Orientámolo/a, paso a paso, para presentar unha solicitude no rexistro electrónico
CT128A - Inscrición no Rexistro de Entidades de Promoción do Camiño de Santiago.
Aberto todo o ano Obxecto
O Rexistro de Entidades de Promoción do Camiño de Santiago ten a finalidade de levar a cabo actuacións conxuntas, facilitar información recíproca e calquera outra forma de colaboración no concernente ó Camiño.
A quen vai dirixido?
Poden inscribirse no rexistro aquelas entidades que teñan como finalidade, expresamente reflectida nos seus estatutos, a recuperación, conservación e promoción do Camiño de Santiago e a difusión da cultura derivada deste.
Requisitos
As entidades solicitantes deberán ter como finalidade, expresamente reflectida nos seus estatutos, a recuperación, conservación e promoción do Camiño de Santiago, así como a difusión da cultura derivada deste.
A onde acudir
Xunta de Galicia
Consellería de Cultura, Lingua e Xuventude
Dirección Xeral de Patrimonio Cultural
Subdirección Xeral de Protección do Patrimonio Cultural
San Caetano s/
15781 Santiago de Compostela (Coruña, A)
Teléfono: 981544010
Fax: 981544830
Órgano responsable
Subdirección Xeral de Protección do Patrimonio Cultural
Normativa
Ámbito Autonómico
Decreto 45/2001, do 1 de febreiro, de refundición da normativa en materia do Camiño de Santiago (DOG nº 36, do 20 de febreiro de 2001)
Decreto 209/2002, do 13 de xuño, polo que se modifica o Decreto 45/2001, do 1 de febreiro, de refundición da normativa en materia do Camiño de Santiago (DOG nº 121 do 25 de xuño de 2001).
Corrección de erros.-Decreto 209/2002, do 13 de xuño, polo que se modifica o Decreto 45/2001, do 1 de febreiro, de refundición da normativa en materia do Camiño de Santiago (DOG nº 129 do 5 de xullo 2002).
Orde do 22 de setembro de 2016 pola que se adaptan e habilitan electronicamente os procedementos administrativos de prazo aberto da Consellería de Cultura, Educación e Ordenación Universitaria (DOG nº 185 do 28 de setembro de 2016).
Resolución do 4 de xuño de 2024, da Dirección Xeral de Patrimonio Cultural, pola que se inscribe a Asociación Uruguaya de Amigos del Camino de Santiago no Rexistro de Entidades de Promoción do Camiño de Santiago (DOG nº 114 do 13 de xuño de 2024).
Prazo
Prazo de presentación: Aberto todo o ano
Esta orde entrará en vigor aos vinte días naturais da súa publicación no Diario Oficial de Galicia e o prazo de presentación de solicitudes comezará o día 18 de outubro de 2016.
Documentación para a presentación
-
Solicitude segundo o Anexo I.
-
Memoria xustificativa das actividades desenvolvidas nos últimos anos e proxecto de actividades inminentes no futuro.
-
Escritura de constitución e estatutos nos que deberá acreditarse a finalidade descrita no artigo 23 do Decreto 45/2001, do 1 de febreiro: para a súa inscrición no Rexistro, as entidades solicitantes deberán ter como finalidade, prioritariamente reflectida nos seus estatutos, a recuperación, a conservación e a promoción do Camiño de Santiago, así como a difusión da cultura derivada del.
-
Composición do órgano de dirección da entidade solicitante no anexo II.
-
Declaración de Rexime económico e financiamento.
-
Certificado de inscrición no rexistro ou rexistros correspondentes estatais o internacionais. No caso de que a entidade solicitante sexa estranxeira, deberá acreditar a súa inscrición ou visado polo organismo competente no seu Estado.
Resolución
Prazo de resolución: 30 días
Sentido do silencio: Non especificado
Procedementos e servizos relacionados
Aberto todo o ano BS314A
Declaración responsable de inicio da actividade, prestación de servizos de actividades ao aire libre .
Aberto todo o ano CT128B
Cancelación da inscrición no Rexistro de Entidades de Promoción do Camiño de Santiago.
