Orientámolo/a, paso a paso, para presentar unha solicitude no rexistro electrónico
MR433B - Declaración anual de cultivos.
Aberto todo o ano Obxecto
Regular o procedemento para a presentación das declaracións anuais dos operadores recollidas no artigo 10 do Real Decreto 1054/2021, do 30 de novembro: Declaración anual de vexetais, produtos vexetais e materiais de reprodución (DAVPVMR) e Declaración de cultivo (DC).
A quen vai dirixido?
Operadores profesionais inscritos no Rexistro de operadores profesionais de Vexetais (ROPVEG), con sede ou instalacións na Comunidade Autónoma de Galicia.
Requisitos
Para poder presentar a Declaración anual de cultivos é necesario que os operadores estean inscritos no ROPVEG, e segundo a actividade que desenvolvan presentarán:
Declaración de cultivo (DC): Deberán presentala os produtores anualmente no prazo que corresponda para cada grupo de cultivo.
Declaración anual de vexetais, produtos vexetais e materiais de reprodución (DAVPVMR): Deberán presentala todos os operadores profesionais das clases produtor, comerciante, e doutras clases que teñan a obriga de expedir pasaporte fitosanitario.
A onde acudir
Xunta de Galicia
Consellería do Medio Rural
Dirección Xeral de Gandaría, Agricultura e Industrias Agroalimentarias
Subdirección Xeral de Explotacións Agrarias
Servizo de Sanidade e Produción Vexetal
Rúa dos Irmandiños, s/n. Salgueiriños
15701 Santiago de Compostela (Coruña, A)
Teléfono: 881997443
Email: sxaexplotacions.mediorural@xunta.gal
Xunta de Galicia
Consellería do Medio Rural
Departamento Territorial da Consellería do Medio Rural da Coruña
Servizo de Explotacións Agrarias da Coruña
Rúa Vicente Ferrrer, nº 2
15008 Coruña, A (Coruña, A)
Teléfono: 981182259
Email: sea.medio-rural.coruna@xunta.gal
Xunta de Galicia
Consellería do Medio Rural
Departamento Territorial da Consellería do Medio Rural de Lugo
Servizo de Explotacións Agrarias de Lugo
Ronda da Murralla, nº 70
27071 Lugo (Lugo)
Teléfono: 982294459
Email: explotacionsagrarias.cmr.lugo@xunta.gal
Xunta de Galicia
Consellería do Medio Rural
Departamento Territorial da Consellería do Medio Rural de Ourense
Servizo de Explotacións Agrarias de Ourense
Rúa Florentino López Cuevillas, nº 4-6 baixo
32003 Ourense (Ourense)
Teléfono: 988386687
Email: sea.cmrm.ourense@xunta.gal
Xunta de Galicia
Consellería do Medio Rural
Departamento Territorial da Consellería do Medio Rural de Pontevedra
Servizo de Explotacións Agrarias de Pontevedra
Rúa Fernández Ladreda, nº 43-2º
36003 Pontevedra (Pontevedra)
Teléfono: 986805446
Email: explotacionsagrarias.cmr.pontevedra@xunta.gal
Órgano responsable
Dirección Xeral de Gandaría, Agricultura e Industrias Agroalimentarias
Normativa
Ámbito Autonómico
Orde do 22 de abril de 2015 do Vicepresidente e Conselleiro de Presidencia, Administracións Públicas e Xustiza, pola que se adaptan e incorporan á sede electrónica da Xunta de Galicia os procedementos administrativos de prazo aberto da Consellería do Medio Rural e do Mar (DOG nº 77 do 24 de abril de 2015).
Ámbito Estatal
Lei 43/2002, do 20 de novembro, de Sanidade Vexetal (BOE nº 279 do 21 de novembro de 2002).
Lei 30/2006, do 26 de xullo, de Sementes e Plantas de Viveiro e de Recursos Fitoxenéticos (BOE nº 178 do 27 de xullo de 2006).
Real Decreto 1054/2021, do 30 de novembro, polo que se establecen e regulan o Rexistro de operadores profesionais de vexetais, as medidas para cumprir polos operadores profesionais autorizados a expedir pasaportes fitosanitarios e as obrigacións dos operadores profesionais de material vexetal de reprodución, e modifícanse diversos reais decretos en materia de agricultura (BOE nº 300 do 16 de decembro de 2021)
Ámbito Europeo
Regulamento (UE) 2016/2031 do Parlamento e do Consello de 26 do outubro de 2016 relativo ás medidas de protección contra as pragas dos vexetais, polo que se modifican os Regulamentos (UE) n.o 228/2013, (UE) n.o 652/2014 y (UE) n.o 1143/2014 do Parlamento Europeo e do Consello e se derogan as Directivas 69/464/CEE, 74/647/CEE, 93/85/CEE, 98/57/CE, 2000/29/CE, 2006/91/CE y 2007/33/CE do Consello
Prazo
Prazo de presentación: Aberto todo o ano
Aberto todo o ano. (Ver datas das declaracións anuais de cultivo no apartado de Anexos asociados).
Documentación para a presentación
Solicitudes.
As solicitudes presentaranse obrigatoriamente por medios electrónicos a través do formulario normalizado (anexo I), dispoñible na sede electrónica da Xunta de Galicia, https://sede.xunta.gal
De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, será requirida para que a emende a través da súa presentación electrónica. Para estes efectos, considerarase como data de presentación da solicitude aquela en que sexa realizada a emenda.
Para a presentación electrónica poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
Trámites administrativos posteriores á presentación de solicitudes .
Todos os trámites administrativos que as persoas interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada, dispoñible na sede electrónica da Xunta de Galicia.
Comprobación de datos:
1. Para a tramitación deste procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña á súa consulta:
o DNI/NIE da persoa solicitante.
o DNI/NIE da persoa representante (se for o caso).
o NIF da entidade solicitante.
2. No caso de que as persoas interesadas se opoñan á consulta, deberán indicalo no recadro correspondente habilitado no formulario correspondente e achegar os documentos. Cando así o exixa a normativa aplicable solicitarase o consentimento expreso da persoa interesada para realizar a consulta.
3. Excepcionalmente, no caso de que algunha circunstancia imposibilitase a obtención dos citados datos poderase solicitar ás persoas interesadas a presentación dos documentos correspondentes.
Procedementos e servizos relacionados
Aberto todo o ano MR430A
Rexistro de operadores profesionais de vexetais (ROPVEG)
Aberto todo o ano MR433A
Aprobación do modelo de pasaporte fitosanitario.