O presente decreto ten por obxecto regular na Comunidade Autónoma de Galicia o Rexistro Oficial de Produtores e Operadores de medios de defensa fitosanitaria (en diante, ROPO), e o procedemento para a inscrición, modificación e cancelación, así como a súa estrutura e funcionamento.

A sección do sector subministrador de medios de defensa fitosanitaria incluirá as seguintes actividades:

a) Fabricación ou produción material incluíndo a actividade de almacenamento nas propias instalacións da factoría.

b) Comercialización ou posta no mercado, incluída a importación. Implica a titularidade da autorización do produto e a responsabilidade inherente a ela, incluíndo, se é o caso, a responsabilidade directa ou subsidiaria sobre a fabricación e sobre a loxística.

c) Distribución ou organización da venda ás persoas usuarias en xeral. Implica, se é o caso, a responsabilidade subsidiaria sobre a loxística.

d) Loxística, incluíndo o transporte e almacenamento, no caso de que se realice como actividade específica independente, por conta do responsable da comercialización ou do distribuidor.

Persoas físicas/xurídicas.   

A inscrición no ROPO, por razóns de saúde pública e de protección do ambiente, será requisito imprescindible para exercer calquera das actividades especificadas nas seccións do artigo 5 desta resolución, mentres sexa con carácter comercial, como industrial ou corporativo.

• Solicitude segundo Anexo I, acompañada da seguinte documentación:

  • Escritura de constitución no caso de persoas xurídicas.

  • Proxecto da nave-almacén dos produtos fitosanitarios ou ben a súa memoria descritiva, asinada por persoa responsable, xunto cos planos de situación e de planta do almacén.

  • Xustificante de estar adherido a un sistema de xestión para a eliminación de envases baleiros de produtos fitosanitarios.

  • Documento que acredite a relación profesional obrigatoria con persoal técnico competente coa titulación universitaria habilitante contemplada no artigo 40 da Lei de sanidade vexetal e no artigo 22.2 do Real Decreto 1311/2012.

  • Sistema a empregar no rexistro das transaccións de produtos fitosanitarios.

  • Impreso da autoliquidación da taxa de inscrición.

  • Outra documentación que se adxunta (relacionar).

• Para unha modificación:

  • Impreso da autoliquidación da taxa de modificación.

  • Outra documentación que se adxunta e que se atopa suxeita a cambios respecto da inscrición inicial (relacionar)

• Para unha renovación:

  • Impreso da autoliquidación da taxa de renovación.

  • Declaración responsable de que non cambiaron as condicións iniciais que motivaron a inscrición da actividade.

  • Outra documentación que se adxunta (relacionar).

• As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.es, de acordo co establecido na Orde do 15 de setembro de 2011, pola que se aproba a posta en funcionamento da sede electrónica da xunta de Galicia, e no artigo 24º do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de persoa usuaria e clave Chave365 (https://sede.xunta.es/chave365).

• Opcionalmente, tamén se poderán presentar as solicitudes en soporte papel en calquera dos lugares e rexistros establecidos no artigo 16º.4 da Lei 39/2015, do 1 de outubro, do procedemento administrativo común das Administracións públicas, utilizando o formulario normalizado dispoñible na sede electrónica da Xunta de Galicia.

• A documentación complementaria, segundo se indica no artigo 10º e seguintes deste decreto, poderá presentarse electronicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 28.5 da Lei 39/2015, do 1 de outubro, do procedemento administrativo común das administracións públicas, e 22.3 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

• A documentación complementaria tamén poderá presentarse en formato papel en calquera dos lugares e rexistros establecidos no artigo 16º.4 da Lei 39/2015, do 1 de outubro, do procedemento administrativo común das Administracións públicas.

• As copias dos documentos gozarán da mesma validez e eficacia que os seus orixinais sempre que exista constancia de que sexan auténticas.

• Sempre que se realice a presentación de documentos separadamente da solicitude, a persoa interesada ou representante deberá mencionar o código e o órgano responsable do procedemento, o número de expediente e o número ou código único de rexistro.

• No caso de que algún dos documentos que se van presentar de forma electrónica por parte da persoa solicitante ou representante superase os tamaños límites establecidos pola sede electrónica, permitirase a presentación deste de forma presencial dentro dos prazos previstos. Para iso, e xunto co documento que se presenta, a persoa interesada deberá mencionar o código e o órgano responsable do procedemento, o número de expediente e o número ou código único de rexistro. Na sede electrónica da Xunta de Galicia publicarase a relación de formatos, protocolos e tamaño máximo admitido da documentación complementaria para cada procedemento.

• A sede electrónica da Xunta de Galicia ten á disposición das persoas interesadas unha serie de modelos normalizados dos trámites máis comunmente utilizados na tramitación administrativa, que poderán ser presentados en calquera dos lugares e rexistros establecidos 16º.4 da Lei 39/2015, do 1 de outubro, do procedemento administrativo común das Administracións públicas.

• Iniciación
• Solicitude (Anexo I)
• Anexo I BIS

Prazo de resolución: 40 días, contados desde que a solicitude teña entrada no rexistro do órgano competente para a súa resolución.

Sentido do silencio: Positivo