Orientámolo/a, paso a paso, para presentar unha solicitude no rexistro electrónico
MT402B - Programa de axudas para actuacións de corrección de impactos paisaxísticos destinadas a concellos de Galicia.
1. As subvencións reguladas por estas bases teñen por obxecto a corrección de impactos paisaxísticos presentes tanto en edificios de titularidade municipal coma en certos equipamentos de titularidade municipal, ou ben os producidos por eles debido ao seu aspecto exterior, todo isto en congruencia cos valores paisaxísticos recollidos no Catálogo das paisaxes de Galicia e os obxectivos e criterios que expresan as Directrices de paisaxe de Galicia (código de procedemento MT402B) a través de dúas liñas de axuda.
2. As dúas liñas de axuda obxecto de subvención son as seguintes:
Liña I: edificios ou dependencias destinados á prestación dos servizos municipais. Para os efectos desta resolución, terán a consideración de edificio ou dependencia destinados á prestación dos servizos municipais aqueles relacionados co exercicio de calquera das competencias referidas no artigo 25 da Lei 7/1985, do 2 de abril, reguladora das bases do réxime local, ou cos servizos incluídos no artigo 26.1 da mesma lei.
a) Renovación do acabado exterior das fachadas (paramentos, carpintarías, cerrallarías) que supoñan un impacto paisaxístico como consecuencia da inexistencia dun adecuado acabado final, o deficiente estado de conservación ou a tonalidade e/ou a intensidade da actual cor de acabado.
Poderá empregarse calquera tipo de material de revestimento exterior, sempre que resulte acorde co carácter e o uso da edificación e ofreza un adecuado resultado estético.
b) Remate ou renovación do acabado exterior de cubertas que, ben por estaren rematadas con pranchas de fibrocemento ou outros materiais equivalentes, ben por atoparse nun deficiente estado de conservación, constitúen un impacto paisaxístico.
Para o novo acabado exterior das cubertas empregarase preferentemente tella cerámica ou lousa (en función do material tradicional da comarca), aínda que poden empregarse outros materiais e solucións acordes coa edificación e que ofrezan un adecuado resultado estético.
c) Revestimento ou renovación de muros de cerramento de predios que, por estaren realizados con ladrillo ou bloques de formigón sen revestir ou formigón armado, ou polo seu mal estado de conservación, constitúan un impacto paisaxístico.
Realizaranse preferentemente revestimentos de fábrica de pedra semellante á cachotaría tradicional, ben que poden realizarse outro tipo de solucións, en todo caso adaptadas aos criterios da Guía de boas prácticas de caracterización e integración paisaxística de valados; en particular, a substitución de muros opacos por solucións diáfanas ou sebes vexetais.
Liña II: equipamentos de titularidade municipal que se sinalan a continuación, que polo seu deficiente estado de conservación ou pola súa propia configuración se asocian co problema do feísmo e producen unha distorsión da paisaxe no contorno natural ou urbano onde se sitúan:
Fontes, lavadoiros públicos, palcos de música e hórreos.
Trátase, en todo caso, de actuacións de índole menor xa que non se cambiará o seu uso nin se aumentará o volume dos elementos estruturais que os compoñen.
Establécense as seguintes indicacións para definir as actuacións subvencionables nesta liña de axudas:
2.1. Fontes:
– Acondicionar, rehabilitar ou substituír parcial ou totalmente (de ser o caso) aqueles elementos tradicionais que forman parte das fontes polo seu estado de deterioración ou por xerar un impacto na paisaxe do seu arredor.
– Traballos de corrección de xeometrías, substitución ou reforma das estruturas de soporte o das cubertas (de ser caso), respectando a arquitectura tradicional coa intención de conseguir unha integración paisaxística coas máximas garantías.
Indícanse a continuación, algunhas das operacións básicas habituais que é necesario emprender, sen prexuízo daquelas que se poidan considerar necesarias ou axeitadas dependendo dos elementos que se vaian restaurar:
• Limpeza con auga a baixa presión e manual.
• Picado e descarnado de xuntas en mal estado.
• Emprego de morteiros tradicionais a base de cal.
• Repaso de xuntas en cores acordes ao elemento tradicional ou recomendados en restauracións similares.
• Selaxe daquelas xuntas que precisan a estanquidade de depósitos e canles.
• Os elementos de fixación ou ancoraxes serán non oxidables, como poden ser aceiro inoxidable ou o bronce, mesmo corpos de carbono, co obxecto de evitar as roturas por expansión do elemento metálico oxidado.
• A ancoraxe das pezas de aceiro ou bronce á pedra farase mediante chumbo fundido. No caso de tratarse de pezas metálicas exteriores ornamentais deterioradas polo óxido, aplicaranse inhibidores de óxido, e protexeranse posteriormente.
• Novas cubertas (de ser o caso).
• Substitución ou reparacións de elementos concretos (canos, cornixas, empedrados, laxas, etc.).
• Mellora das contornas, limpezas e eliminación de biomasas que ocupan as fontes na súa propia situación (non se prevén os seus accesos).
2.2. Lavadoiros públicos:
– Acondicionar, rehabilitar ou substituír parcial ou totalmente (de ser o caso) aqueles elementos tradicionais que forman parte dos lavadoiros públicos polo seu estado de deterioración ou por xerar un impacto na paisaxe do seu arredor.
– Traballos de corrección de xeometrías, substitución ou reforma das estruturas de soporte o das cubertas (de ser o caso), respectando a arquitectura tradicional coa intención de conseguir unha integración paisaxística coas máximas garantías.
Indícanse a continuación, algunhas das operacións básicas habituais que é necesario emprender, sen prexuízo das que se poidan considerar necesarias ou axeitadas dependendo dos elementos que se vaian restaurar:
• Limpeza con auga a baixa presión e manual.
• Picado e descarnado de xuntas en mal estado.
• Emprego de morteiros tradicionais a base de cal.
• Repaso de xuntas en cores acordes ao elemento tradicional ou recomendados en restauracións similares.
• Selaxe daquelas xuntas que precisan a estanquidade dos depósitos e canles de chegada e saída.
• Os materiais pétreos non se hidrofugarán nin se consolidarán con produtos sintéticos de ningunha clase.
• Os elementos de fixación ou ancoraxes serán non oxidables, como poden ser aceiro inoxidable ou o bronce, mesmo corpos de carbono, co obxecto de evitar as roturas por expansión do elemento metálico oxidado.
• A ancoraxe das pezas de aceiro ou bronce á pedra farase mediante chumbo fundido. No caso de tratarse de pezas metálicas exteriores ornamentais deterioradas polo óxido, aplicaranse inhibidores de óxido, e protexeranse posteriormente.
• Novas cubertas (de ser o caso).
• Substitución ou reparacións de elementos concretos (canos, cornixas, empedrados, laxas, etc.).
• Mellora das contornas, limpezas e eliminación de biomasas que ocupan os lavadoiros na súa propia situación (non se prevén os seus accesos).
2.3. Palcos ou quioscos de música:
– Acondicionar, rehabilitar ou substituír parcial ou totalmente (de ser o caso) aqueles elementos tradicionais que forman parte dos palcos ou quioscos de música polo seu estado de deterioración ou por xerar un impacto na paisaxe do seu arredor.
– Traballos de corrección de xeometrías, substitución de chans, piares, vigas e cubertas que estean en mal estado o con fallos estruturais que poñan en risco aos usuarios.
– Pódese considerar o cambio ou a eliminación daqueles elementos ornamentais que non sexan axeitados ou que incidan nun impacto na paisaxe.
Indícanse a continuación algunhas das operacións básicas habituais que é necesario emprender, sen prexuízo das que se poidan considerar necesarias ou axeitadas dependendo dos elementos que se vaian restaurar:
• Picado e descarnado de xuntas en mal estado.
• Repaso de xuntas en cores acordes co elemento tradicional ou recomendados en restauracións similares.
• Selaxe daquelas xuntas en pedra, metal, madeira ou similar que comprometan a seguridade dos elementos de soporte.
• Os materiais pétreos non se hidrofugarán nin se consolidarán con produtos sintéticos de ningunha clase.
2.4. Hórreos públicos:
– Acondicionar, rehabilitar ou substituír parcial ou totalmente (de ser o caso) aqueles elementos tradicionais que forman parte dos hórreos, polo seu estado de deterioración ou por xerar un impacto na paisaxe do seu arredor e que se indican a continuación.
– Só se poderá actuar nos elementos seguintes dos hórreos públicos:
Portas, cubertas, balagustes ou doelas que estean en mal estado o con fallos estruturais ou roturas.
Pódese considerar o cambio ou a eliminación daqueles elementos ornamentais que non sexan axeitados ou que incidan nun impacto na paisaxe.
Indícanse a continuación algunhas das operacións básicas habituais que é necesario emprender, sen prexuízo das que se poidan considerar necesarias ou axeitadas dependendo dos elementos que se vaian restaurar:
• Aproveitarase toda a madeira posible empregando as técnicas e métodos tradicionais; excepcionalmente, poderanse substituír elementos irrecuperables polo seu estado. No caso de substitución, deberá ser co mesmo tipo de madeira que nas pezas orixinais.
• Protexerase a madeira cun produto insecticida e funxicida. A pintura e a súa cor serán como a existente na zona e, de ser o caso, a recomendada na Guía de cores e materiais de Galicia. As súas características permitirán a transpiración da madeira, polo que se empregará pintura de poro aberto (lasures). Non se empregarán nin vernices nin pinturas plásticas, e achegarase proba mediante ficha técnica da pintura e a súa porosidade.
• As pezas de tella ou de lousa recuperaranse na medida do posible e a súa renovación farase co xeito tradicional empregado neste tipo de construción, con corte irregular e métodos artesanais e as mesmas medidas.
• Non se disporán pranchas de fibrocemento baixo as tellas; estas deberanse dispor sobre o entaboado de madeira e, de ser necesario, disporase algún tipo de protección sobre este, xa sexa cunha imprimación ou mediante a colocación dunha lámina transpirable.
• No caso de que o hórreo presente restos ou bloques de cerámica ou formigón na parte que corresponde ás doelas ou balagustes poderán acceder ás axudas, con xustificación de tal circunstancia.
3. Todas as actuacións deberán aplicar os criterios e recomendacións da Guía de cor e materiais de Galicia das doce grandes áreas paisaxísticas de Galicia, ademais de axustarse ás condicións que veñan impostas pola normativa municipal e sectorial aplicable.
Concellos de Galicia.
1. Poderán ser beneficiarios desta subvención aqueles concellos de Galicia, de forma individual, que reúnan os seguintes requisitos:
a) Que teñan menos de 20.000 habitantes, de acordo coas cifras oficiais do padrón municipal de habitantes en data 1 de xaneiro de 2020, publicadas polo Instituto Galego de Estatística.
b) Ter remitido as contas do concello correspondentes ao exercicio orzamentario de 2019 ao Consello de Contas . Este requisito deberá estar cumprido antes do remate do prazo de presentación de solicitudes.
2. As solicitudes presentadas deberán cumprir os seguintes requisitos:
a) Cada concello poderá presentar unha solicitude, na cal poderá solicitar unha axuda por cada unha das liñas existentes.
b) Dentro da liña II, unicamente se poderá solicitar unha das actuacións previstas.
O orzamento total da solicitude é o resultado da suma dos orzamentos parciais das liñas solicitadas que o integran, incluído o imposto sobre o valor engadido.
c) O concello debe ter a plena dispoñibilidade sobre os terreos ou predios en que se pretende realizar as actuacións.
Este requisito deberá estar cumprido antes do remate do prazo de presentación de solicitudes e acreditarase mediante a certificación emitida pola Secretaría do concello solicitante no modelo do anexo II.
d) De seren necesarias para levar a cabo a actuación para a cal se solicita a subvención, deberase contar coas autorizacións ou licenzas urbanísticas ou sectoriais que resulten preceptivas, tanto das entidades locais como por parte doutros organismos ou administracións públicas. Para estes efectos, o cumprimento do dito requisito acreditarase na fase de xustificación.
e) Que existe acordo do concello polo cal se solicita a subvención para as obras ou actuacións concretas que se pretenden executar ao abeiro desta resolución con base no proxecto ou memoria valorado presentado, e se aceptan expresamente as condicións de financiamento e demais requisitos establecidos nela.
3. O incumprimento de calquera das condicións ou requisitos establecidos neste punto na data en que remate o prazo de presentación de solicitudes constituirá causa de inadmisión da solicitude, sen prexuízo de calquera outra que poida derivar da normativa aplicable.
Xunta de Galicia
Consellería de Medio Ambiente e Cambio Climático
Instituto de Estudos do Territorio (IET)
SAN LÁZARO
15703 Santiago de Compostela (Coruña, A)
Teléfono: 981541768 / 981541798
Email: secretaria.iet@xunta.gal
REAG
Instituto de Estudos do Territorio (IET)
Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia (DOG nº 214 do 5 de novembro de 1999).
Corrección de erros.-Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia (DOG nº 218 do 11 de novembro de 1999).
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia (DOG nº 20 do 29 de xaneiro de 2009).
Corrección de erros. Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia (DOG nº 61 do 30 de marzo de 2009).
Lei 3/2009, do 23 de xuño, pola que se modifica o texto refundido da Lei de réxime financeiro e orzamentario de Galicia, aprobado polo Decreto lexislativo 1/1999, do 7 de outubro (DOG nº 126 do 30 de xuño de 2009).
Decreto 193/2011, do 6 de outubro, polo que se regulan especialidades nas subvencións ás entidades locais galegas (DOG nº 201 do 20 de outubro de 2011).
Resolución do 3 de setembro de 2021 pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021 (DOG nº 175 do 10 de setembro de 2021).
Extracto da Resolución do 3 de setembro de 2021 pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021 (DOG nº 175 do 10 de setembro de 2021).
Corrección de erros. Resolución do 3 de setembro de 2021 pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021 (DOG nº 177 do 14 de setembro de 2021).
Resolución do 28 de outubro de 2021 pola que se dá publicidade do esgotamento de crédito da convocatoria efectuada pola Resolución do 3 de setembro de 2021 pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021 (DOG nº 216 do 10 de novembro de 2021).
Resolución do 9 de decembro de 2021 pola que se dá publicidade da relación das axudas concedidas a concellos ao abeiro da Resolución do 3 de setembro de 2021 pola que se aproban as bases reguladoras para a concesión das axudas para actuacións de corrección de impactos paisaxísticos destinadas a concellos de Galicia, xestionadas por este instituto, e se establece a súa convocatoria en réxime de concorrencia non competitiva para o ano 2021 (DOG nº 247 do 27 de decembro de 2021).
Lei 38/2003, do 17 de novembro, xeral de subvencións (BOE nº 276 do 18 de novembro de 2003).
Real Decreto 887/2006, do 21 de xullo, polo que se aproba o Regulamento da Lei 38/2003, de 17 de novembro, Xeral de Subvencións (BOE nº 176 do 25 de xullo de 2006).
Corrección de erros do Real Decreto 887/2006, do 21 de xullo, polo que se aproba o Regulamento da Lei 38/2003, do 17 de novembro, xeral de subvencións (BOE nº 270 do 11 de novembro de 2006).
Lei 9/2007, do 13 de xuño, de subvencións de Galicia (BOE nº 171 do 18 de xullo de 2007).
Lei 39/2015, da 1 de outubro, do Procedemento Administrativo Común das Administracións Públicas (BOE nº 236 do 2 de outubro de 2015).
Prazo de presentación: PECHADO
11/09/2021 00:00 - 11/10/2021 23:59
O prazo de presentación de solicitudes será dun (1) mes contado a partir do día seguinte ao da publicación desta resolución no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte e, se no mes de vencemento non hai día equivalente ao da publicación, entenderase que o prazo expira o último día do mes.
Solicitudes .
1. As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia, https://sede.xunta.gal
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.
2. Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
3. No caso de que algún dos documentos que se van presentar de forma electrónica supere os tamaños máximos establecidos pola sede electrónica ou teña un formato non admitido pola sede electrónica da Xunta de Galicia, permitirase a presentación deste de forma presencial dentro dos prazos previstos e na forma indicada no parágrafo anterior. A información actualizada sobre o tamaño máximo e os formatos admitidos pode consultarse na sede electrónica da Xunta de Galicia.
4. Para os efectos da concesión das axudas, terase en conta a orde cronolóxica de entrada das solicitudes na sede electrónica da Xunta de Galicia ata que se esgote o orzamento da convocatoria. Considerarase data de presentación válida aquela en que o expediente sexa presentado completo e conste nel a solicitude, correctamente cuberta, e toda a documentación exixida na presente resolución. Así mesmo, considerarase esgotado o orzamento cando se efectúe o rexistro da última solicitude de axuda que totalice o importe total do crédito desta convocatoria. Nese caso, e sempre antes da data máxima sinalada neste punto, poderán seguirse rexistrando solicitudes en lista de reserva provisional, as cales serán atendidas por rigorosa orde de entrada, supeditadas a que se produzan desestimacións ou revogacións das solicitudes de axuda previas.
Non serán admitidas a trámite, en ningún caso, as solicitudes presentadas fóra do prazo e de forma distinta ao que se establece nesta resolución.
5. A presentación da solicitude leva consigo a aceptación por parte de quen as formule dos termos desta convocatoria.
Trámites administrativos posteriores á presentación da solicitude e documentación complementaria necesaria para a tramitación do procedemento .
1. Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.
2. A documentación complementaria deberá presentarse electronicamente.
Se algunha das persoas interesadas presenta a documentación complementaria presencialmente, será requirida para que a emende a través da súa presentación electrónica. Para estes efectos, considerarase como data de presentación aquela en que fose realizada a emenda.
As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o exixa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.
3. Sempre que se realice a presentación de documentos separadamente da solicitude, deberase indicar o código e o órgano responsable do procedemento, o número de rexistro de entrada da solicitude e o número de expediente, se se dispón del.
4. Os concellos interesados deberán achegar co anexo I de solicitude, debidamente cuberto, a seguinte documentación:
a) Declaración responsable asinada electronicamente pola persoa representante do concello solicitante, incluída no anexo I desta resolución, na cal se fai constar:
1) O conxunto de todas as axudas solicitadas ou concedidas, para as mesmas actuacións solicitadas ao abeiro desta resolución, das distintas administracións públicas competentes ou outros entes públicos e o compromiso de comunicar decontado cantas axudas solicite e/ou obteña doutras administracións públicas ou doutros entes públicos ou privados, nacionais ou internacionais, a partir da data desta declaración.
2) Que o concello non está incurso en ningunha das prohibicións establecidas no artigo 10, números 2 e 3, da Lei 9/2007, do 13 de xuño, de subvencións de Galicia, para obter a condición de beneficiario dunha subvención.
Para os efectos do previsto no artigo 11.e) e concordantes da Lei de subvencións de Galicia, esta declaración será documento suficiente para acreditar que o concello está ao día nas súas obrigas tributarias e fronte á Seguridade Social e que non ten pendente de pagamento ningunha outra débeda coa Administración pública da Comunidade Autónoma e que non é debedor por resolución de procedemento de reintegro.
3) Que todos os datos contidos na solicitude, incluídos os relativos á conta bancaria en que se realizará o pagamento da subvención, de ser o caso, e nos documentos que se achegan son certos.
4) Non estar incursa en ningunha das circunstancias previstas no artigo 13 da Lei 38/2003, do 17 de novembro, xeral de subvencións.
5) Que cumprirá a normativa estatal e autonómica de aplicación, en particular, a normativa en materia de subvencións, cando proceda.
6) Que se compromete a cumprir as obrigas e os requisitos que se sinalan nas bases reguladoras.
7) Que as actuacións para as cales se solicita a subvención teñen a consideración de gastos subvencionables e non estaban iniciadas con anterioridade á publicación da convocatoria destas axudas.
8) Que no caso de que sexa preceptivo, se compromete, de non contar con elas, a solicitar as autorizacións ou licenzas urbanísticas ou sectoriais tanto municipais como doutros organismos ou administracións públicas que resulten preceptivas para a execución da actuación prevista.
9) Que os materiais e acabados propostos son conformes coas indicacións que se recollen nas guías a que se fai referencia no punto 2º.
b) Certificación emitida e asinada electronicamente pola persoa secretaria do concello solicitante no modelo do anexo II, na cal se faga constar:
1) O acordo do concello polo cal se solicita a subvención para as obras concretas que se pretenden executar ao abeiro desta resolución e se aceptan as condicións de financiamento e demais requisitos establecidos nela, ao cal fai referencia o punto 3.2.d) desta resolución.
No referido acordo deberá constar expresamente que se aceptan as condicións de financiamento e demais requisitos establecidos na resolución, e o acordo deberá estar adoptado antes do vencemento do prazo de presentación de solicitudes.
2) A remisión das contas do concello ao Consello de Contas de Galicia, correspondentes ao exercicio orzamentario de 2020, á cal fai referencia o punto 3.1.b) desta resolución.
No certificado quedará acreditado que a remisión das contas ao Consello de Contas se efectuou antes do vencemento do prazo de presentación de solicitudes, polo que se consignará a data de remisión ao Consello de Contas e non se admitirán aquelas en que non se faga constar a data de remisión.
3) A plena dispoñibilidade do concello sobre os terreos e predios en que se van desenvolver as actuacións. Deberá quedar acreditado que o concello, antes do vencemento do prazo de presentación de solicitudes, xa ten a dispoñibilidade sobre eles, nos termos establecidos no segundo parágrafo do punto 3.2.c) desta resolución.
4) Dereitos recoñecidos netos (capítulos I, II e III do estado de ingresos) do orzamento liquidado da entidade do ano 2020, para o cálculo do esforzo fiscal do concello.
c) Memoria xustificativa da necesidade das obras ou equipamentos para os cales se solicita a subvención, asinada electronicamente pola persoa representante da entidade local.
d) Ademais da documentación indicada nos puntos anteriores, nas solicitudes de subvención para obras deberá achegarse un documento co nivel de proxecto ou memoria valorada da obra que se vai realizar, asinado electronicamente polo técnico ou pola técnica que o redacte, co seguinte contido mínimo:
1) Memoria explicativa.
2) Orzamento das partidas, con indicación das unidades e prezos de cada unha. En ningún caso se admitirán orzamentos a tanto global (partidas alzadas ou similares).
3) Referencia catastral e/ou planos de situación/coordenadas que permitan xeolocalizar con exactitude os edificios e equipamentos obxecto das axudas.
4) Planos a escala e detalle suficientes para describir as actuacións.
5) Reportaxe fotográfica do ben e da súa contorna onde se aprecia o estado actual que presenta.
Comprobación de datos .
Para tramitar este procedemento consultaranse automaticamente os datos incluídos nos seguintes documentos elaborados polas administracións públicas:
– DNI/NIE da persoa representante.
– Consulta de inhabilitacións para obter subvencións e axudas.
– Consulta de concesións de subvencións e axudas.
– Certificado de estar ao día no pagamento coa Xunta de Galicia para percibir axudas ou subvencións das administracións públicas.
– Certificado de estar ao día no pagamento coa Seguridade Social.
– Certificado de estar ao día no pagamento de obrigas tributarias coa Atriga.
– Certificado de estar ao día no pagamento de obrigas tributarias coa AEAT.
No caso de que as persoas interesadas se opoñan a esta consulta, deberán indicalo no recadro correspondente habilitado no formulario de inicio e achegar os documentos correspondentes.
Cando así o exixa a normativa aplicable, solicitarase o consentimento expreso da persoa interesada para realizar a consulta.
Excepcionalmente, no caso de que algunha circunstancia imposibilite a obtención dos citados datos, poderáselles solicitar ás persoas interesadas a presentación dos documentos correspondentes.
Máis información
Localice o procedemento ou servizo na guía de procedementos e servizos, consulte a información do trámite e revise a documentación obrigatoria para presentar a solicitude que figura na pestana "Presentación" no apartado "Documentación para a presentación".
No apartado "Anexos asociados" ten dispoñibles modelos en formato PDF para aqueles documentos para os que se precisan. Se os necesita:
- Primeiro descargue no seu equipo os modelos PDF (asegúrese de que están descargados, non abertos no navegador).
- A continuación cubra os modelos. Se algunha táboa ten filas e non son suficientes pode engadilas nese documento descargado.
- Por último garde ou imprima en versión PDF un arquivo electrónico de cada modelo cuberto.
- Asine o documento, se así se require.
- Para finalizar anexe o modelo ou modelos en PDF na súa presentación.
No caso de que o procedemento non figure na guía, poderá empregar a solicitude xenérica.
Prema en "Tramitar en liña" para iniciar o trámite electrónico.
Identifíquese empregando un certificado electrónico ou Chave365.
Agora xa está dentro do seu espazo persoal "A miña sede".
Cubra o formulario e lembre que pode gardalo para recuperalo máis adiante desde o apartado "Os meus borradores" de "A miña sede".
Cando o teña cuberto, prema en "Continuar".
Anexe a documentación que queira presentar xunto co formulario. Inclúa os modelos cubertos no paso 1.
Pode consultar como enviar ficheiros que non teñen o tamaño ou o formato aceptados por esta sede.
Asine o formulario e a documentación que quere entregar.
Pode facelo cun certificado electrónico empregando a aplicación Autofirma ou, se emprega Chave365, coa clave de sinatura que recibirá no seu móbil.
Descargue o xustificante da presentación.
Poderá tamén acceder a este documento desde o apartado "Os meus expedientes" de "A miña sede".
Consulte como proceder cos documentos de gran tamaño e en distintos formatos
Revise a documentación obrigatoria para o trámite que vai realizar na ficha do procedemento na Guía de procedementos e servizos.
Lembre que este servizo soamente estará disponible desde o espazo "A miña sede" da sede electrónica e naqueles procedementos que teñan habilitados trámites electrónicos posteriores á solicitude cando así o estableza a súa norma reguladora.
Prepare os arquivos electrónicos necesarios e comprobe que utiliza formatos compatibles coa sede: .bmp, .ce3, .cex, .csv, .cte, .dbf, .doc, .docx, .dwg, .dxfn, .gpx, .hexhash, .inp, .jpg, .kml, .kmz, .ods, .odt, .pd2, .pdf, .pdl, .png, .prj, .shp, .shx, .tgd, .tiff, .txt, .xls, .xlsx, .xml, .xsig, .mp4, .avi, .mov e .wmv
O tamaño máximo do conxunto de documentos achegados a unha presentación en esta sede é de 100 MB, e non se admiten arquivos comprimidos.
Comprobe o tamaño total do conxunto de documentos que precisa achegar:
- Se é inferior a 100 MB pode achegar todos os documentos á solicitude
- Se é superior a 100 MB separe os arquivos de máis de 100 MB, agrupe o resto en subconxuntos de documentos que non superen os 100 MB e proceda segundo os seguintes pasos
- Presente a solicitude achegando un subconxunto de documentos de menos de 100 MB.
- Repita o trámite de achega de documentación separada da solicitude para cada un dos subconxuntos restantes de documentos, seguindo estes pasos:
- Unha vez finalizada a presentación acceda ao apartado "Os meus expedientes" de "A miña sede", seleccione o expediente da solicitude que acaba de realizar, pulse na opción "Accións" e seleccione "Achega de documentación separada da solicitude".
- Cubra o formulario e pulse en "continuar"
- Achegue o seguinte subconxunto de documentos
- Asine e complete a achega de documentación separada
- Repita este proceso para cada subconxunto de documentos de menos de 100 MB
Se algún arquivo supera individualmente os 100 MB:
- Proceda segundo se explica nos pasos anteriores para o resto de arquivos
- Descargue no seu equipo o modelo xenérico para a achega de documentación separada
- Cubra o modelo, indicando o expediente ou número de rexistro de entrada da solicitude electrónica realizada e a unidade responsable do procedemento
- Imprima o modelo e presénteo de forma presencial, xunto coa documentación en formato físico -CD, DVD, USB-, en calquera das oficinas de rexistro
Prazo de resolución:
Un mes
Sentido do silencio:
Negativo
Máis información
Consulte como responder a un requirimento de emenda de documentación
Revise a documentación obrigatoria para o trámite que vai realizar na ficha do procedemento na Guía de procedementos e servizos. Na pestana "Presentación", no apartado "Documentación para a presentación" figura o listado de documentos requiridos para a presentación. No apartado "Anexos asociados" ten dispoñibles os modelos en formato .pdf para aqueles documentos para os que se precisan.
Descargue no seu equipo os modelos que deba presentar e cúbraos. Garde ou imprima a un arquivo electrónico cada modelo cuberto para anexalo posteriormente na presentación.
Acceda ao seu espazo persoal "A miña sede". Identifíquese empregando un certificado electrónico ou Chave365. Busque o expediente relacionado co requirimento e seleccione no menú "Acción" da dereita a opción "Emenda ao requirimento".
* No caso de que o expediente non apareza no seu espazo persoal, ou a opción "Emenda ao requirimento" non estivese dispoñible para ese expediente, poderá realizar electronicamente a emenda utilizando a solicitude xenérica.
Cubra o formulario indicando os datos ou documentos achegados para a emenda.
Anexe os documentos que queira presentar. Inclúa os modelos cubertos no paso 1.
Asine o formulario e os documentos que vai entregar para a emenda.
Pode facelo con certificado electrónico utilizando a aplicación Autofirma ou, se emprega Chave365, coa clave de sinatura que recibirá nunha mensaxe no seu móbil.
Descargue o xustificante de presentación da emenda.
Poderá acceder en calquera momento aos seus xustificantes electrónicos desde o seu espazo persoal "A miña sede".
Coñeza como achegar documentación xustificativa a un expediente en curso
Revise a documentación obrigatoria para o trámite que vai realizar na ficha do procedemento na Guía de procedementos e servizos.
Na pestana "Despois da presentación", no apartado "Xustificación" figura o listado de documentos requiridos para a xustificación. No apartado "Anexos asociados" ten dispoñibles os modelos en formato .pdf para aqueles documentos para os que se precisan.
Descargue no seu equipo os modelos que deba presentar e cúbraos.
Garde ou imprima a un arquivo electrónico cada modelo cuberto para anexalo posteriormente na presentación.
Acceda ao seu espazo persoal "A miña sede".
Identifíquese empregando un certificado electrónico ou Chave365.
Busque o expediente para o que precisa achegar documentación xustificativa. No menú "Acción" que aparece á dereita seleccione a opción "Achega de documentación xustificativa".
* No caso de que o expediente non apareza no seu espazo persoal, ou a opción "Achega de documentación xustificativa" non estivese dispoñible para ese expediente, poderá realizar electronicamente a xustificación utilizando a solicitude xenérica.
Cubra o formulario.
Indique os documentos que achega para a xustificación.
Anexe os documentos que queira presentar para a xustificación. Inclúa os modelos cubertos no paso 1.
Asine o formulario e os documentos que vai entregar para a xustificación.
Pode facelo con certificado electrónico utilizando a aplicación Autofirma ou, se emprega Chave365, coa clave de sinatura que recibirá nunha mensaxe no seu móbil.
Descargue o xustificante de presentación da xustificación.
Poderá acceder en calquera momento aos seus xustificantes electrónicos desde o seu espazo persoal "A miña sede".
Todos os seus expedientes, presentacións e borradores en "A miña sede"
Para xestionar os seus expedientes o primeiro que debe facer é acceder o seu espazo persoal premendo en "A miña sede" e, a continuación, identificarse empregando calquera dos certificados admitidos nesta sede ou Chave365.
Poderá ver na súa bandexa de entrada os seus últimos expedientes, presentacións e borradores.
Verá en pantalla información detallada de cada expediente ou presentación (número de expediente/rexistro, código e nome do procedemento etc.).
Se desexa ver todos os seus expedientes e presentacións, prema no botón "Ver todos/Buscar".
Ao acceder á pantalla de busca, pode buscar expedientes ou borradores por distintos criterios ou localizalos directamente se coñece o código de acceso.
Poderá realizar accións concretas sobre un expediente (achegar documentación adicional, mellorar unha solicitude, modificar os seus datos de notificación etc.) desde:
- A bandexa de entrada dos seus últimos expedientes, presentacións e borradores, premendo o botón "Acción" da columna "Que podo facer?"
- O detalle do expediente electrónico, premendo directamente nas accións dispoñibles da columna "Que podo facer?"
Outras convocatorias ou publicacións
Procedementos e servizos relacionados
Relación de achegas de produtos do tratamento de lodos de depuradora (PTLD) sobre unha parcela no último trimestre
Inscrición ou modificación no Rexistro de Cartografía de Galicia.
Concesión do distintivo Bandeira Verde de Galicia.
Programa de axudas para actuacións de corrección de impactos paisaxísticos destinadas a particulares.