Mediante este procedemento as empresas autorizadas para a instalación dun casino de xogos solicitarán ao órgano competente en materia de xogo o permiso necesario para poder abrir o casino que lle foi autorizado e inscribir o casino máis a propia empresa autorizada no Rexistro de Casinos da Comunidade Autónoma de Galicia

Despois da petición da adxudicataria, o órgano competente en materia de xogo poderá prorrogar o prazo de apertura por un período máximo de seis meses cando existan causas alleas á vontade da adxudicataria que o xustifiquen, que esta non puido coñecer no momento da adxudicación e que deberán quedar debidamente acreditadas. A petición de prórroga terase que efectuar necesariamente con anterioridade á data máxima prevista para a apertura do casino.

Empresas explotadoras de casinos de xogos.

A solicitude deberá ser realizada pola empresa autorizada cunha antelación mínima de tres meses á data máxima prevista na autorización de instalación para a apertura do casino ou, de ser o caso, no prazo que se indique no acordo de prórroga do prazo de apertura.

• Permiso de apertura ou traslado ( 30.11.02)

Pode realizar o pago destas taxas na sede electrónica como un dos pasos da tramitación en liña.

• Solicitude segundo o Anexo III.

• Relación inicial do persoal que vai prestar servizos no casino, con especificación da súa categoría profesional e identidade do persoal de dirección de xogos.

• Certificación de final de obra.

• Certificado de técnico competente, visado polo colexio profesional respectivo, se procede,acreditativo do funcionamento idóneo de todas as instalacións relacionadas co xogo, así como das medidas de seguridade do casino.

• Relación detallada dos xogos que se van practicar, con indicación, de ser o caso, da banda de flutuación de mínimos, así como do número mínimo de mesas e de máquinas que se van instalar.

• Xustificante acreditativo do depósito da fianza.

• Licenza ou habilitación municipal de apertura e funcionamento.

• Xustificante acreditativo do pagamento da taxa administrativa correspondente.

• Comprobación de datos.

Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.

• DNI/NIE da persoa representante.

• NIF da entidade representante.

• Fase de solicitude
• Solicitude (Anexo III)

Prazo de resolución: Tres meses

Sentido do silencio: Negativo