Orientámolo/a, paso a paso, para presentar unha solicitude no rexistro electrónico
IN639B - Declaración responsable de reparadores de instrumentos de medida suxeitos ao control metrolóxico do Estado.
Aberto todo o ano Obxecto
Os reparadores de instrumentos de medida que se encontren sometidos ao control metrolóxico deberán presentar, con anterioridade ao comezo da actividade, no Rexistro de Control Metrolóxico unha declaración responsable sobre a dispoñibilidade dos medios técnicos e o cumprimento dos requisitos relativos aos procedementos de traballo e cualificación técnica profesional.
A declaración responsable habilita dende o día da súa presentación para o desenvolvemento da actividade de que se trate en todo o territorio español e cunha duración indefinida. Calquera modificación sobrevida deberá ser comunicada ao Rexistro.
Non será necesaria a presentación da declaración responsable para as entidades reparadoras establecidas noutro Estado membro que presten os seus servizos en réxime de libre prestación en territorio español.
As persoas físicas ou xurídicas que reparen instrumentos de medida suxeitos ao control metrolóxico do Estado, serán inscritas de oficio no Rexistro de Control Metrolóxico polos servizos competentes da comunidade autónoma na que inicien a súa actividade con base na declaración responsable presentada.
Na Comunidade Autónoma de Galicia o Rexistro de Control Metrolóxico xestionarase dende á dirección xeral con competencias en materia de industria.
A Administración pública competente asignará un número de identificación que deberá ser utilizado polo reparador en todos os documentos emitidos como consecuencia das súas intervencións. Ata tanto lle foi asignado devandito número, deberá consignar o seu número do documento nacional de identidade ou número de identificación fiscal ou documento equivalente consignado na declaración responsable que presente.
A toda inscrición no Rexistro de Control Metrolóxico no caso de reparadores, asignaráselle unha identificación alfa-numérica, na forma seguinte:
XX-Y-ZZZZ-R / MM
Onde: XX representan os dous díxitos que identifican á Administración pública que efectúe a inscrición, Y é a letra que serve para identificar o sector de actividade, ZZZZ son os catro díxitos correspondentes ao número correlativo de rexistro dentro de cada sector de actividade, asignados pola Administración pública que leve a cabo a inscrición, R é a identificación específica de reparador.
MM son os dous díxitos correspondentes ao ordinal da modificación cando se leven a cabo. Non figurarán na inscrición inicial.Se a persoa ou entidade a inscribir como reparador, estivese xa inscrita para outra actividade emitirase un certificado independente e específico para a actividade de reparación.
O período de vixencia das inscricións será indefinido.
A dirección xeral competente en materia de industria comunicará a relación de códigos alfanuméricos que deberán figurar nos precintos asignados a cada reparador. Unha vez subministrados os precintos polo fabricante, e antes da súa utilización, o reparador deberá presentar, ante a persoa encargada do Rexistro de Control Metrolóxico, unha declaración coa relación dos códigos dos precintos de que dispón na que se indique expresamente que estes son únicos para cada precinto. Así mesmo o reparador deberá presentar unha declaración do fabricante dos precintos na que poña de manifesto a data na que estes foron subministrados, a relación de códigos alfanuméricos gravados nos mesmos e o seu compromiso de que nin fabricaron nin fabricarán outros precintos cos mesmos códigos.
A onde acudir
Xunta de Galicia
Consellería de Economía, Industria e Innovación
Secretaría Xeral de Industria
Subdirección Xeral de Administración Industrial
Servizo de Metroloxía e Seguridade Industrial
Edificio Administrativo San Caetano s/n, bloque 5, 4ª planta
15781 Santiago de Compostela (Coruña, A)
Teléfono: 981957789
Fax: 981957192
Órgano responsable
Servizo de Metroloxía e Seguridade Industrial
Normativa
Ámbito Autonómico
Orde do 22 de outubro de 2015 pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería de Economía, Emprego e Industria (DOG nº 204 do 26 de outubro de 2015).
Decreto 78/2011, do 14 de abril, polo que se establece a ordenación das funcións do control metrolóxico do Estado que corresponden á Comunidade Autónoma de Galicia, e se aproba o regulamento de vixilancia e inspección de instrumentos sometidos a control metrolóxico (DOG nº 91 do 11 de maio de 2011).
Orde do 5 de maio de 2020 pola que se autoriza e se dá publicidade dunha relación de procedementos que, por razóns motivadas, deben continuar coa súa tramitación durante a vixencia do estado de alarma. (DOG nº 90 do 11 de maio de 2020).
Ámbito Estatal
Lei 32/2014, do 22 de decembro, de metroloxía. (BOE nº 309 do 23 de decembro de 2014).
Real decreto 244/2016, do 3 de xuño, polo que se desenvolve a Lei 32/2014, do 22 de decembro, de metroloxía (BOE nº 137 do 7 de xuño de 2016).
Prazo
Prazo de presentación: Aberto todo o ano
Esta orde entrará en vigor aos vinte días naturais da súa publicación no Diario Oficial de Galicia.
Documentación para a presentación
- Declaración segundo o Anexo I.
- Xustificante de liquidación de taxas.
Procedementos e servizos relacionados
Aberto todo o ano 
Aberto todo o ano Aberto todo o ano Aberto todo o ano Aberto todo o ano