Orientámolo/a, paso a paso, para presentar unha solicitude no rexistro electrónico
IN852C - Subvencións para proxectos de innovación en produto, Liña 2.
Convocatoria 2021
Prazo pechado: 16/02/2021 00:00 - 22/04/2021 23:59
Prazo pechado: 16/02/2021 00:00 - 22/04/2021 23:59Obxecto
Esta resolución ten por obxecto aprobar as bases polas cales se rexerá a concesión das axudas da Axencia Galega de Innovación para o financiamento de proxectos colaborativos nas áreas estratéxicas dos hubs galegos de innovación dixital que permitan avanzar na súa especialización e consolidación dentro do marco da RIS3 Galicia (programa Conecta hubs). Estas áreas faranse públicas con anterioridade á publicación desta convocatoria na paxina web de cada un dos DIH declarados estratéxicos (artigo 2.15).
– Liña 2 (código de procedemento IN852C): proxectos de innovación en produto.
A quen vai dirixido?
Poderán ser beneficiarias destas axudas as agrupacións de empresas, nos termos previstos no artigo 8.3 da Lei 9/2007, que realicen proxectos de I+D+i en colaboración.
As empresas poderán ser pequenas, medianas ou grandes, segundo as definicións contidas no artigo 2 desta Resolución. Deberán ter domicilio social ou un centro de traballo en Galicia, onde deberán desenvolver as actividades para as cales se solicita a axuda e contar con capacidade administrativa, financeira e operativa suficiente para a execución da axuda que se lles conceda, cuxas condicións se determinarán no documento que establece as condicións da axuda (DECA), conforme o disposto no artigo 26.4 da presente resolución.
Requisitos
1. Requisitos xerais .
1.1. Os proxectos deberán estar enfocados ao mercado e orientados á xeración de coñecementos, tecnoloxías e innovacións destinadas á mellora dos procesos de dixitalización e á creación de produtos e servizos tecnoloxicamente avanzados e de maior valor engadido que revertan nas pemes galegas e melloren a súa competitividade. Poderán combinar o dixital con outras tecnoloxías facilitadoras para maximizar os beneficios da dixitalización, valorándose ademais, de maneira especial, a súa coherencia con outros ámbitos estratéxicos para a Unión Europea, como o Pacto verde ou a Innovación responsable.
1.2. Os proxectos deberán realizarse sempre en cooperación entre pemes formando unha agrupación. A participación de cada empresa deberá estar xustificada, ser relevante e equilibrada, e non poderá superar nunca unha mesma empresa (ou empresas vinculadas) o 65 % do orzamento subvencionable total do proxecto.
Ademais, poderán incluírse nos proxectos grandes empresas cando exerzan un efecto tractor no proxecto, pero sempre cunha participación limitada. Esta participación só se permite no caso de proxectos de investigación industrial, desenvolvemento experimental e innovación en materia de proceso ou organización.
1.3. Cada proxecto deberá incluír, como mínimo, tres indicadores medibles que permitan recoller os avances obtidos, segundo a situación actual en Galicia, no obxectivo ou obxectivos específicos do programa Europa dixital a que se oriente o proxecto, sempre no marco da RIS3 Galicia. Estes indicadores deberán cuantificarse para poder determinar a evolución acadada polo desenvolvemento do proxecto.
1.4. Será requisito imprescindible en todas as liñas que a proposta para a cal se solicita a axuda estea aliñada cos retos e prioridades da RIS3 Galicia. A descrición destes retos e o detalle das súas liñas prioritarias detállase no artigo 2 desta Resolución.
2. Requisitos específicos aplicables á liña específica de axudas á que se presenten :
Liña 2: proxectos de innovación en produto, segundo a definición incluída no artigo 2 destas bases.
Orzamento: os proxectos deberán ter un orzamento mínimo de 250.000 euros e un máximo de 600.000 euros, dividido nas distintas actividades que vaia realizar cada un dos integrantes da agrupación.
Tamaño e composición da agrupación: cada agrupación debe estar constituída por un mínimo de dúas empresas pemes non vinculadas entre si e un máximo de seis, todas elas pemes, e o tamaño da agrupación deberá ser o necesario para garantir unha xestión eficaz deste.
Na agrupación non poderán participar grandes empresas.
Duración: os proxectos poderán ser plurianuais. Deberán iniciarse a partir do 1 de xaneiro de 2021 e estar rematados antes do 30 de abril de 2023.
Os proxectos non poderán estar rematados materialmente antes da data de presentación da solicitude.
3. Só se financiarán as actividades do proxecto desenvolvidas na Comunidade Autónoma galega, sen prexuízo de que as subcontratacións, asistencias técnicas ou colaboracións externas poidan encomendarse a entidades que operen fóra do territorio galego. Todos os membros da agrupación deberán levar a cabo as súas actividades en Galicia, de xeito que deberán ter na Comunidade o seu domicilio social ou algún centro de traballo onde realicen as actividades susceptibles de obter a axuda. De non ter este centro de traballo no momento de presentar a súa solicitude, deberán achegar unha declaración da entidade solicitante que acredite que se establecerá en Galicia antes de iniciarse o proxecto.
A onde acudir
Xunta de Galicia
Consellería de Educación, Ciencia, Universidades e Formación Profesional
Axencia Galega de Innovación (GAIN)
Área de Programas
Rúa Airas Nunes s/n (Conxo)
15702 Santiago de Compostela (Coruña, A)
Teléfono: 981541071
Email: programas.gain@xunta.gal
Órgano responsable
Axencia Galega de Innovación (GAIN)
Normativa
Ámbito Autonómico
Resolución do 25 de xaneiro de 2021 pola que se establecen as bases reguladoras e se realiza a convocatoria para o ano 2021 das axudas para proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia (programa Conecta hubs), cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (DOG nº 30 do 15 de febreiro de 2021).
Extracto da Resolución do 25 de xaneiro de 2021 pola que se establecen as bases reguladoras e se realiza a convocatoria para o ano 2021 das axudas para proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia (programa Conecta hubs), cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (código de procedemento IN852C) (axudas para proxectos de innovación en produto) (DOG nº 30 do 15 de febreiro de 2021).
Correrección de erros. Resolución do 25 de xaneiro de 2021 pola que se establecen as bases reguladoras e se realiza a convocatoria para o ano 2021 das axudas para proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia (programa Conecta hubs), cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (DOG nº 72 do 19 de abril de 2021).
Resolución do 21 de maio de 2021 pola que se modifica a Resolución do 25 de xaneiro de 2021 pola que se establecen as bases reguladoras e se realiza a convocatoria para o ano 2021 das axudas para proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia (programa Conecta hubs), cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2014-2020 (DOG nº 99 do 28 de maio de 2021).
Resolución do 6 de outubro de 2021 pola que se conceden as axudas do programa Conecta hubs, orientado a proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia, cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (DOG nº 200 do 18 de outubro de 2021).
Corrección de erros. Resolución do 6 de outubro de 2021 pola que se conceden as axudas do programa Conecta hubs, orientado a proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia, cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (DOG nº 206 do 26 de outubro de 2021).
Resolución do 18 de xullo de 2022 pola que se modifica a Resolución do 25 de xaneiro de 2021, pola que se establecen as bases reguladoras e se realiza a convocatoria para o ano 2021 das axudas para proxectos colaborativos nas áreas estratéxicas dos hubs de innovación dixital que permitan avanzar na súa especialización e consolidación dentro do marco da RIS3 Galicia (programa Conecta Hubs), cofinanciadas polo Fondo Europeo de Desenvolvemento Rexional (Feder) dentro do programa operativo Feder Galicia 2014-2020 (DOG nº 145 do 1 de agosto de 2022).
Prazo
Prazo de presentación: PECHADO
16/02/2021 00:00 - 22/04/2021 23:59
O prazo de presentación de solicitudes por parte do líder da agrupación comenzará desde o día seguinte ao da publicación desta resolución no Diario Oficial de Galicia e permanecerá aberto 45 días hábiles.
Documentación para a presentación
Solicitude segundo o Anexo II.
1. Documentación Económica-Administrativa .
- Declaración de conformidade de participación no proxecto e autorización a favor do representante da agrupación (anexo III).
- Modelo de autorización das persoas socias mancomunadas a favor do representante da entidade solicitante, no caso de poder mancomunado (anexo IV).
- Modelo de comprobación de datos das persoas socias mancomunadas, no caso de poder mancomunado (anexo V).
- Modelo de comprobación de datos do equipo investigador (anexo VI).
- Declaración responsable relativa á condición de peme, no caso que sexa de aplicación (anexo VII).
- Copia da resolución de concesión, no caso de ter concedida algunha axuda para a mesma finalidade ou os mesmos custos ou unha axuda de minimis.
- Acordo regulador da agrupación debidamente asinado por todos os membros (para presentar polo líder).
- Contrato/s subscrito/s de subcontratación, no caso en que sexa necesario.
- Poder da persoa representante que presenta a solicitude, inscrito no rexistro competente, no caso de apoderados/as de entidades mercantís distintos de administración única, administración solidaria ou mancomunada, ou tamén o cargo de conselleiro/a delegado/a.
2. Documentación técnica.
- Currículos do equipo investigador do proxecto.
- Memoria de actuación na que se detallen as actividades a realizar segundo o índice do anexo XI, (para presentar polo líder).
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente do Anexo II e achegar unha copia dos documentos.
- DNI/NIE da persoa representante.
- Certificado de estar ao día do pagamento coa Seguridade Social.
- Certificado de estar ao día no pagamento das débedas coa Administración pública da comunidade autónoma.
- Consulta de inhabilitacións para obter subvencións e axudas.
- Consulta de concesións de subvencións e axudas.
- Consulta de concesións pola regra minimis.
- Poder do representante que presenta a solicitude inscrito no rexistro competente.
CONSENTIMENTO PARA A COMPROBACIÓN DE DATOS . A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
- NIF da entidade solicitante.
- Certificado de estar ao día no pagamento de obrigas tributarias coa AEAT.
Anexos asociados
- Fase de solicitude
- Declaración responsable relativa á condición de peme (Anexo VII)
- Solicitude (Anexo II)
- Comprobación de datos das persoas socias mancomunadas (Anexo V)
- Comprobación de datos do equipo investigador (Anexo VI)
- Autorización das persoas socias mancomunadas a favor do representante da entidade solicitante (Anexo IV)
- Declaración de conformidade de participación no proxecto e autorización a favor do representante da agrupación (Anexo III)
Resolución
Prazo de resolución:
Cinco meses
Sentido do silencio:
Negativo
Procedementos e servizos relacionados
09/02/2018 00:00 - 08/03/2018 23:59 IN852A
Axudas do Programa Conecta Peme.
16/02/2021 00:00 - 22/04/2021 23:59 IN852B
Subvencións para proxectos de I+D ou innovación en materia de proceso ou organización, Liña 1.
14/07/2021 00:00 - 13/08/2021 23:59 IN852D
Subvencións para proxectos de investigación industrial e desenvolvemento experimental relacionados coa COVID-19. Liña 1.
14/07/2021 00:00 - 13/08/2021 23:59 IN852E
Subvencións para proxectos de innovación en producto relacionados coa COVID1-19. Liña 2
15/02/2024 00:00 - 14/05/2024 23:59 IN856C
Axudas para a convocatoria de misións de especialización intelixente.
01/11/2023 00:00 - 15/11/2023 23:59 IN859A
Convocatoria pola Axencia Galega de Innovación de dous postos de persoal investigador, na modalidade de investigador distinguido, para persoas beneficiarias dunha bolsa do Consello Europeo de Investigación (ERC), no marco do programa Oportunius.