A presente orde ten por obxecto regular o Rexistro de Entidades Colaboradoras de Pesca Fluvial e o Rexistro de Embarcacións e Artefactos Boiantes de Pesca Fluvial, en aplicación do establecido nos artigos 18 e 39 do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais, e a tramitación na Comunidade Autónoma de Galicia de procedementos previstos na normativa autonómica, así como habilitar a súa presentación na sede electrónica da Xunta de Galicia.

Por outra banda cumpre establecer o seguinte procedemento:

• Nomeamento, renovación ou renuncia do título de Entidade Colaboradora de pesca fluvial (procedemento MT807F).

As solicitudes para o nomeamento como entidade colaboradora de pesca fluvial, así como para a renovación ou renuncia deste título presentaranse ante os órganos territoriais de dirección competente en materia de conservación da natureza e realizaranse segundo o modelo que figura no anexo III desta orde (procedemento MT807F).

• Solicitude segundo o Anexo III, acompañada da seguinte documentación:

  • Copia do acordo do órgano que acordou iniciar a solicitude.

  • Documentación acreditativa de ser unha sociedade ou asociación legalmente constituída (só no caso de nomeamento).

  • Copia autentificada dos estatutos (só no caso de nomeamento).

  • Relación nominal e actualizada de persoas asociadas: nome e apelidos, DNI e domicilio de cada unha delas (nos casos de nomeamento e de renovación).

  • Documentación acreditativa das actividades ou investimentos realizados en relación coa mellora e defensa do medio fluvial (nos casos de nomeamento e de renovación).

  • Documentación acreditativa dos cambios nos datos da entidade e outros.

  • Memoria das actividades ou investimentos proxectados (nos casos de nomeamento e de renovación).

• Documentación acreditativa fidedigna por calquera medio valido en dereito, no caso de representación.

• Comprobación de datos.

Os documentos relacionados serán obxecto de consulta ás Administracións públicas. No caso de que as persoas interesadas opóñanse a esta consulta, deberán indicalo e achegar unha copia dos documentos:

• NIF da entidade solicitante.

• DNI/NIE da persoa representante.

• NIF da persoa representante.

• Fase de solicitude
• Solicitude (Anexo III)

Prazo de resolución:

Un mes

Sentido do silencio:

Negativo