de xullo, polo que se modifica o Decreto 181/2002, do 10 de maio, polo que se aproba o Regulamento do xogo do bingo, e o Decreto 116/1986, do 4 de xuño, polo que se aproba o Catálogo de xogos da Comunidade Autónoma de Galicia (DOG nº 131 do 12 de xullo de 2010).
Decreto 61/2014, do 23 de maio, polo que se modifica o Decreto 181/2002, do 10 de maio, polo que se aproba o Regulamento do xogo do bingo (DOG nº 105 do 4 de xuño de 2014).
Lei 14/1985, de 23 de outubro, Reguladora dos Xogos e Apostas en Galicia (DOG nº 222 de 20 de novembro de 1985).
Lei 6/2014, do 26 de xuño, pola que se modifica a Lei 14/1985, do 23 de outubro, reguladora dos xogos e apostas en Galicia (DOG nº 124 do 2 de xullo de 2014).
Orde do 31 de xaneiro de 2003 pola que se establecen os modelos normalizados de solicitudes de autorizacións, actas e libros regulados no Decreto 181/2002, do 10 de maio, polo que se aproba o Regulamento do xogo do bingo (DOG nº 33 do 17 de febreiro de 2003).
Prazo
Prazo de presentación: Aberto todo o ano
Documentación para a presentación
- Copia autentica da escritura de constitución da sociedade e dos seus estatutos,inscrita no rexistro mercantil e na que constan os nomes e apelidos dos socios accionistas coa cota de participación dos mesmos, así como dos cargos directivos e do/dos representante/s da mesma.
- Declaración do número de salas que pretende explotar
- Xustificante do pago da taxa administrativa
- - A documentación complementaria, que figura no anexo de solicitude de cada procedemento, poderá presentarse electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, de acceso dos cidadáns aos servizos públicos, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.
- A documentación complementaria tamen poderá presentarse en formato papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedementos administrativo común.
- As copias dos documentos gozarán da mesma validez e eficacia que os seus orixinais sempre que exista constancia de que sexan autenticas.
- Sempre que se realice a presentación de documentos separadamente da solicitude, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.
- No caso de que algún dos documentos que se van presentar por parte da persoa solicitante ou representante, de forma electrónica, superase os tamaños límites ou tivese un formato non admitido pola sede electrónica, permitirase a súa presentación de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro.
- - As solicitudes deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido nos artigos 27 da Lei 11/2007, do 22 de xuño, de acceso dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia.
- Alternativamente, tamen se poderán presentar as solicitudes en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de rexime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia.
Resolución
Prazo de resolución: Tres meses
Sentido do silencio: Positivo
Procedementos e servizos relacionados
Aberto todo o ano PR326H
Homologación e inscrición no Rexistro de Modelos doutros aparellos de xogo.
Aberto todo o ano PR326N
Cancelación da inscrición no Rexistro de Modelos a petición empresarial.
