Orientámolo/a, paso a paso, para presentar unha solicitude no rexistro electrónico
MT202J - GARANTÍA FINANCEIRA
Aberto todo o ano Obxecto
Modelo normalizado de comunicación da declaración responsable de constitución de garantía financeira conforme ao anexo IV do Real decreto 2090/2008, do 22 de decembro, polo que se aproba o Regulamento de desenvolvemento parcial da Lei 26/2007, do 23 de outubro, de Responsabilidade Medioambiental.
A quen vai dirixido?
Este procedemento empregarase por parte dos operadores das actividades económicas ou profesionais do anexo III da Lei 26/2007, do 23 de outubro, de Responsabilidade Medioambiental. Empregarán para a súa comunicación o modelo que consta no anexo XXXVI desta orde co código de procedemento MT202J.
A onde acudir
Xunta de Galicia
Consellería de Medio Ambiente e Cambio Climático
Dirección Xeral de Calidade Ambiental e Sostibilidade
Subdirección Xeral de Coordinación Ambiental
San Lázaro, s/n
15781
Teléfono: 981541725
Email: sdx.coordinacion.ambiental@xunta.es
Órgano responsable
Dirección Xeral de Calidade Ambiental e Sostibilidade
Normativa
Ámbito Autonómico
Orde do 7 de xullo de 2020 pola que se habilitan electronicamente os procedementos administrativos de prazo aberto do órgano competente en materia de Calidade Ambiental e Cambio Climático desta consellería e se habilitan na sede electrónica da Xunta de Galicia (DOG nº 198 do 30 de setembro de 2020).
Ámbito Europeo
Directiva 2004/35/CE do Parlamento Europeo e do Consello, do 21 de abril de 2004, sobre responsabilidade ambiental en relación coa prevención e reparación de danos ambientais. (DOUE Núm. L 143 de 30/04/2004)
Ámbito Estatal
Lei 26/2007, do 23 de outubro, de responsabilidade ambiental. (BOE Núm. 255, do 24-10-2007)
Real Decreto 2090/2008, do 22 de decembro, polo que se aproba o Regulamento de desenvolvemento parcial da Lei 26/2007, do 23 de outubro, de responsabilidade ambiental. (BOE Núm. 308, do 23-12-2008)
Orde ARM/1783/2011, do 22 de xuño, pola que se establen a orde de prioridade e o calendario para a aprobación das ordes ministeriais a partir das cales será exixible a constitución da garantía financeira obligatoria, previstas na disposición final cuarta da Lei 26/2007, de 23 de outubro, de Responsabilidade Medioambiental (BOE núm. 154, de 29 de xuño de 2011)
Lei 11/2014, do 3 de xullo, pola que se modifica a Lei 26/2007, do 23 de outubro, de Responsabilidade ambiental. (BOE núm. 162 do 4 de xullo de 2014)
Real decreto 183/2015, do 13 de marzo, polo que se modifica o Regulamento de desenvolvemento parcial da Lei 26/2007, do 23 de outubro, de responsabilidade ambiental, aprobado polo Real decreto 2090/2008, do 22 de decembro (BOE núm. 83 do 7 de abril de 2015)
Orde APM/1040/2017, do 23 de outubro, pola que se establece a data a partir da cal será exixible a constitución da garantía financeira obrigatoria para as actividades do anexo III da Lei 26/2007, do 23 de outubro, de responsabilidade ambiental, clasificadas como nivel de prioridade 1 e 2, mediante Orde ARM/1783/2011, do 22 de xuño, e pola que se modifica o seu anexo. (BOE núm. 263 do 30 de outubro de 2017)
Orde TEC/1023/2019, do 10 de outubro, pola que se establece a data a partir da cal será exixible a constitución da garantía financeira obrigatoria para as actividades do anexo III da Lei 26/2007, do 23 de outubro, de responsabilidade ambiental, clasificadas como nivel de prioridade 3, mediante a Orde ARM/1783/2011, do 22 de xuño.(BOE núm. 248, de 15 de outubro de 2019)
Prazo
Prazo de presentación: Aberto todo o ano
Esta orde entrará en vigor aos vinte (20) días naturais da súa publicación no Diario Oficial de Galicia.
Documentación para a presentación
Presentación de solicitudes
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal.
- De conformidade co disposto no artigo 14 da Lei 39/2015, do 1 de outubro, do procedemento administrativo común das administracións públicas, e no artigo 10 da Lei 4/2019, do 17 de xullo, de administración dixital de Galicia, a presentación electrónica será obrigatoria para as persoas xurídicas, as entidades sen personalidade xurídica, as persoas que exerzan unha actividade profesional para a cal se requira colexiación obrigatoria e os traballadores autónomos e as traballadoras autónomas para os trámites e as actuacións que realicen coas administracións públicas no exercicio da súa actividade profesional, así como as persoas representantes dunha das anteriores.
- Se algunha das persoas interesadas obrigadas á presentación electrónica presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
- Aquelas persoas interesadas non obrigadas á presentación electrónica, opcionalmente, poderán presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia.
Documentación
A documentación necesaria para a tramitación deste procedemento é a que se especifica no anexo XXXVI; isto é:
• A declaración responsable de constitución da garantía financeira conforme ao anexo IV do Real decreto 2090/2008, do 22 de decembro, polo que se aproba o Regulamento de desenvolvemento parcial da Lei 26/2007.
• Outra documentación que interese achegar por parte da persoa solicitante.
Non será necesario achegar os documentos que xa se teñan presentado anteriormente. Para estes efectos, a persoa interesada deberá indicar en que momento e diante de que órgano administrativo presentou os citados documentos. Presumirase que esta consulta é autorizada polas persoas interesadas, salvo que conste no procedemento a súa oposición expresa.
A documentación complementaria presentarase preferiblemente por vía electrónica. Aquelas persoas non obrigadas á presentación electrónica, opcionalmente, poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.
Sempre que se realice a presentación de documentos separadamente da solicitude, a persoa interesada ou o seu representante deberá mencionar o código e o órgano responsable do procedemento, o número de expediente e o número ou o código único de rexistro.
No caso de que algún dos documentos que vaia presentar a persoa solicitante ou o seu representante, de forma electrónica, supere os tamaños límite establecidos ou teña un formato non admitido pola sede electrónica, permitirase a súa presentación de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación complementaria para cada procedemento.
Comprobación de datos
Para a tramitación do presente procedemento, consultaranse automaticamente os datos incluídos nos seguintes documentos elaborados polas administracións públicas:
a) DNI/NIE da persoa física solicitante ou comunicante.
b) NIF da persoa xurídica solicitante ou comunicante.
c) DNI/NIE da persoa representante.
d) NIF da entidade representante.
Trámites administrativos posteriores á presentación de solicitudes
A sede electrónica da Xunta de Galicia permítelles ás persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada.
Cando as persoas interesadas non resulten obrigadas á presentación electrónica das solicitudes tamén poderán tramitarse presencialmente en calquera dos lugares e rexistros establecidos na normativa reguladora do procedemento administrativo común.
Procedementos e servizos relacionados
Aberto todo o ano MT202A
Modificación substancial da autorización ambiental integrada e avaliación de impacto ambiental
Aberto todo o ano MT202B
Seguimento da autorización ambiental integrada