Orientámolo/a, paso a paso, para presentar unha solicitude no rexistro electrónico
SA701C - Inicio de actividade, cese de actividade e modificación da actividade de formación do persoal encargado da realización de operacións de mantemento hixiénico-sanitario de: instalacións susceptibles de propagar a lexionelose, prácticas de tatuaxe, micropigmentación, piercing e outra práctica de decoración persoal que implique a perforación da pel, mucosa ou tecidos, e aparellos de bronceado artificial mediante radiacións ultravioleta.
Aberto todo o ano Obxecto
1. O presente decreto ten por obxecto regular, no ámbito da Comunidade Autónoma de Galicia, a formación do persoal que realiza actividades de mantemento hixiénico-sanitario de instalacións susceptibles de propagar a lexionelose, do persoal que realiza prácticas de tatuaxe, micropigmentación e piercing así como calquera outra práctica de decoración corporal que implique a perforación da pel, mucosas ou tecidos, e do persoal operador de aparellos de bronceado artificial mediante radiacións ultravioleta.
2. En concreto, neste decreto se regula o réxime de declaración responsable das entidades de formación, os requisitos, responsabilidades e as obrigas destas, as condicións mínimas e o contido da formación así como a creación do rexistro de entidades de formación hixiénico-sanitaria.
Declaración responsable.
A presentación dunha declaración responsable por parte das entidades de formación permitirá a estas a organización e impartición da formación desde o día da súa presentación, sen prexuízo das facultades administrativas de comprobación, control e inspección.
A quen vai dirixido?
Entidades formadoras.
Requisitos
As entidades que se dediquen á formación do persoal que realice as operacións a que se refire este decreto, deberán dispoñer cos espazos propios ou cedidos necesarios para o desenvolvemento das accións formativas, ademais de dispoñer cun programa de formación e cos recursos materiais e humanos axeitados para impartir os contidos previstos, así como cun sistema que posibilite a actualización constante do persoal docente en relación cos avances científicos e técnicos propios de cada sector.
A onde acudir
Xunta de Galicia
Consellería de Sanidade
Dirección Xeral de Saúde Pública
Subdirección Xeral de Programas de Control de Riscos Ambientais para a Saúde
Servizo de Sanidade Ambiental
Edificio Administrativo San Lazaro
15781 Santiago de Compostela (Coruña, A)
Teléfono: 881542969
Email: servizo.sanidade.ambiental@sergas.es
Órgano responsable
Dirección Xeral de Saúde Pública
Normativa
Ámbito Autonómico
Decreto 51/2018, do 22 de marzo, polo que se regula a formación do persoal que realiza actividades de mantemento hixiénico-sanitario de instalacións susceptibles de propagar a lexionelose, do persoal que realiza prácticas de tatuaxe, micropigmentación e piercing, así como calquera outra práctica de decoración corporal que implique a perforación da pel, mucosas ou tecidos, e do persoal operador de aparellos de bronceado artificial mediante radiacións ultravioleta (DOG nº 100 do 28 de maio de 2018).
Prazo
Prazo de presentación: Aberto todo o ano
Este decreto entrará en vigor aos vinte días da súa publicación no Diario Oficial de Galicia e o prazo de presentación de solicitudes comezará o día 25 de xuño de 2018.
Documentación para a presentación
-
Declaración segundo o Anexo I, acompañada da seguinte documentación:
-
No caso de modificación dos datos declarados, xustificante da devandita modificación.
-
Documento acreditativo da representación.
-
Cando a persoa declarante é unha persoa xurídica, copia certificada da súa constitución e certificación da súa inscrición no Rexistro Mercantil de ser o caso.
-
-
Comprobación de datos.
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán e achegar unha copia dos documentos.
-
NIF da entidade declarante.
-
DNI ou NIE da persoa declarante.
-
DNI ou NIE da persoa representante.
Procedementos e servizos relacionados
28/05/2024 00:00 - 27/06/2024 23:59 PL500E
Convocatoria de lectorados de lingua, literatura e cultura galegas.
22/05/2024 00:00 - 21/06/2024 23:59 PR770F
Bolsa de formación práctica en estudos relacionados co dereito administrativo.
23/01/2024 00:00 - 22/03/2024 23:59 SA304A
Premios de innovación en saúde.
Aberto todo o ano SA701D
Inicio de cursos para o personal encargado da realización de operacións de mantemento hixiénico-sanitario de: instalacións susceptibles de propagar a lexionelose, prácticas de tatuaxe, micropigmentación, piercing e outras prácticas de decoración persoal que impliquen a perforación da pel, mucosas ou tecidos, e manexo de aparellos de bronceado artificial mediante radiacións ultravioleta