Expedir o certificado  para o adestramento de animais para garda e defensa

Educadoras/es caninos - Adestradores/as.

Para obter o certificado deberanse cumprir os seguintes requisitos:

a) Ser maior de idade e non estar incapacitado física nin psiquicamente.

b) Ausencia de antecedentes penais por delitos de homicidio, lesións, torturas, contra a liberdade, ou contra a integridade moral, a liberdade sexual e a saúde pública, de asociación con banda armada ou de narcotráfico, así como ausencia de sancións por infraccións en materia de protección animal ou en materia de tenza de animais potencialmente perigosos.

c) Ensinanza específica que comprenda, como mínimo, as materias incluídas no programa do anexo VII do Decreto 90/2002, do 28 de febreiro, polo que se regula a tenza de animais potencialmente perigosos na Comunidade Autónoma de Galicia e se crean os rexistros galegos de Identificación de Animais de Compañía e Potencialmente Perigosos e de Adestradores Caninos, recibida en centros que homologados.

d) Antecedentes e experiencia acreditada durante un mínimo de 5 anos.

e) Cumprimento de normas de manexo e de comunicación de datos previstas na normativa

.

• Expedición do certificado trala superación das probas correspondentes ( 30.35.01)
• Expedición directa ou homologación ( 30.35.02)
• Inscrición en rexistros oficiais. Primeira inscrición. Modificacións da primeira inscrición. ( 30.02.00)

Pode realizar o pago destas taxas na Oficina Virtual Tributaria.

A documentación necesaria para a tramitación deste procedemento é:

a) Compromiso de cumprimento de normas de manexo e comunicación de datos previstas no Decreto 90/2002, de 28 de febreiro e na Lei 4/2017, do 3 de outubro.

b) Certificado de capacitación para o adestramento (só en caso de solicitude de homologación) e/ou documentación acreditativa de contar coa titulación recollida no anexo I da Orde do 16 de outubro de 2002 pola que se determinan os títulos que habilitan para a expedición directa do certificado de capacitación para o adestramento, no ámbito da Comunidade Autónoma de Galicia.

c)    Certificado médico e psicolóxico que acredite que non está incapacitado/a nin física nin psiquicamente.

d)     Documentación acreditativa da formación recibida e experiencia laboral.

e)    Dispoñibilidade de instalacións e aloxamentos axeitados (número de inscrición no REGANUZ do centro de adestramento).

f)    Taxas administrativas devengadas pola tramitación da solicitude (códigos 30.35.01 – certificado de capacitación para o adestramento, código 30.35.02 para homologación ou ben código 30.02.00 para renovación).

g)    Acreditación da persoa representante que asine a solicitude, por calquera medio válido en dereito, no seu caso.

• Fase de solicitude
• Solicitude (Anexo V)

Prazo de resolución:

Tres meses

Sentido do silencio:

Negativo

homologación ou expedición directa: positivo