Orientámolo/a, paso a paso, para presentar unha solicitude no rexistro electrónico
MR673A - Rexistro de sociedades de fomento forestal.
Aberto todo o ano Obxecto
Este decreto ten por obxecto, de conformidade co artigo 29º da Lei 3/2007, do 9 abril, de incendios forestais de Galicia, regular o fomento das agrupacións de propietarios ou propietarias forestais mediante a constitución de sociedades mercantís de responsabilidade limitada que reúnan os requisitos que se determinan neste decreto, e que se denominan sociedades de fomento forestal.
Para tales efectos neste decreto regúlase:
a) A determinación dos requisitos que deben reunir as agrupacións de propietarios forestais para a súa consideración como sociedades de fomento forestal no ámbito da Comunidade Autónoma de Galicia.
b) A creación do Rexistro de Sociedades de Fomento Forestal e a regulación do seu funcionamento.
c) O réxime de incentivos susceptibles de aplicación ás sociedades de fomento forestal.
Especifícamente neste decreto regúlase o Rexistro de Sociedades de Fomento Forestal adscrito á dirección xeral competente en materia forestal.
Corresponderalle ao encargado/a do rexistro, nos termos previstos neste decreto:
a) Proceder á inscrición e a baixa das sociedades de fomento forestal no rexistro.
b) Proceder á inscrición previa das agrupacións de propietarios forestais que pretendan obter a cualificación de sociedade de fomento forestal, e xestionar esa situación provisional ata a súa inscrición definitiva ou a súa desestimación.
c) Cualificar os documentos que, de ser o caso, pretendan acceder aos libros do rexistro, así como a emisión de nota de defectos, se é o caso.
d) Expedir certificacións sobre as sociedades de fomento forestal inscritas no rexistro.
e) Requirir, de ser o caso, a información periódica que deberán proporcionar as sociedades inscritas no rexistro, de acordo co establecido neste decreto.
f) Colaborar e coordinar a información do Rexistro de Sociedades de Fomento Forestal con outros rexistros.
g) Realizar a ordenación, tratamento e publicidade da información rexistral acumulada.
O rexistro constará das seguintes seccións:
a) Inscrición previa.
b) Inscrición.
c) Información periódica para proporcionar.
d) Baixa.
O Rexistro de Sociedades de Fomento Forestal expedirá certificacións do contido do rexistros autorizadas polo encargado ou encargada do rexistro. A certificación terá carácter gratuito.
A inscrición pode ser previa ou definitiva, o período máximo de tempo durante o cal unha sociedade poderá estar na situación transitoria de inscrición previa será de doce meses. Transcorrido este período sen terse solicitado a inscrición definitiva, o encargado do rexistro dará de baixa a sociedade.
Unha vez que se procedese á obtención da cualificación como sociedade de fomento forestal, esta terá as seguintes obrigas de fornecemento de información ao rexistro:
1. No prazo máximo de dous anos desde a inscrición no rexistro, deberán presentar un instrumento de planificación da xestión forestal de acordo co estipulado no artigo 5º desde decreto.
2. Con carácter puntual:
a) Calquera tipo de modificación de estatutos ou de cambio no capital social que se produza deberá ser notificado nun período de tempo non superior a tres meses desde a súa realización. Para iso, presentará copia da pertinente escritura pública, unha vez que fose obxecto de inscrición no Rexistro Mercantil.
b) Calquera tipo de información que lle sexa solicitada polo/a encargado/a do rexistro, para o cal disporá dun prazo de trinta días desde a notificación.
3. Con carácter anual, e dentro dos nove meses seguintes ao peche de cada exercicio social:
a) Certificación emitida polo órgano de administración da cifra de capital social e das participacións sociais que o integran, distinguindo entre aquelas de clase forestal e de clase xeral, tal e como veñen definidas no artigo 7º.3, así como da superficie forestal xestionada pola sociedade e, de ser o caso, das unidades de superficie que a compoñen.
b) Copia das contas anuais depositadas no Rexistro Mercantil.
A quen vai dirixido?
A sociedade de responsabilidade limitada que teña por obxecto social o determinado no artigo 6º no decreto 45/2011, do 10 de marzo.
A onde acudir
Xunta de Galicia
Consellería do Medio Rural
Dirección Xeral de Planificación e Ordenación Forestal
Subdirección Xeral de Recursos Forestais
Avda. San Lázaro, s/n
15703 Santiago de Compostela (Coruña, A)
Teléfono: 981546112/ 981546128
Fax: 981546101
Email: mediorural.recursosforestais@xunta.gal
Órgano responsable
Dirección Xeral de Planificación e Ordenación Forestal
Normativa
Ámbito Autonómico
Decreto 45/2011, do 10 de marzo, polo que se regula o fomento das agrupacións de propietarios forestais, os requisitos e cualificación das sociedades de fomento forestal e a creación do seu rexistro (DOG nº 58 do 23 de marzo de 2011).
Orde do 22 de abril de 2015 do Vicepresidente e Conselleiro de Presidencia, Administracións Públicas e Xustiza, pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería do Medio Rural e do Mar (DOG nº 77 do 24 de abril de 2015).
Prazo
Prazo de presentación: Aberto todo o ano
Documentación para a presentación
-
Solicitude segundo o Anexo I.
-
1. Para a solicitude de inscrición:
-
Relación dos terreos forestais obxecto de xestión conxunta.
-
Escritura de constitución da sociedade.
-
Escrituras de modificación dos estatutos, debidamente inscritas no Rexistro Mercantil, se fora o caso.
-
Información sobre os elementos culturais e naturais que se deben protexer.
-
Información sobre as parcelas en estado de abandono ou de propietario descoñecido.
-
Información sobre os terreos de especial importancia polos seus valores ambientais, paisaxísticos ou culturais.
-
-
2. Para a solicitude de inscrición previa:
-
Escritura de constitución da sociedade.
-
-
Escrituras de modificación dos estatutos, debidamente inscritas no Rexistro Mercantil, se for o caso.
-
Documentación acreditativa da propiedade por parte das persoas socias de, polo menos, un 25% da superficie exixida no artigo 3º do decreto.
-
Acreditación da disposición dun sistema obxectivo de valoración dos dereitos de aproveitamento forestal que teña en conta, polomenos, os seguintes factores: superficie, cualificación do terreo e capacidade produtiva deste.
-
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
NIF da entidade solicitante.
Resolución
Prazo de resolución: Seis meses
Sentido do silencio: Negativo
Procedementos e servizos relacionados
05/02/2024 00:00 - 15/03/2024 23:59 MR670B
Primeira forestación de terras non agrícolas.
15/01/2025 00:00 - 14/02/2025 23:59 MR670C
Compromisos de mantemento de forestacións