As sociedades mercantís dedicadas á fabricación, comercialización, distribución, importación, instalación, operación ou servizo técnico de máquinas de xogo ou prestadoras de servizos de interconexión, así como á explotación de salóns recreativos e de xogo, que desenvolvan a súa actividade no ámbito territorial da Comunidade Autónoma de Galicia, deberán de figurar inscritas no Rexistro de Empresas de Máquinas de Xogo que, para tal efecto, levará a dirección xeral competente en materia de xogo.

Só poderá cancelarse a inscrición no Rexistro de Empresas de Máquinas de Xogo da Comunidade Autónoma de Galicia como empresa de xogo mediante resolución fundada nalgunha das causas ou motivos seguintes:

a) Por vontade da empresa. Nos casos de empresas fabricantes ou importadoras de máquinas recreativas ou de azar, manterase a inscrición dos correspondentes modelos que se atopasen en explotación no ámbito territorial da comunidade autónoma.

b) Pola absorción por outra empresa de xogo como consecuencia dos efectos xurdidos dun acordo de fusión entre sociedades mercantís.

c) Polo incumprimento das obrigas que, sobre a constitución e o mantemento da fianza, se establecen neste regulamento.

d) Pola desconformidade coa realidade dos datos achegados para a obtención da inscrición como empresa de xogo.

e) Por sanción de cancelación imposta no correspondente procedemento sancionador.

f) Por falta de actividade por un período superior a un ano.

g) Pola causa prevista no artigo 35.3º deste decreto.

Nos supostos previstos nas alíneas c),d), f) e g), a cancelación irá precedida da audiencia ás persoas interesadas.

Empresarios de xogo.

• Cancelación da inscrición ( 30.08.03)

Pode realizar o pago destas taxas na sede electrónica como un dos pasos da tramitación en liña.

• Solicitude segundo o Anexo XVII.

• Certificación ou acordo da sociedade asinado polos socios, de conformidade coa petición de baixa no rexistro de empresas.

• Xustificante do pagamento da taxa administrativa.   

• Inicio
• Solicitude (Anexo XVII)