Orientámolo/a, paso a paso, para presentar unha solicitude no rexistro electrónico
SA648A - Certificado técnico-sanitario de vehículos de transporte sanitario.
Aberto todo o ano Obxecto
O obxecto do presente decreto é regular :
a) O transporte sanitario terrestre que transcorra integramente no ámbito territorial da Comunidade Autónoma de Galicia.
b) As características técnicas, equipamento sanitario e dotación de persoal, dos vehículos de transporte sanitario por estrada.
c) As certificacións técnico-sanitarias dos vehículos de transporte sanitario por estrada.
d) Os requisitos mínimos de formación do persoal que preste servizos en vehículos de transporte sanitario.
e) O procedemento de expedición de certificacións nos supostos de habilitación por experiencia profesional acreditada.
f) O réxime xurídico do Rexistro de Transporte Sanitario.
Obrigatoriedade .
1. Os vehículos de transporte sanitario a que se refire o presente decreto deberán contar coa correspondente certificación técnico-sanitaria, expedida pola xefatura territorial da consellería competente en materia de sanidade, tendo en conta o lugar en que se domicilie a autorización de transporte sanitario na cal pretendan ampararse.
2. Para a expedición da citada certificación, os vehículos deberán reunir as características técnicas e as dotacións previstas neste decreto. As certificacións estarán referidas a un vehículo concreto, e deberán presentarse no momento da inspección do vehículo na entidade concesionaria da Inspección Técnica de Vehículos (ITV).
3. A citada certificación non exime nin substitúe a obtención doutras autorizacións ou permisos, para cuxo outorgamento sexan competentes outras consellerías da Xunta de Galicia, ou outras administracións, segundo o previsto na normativa vixente en materia de transporte.
Expedición das certificacións técnico-sanitarias .
1. As certificacións outorgadas documentaranse mediante a expedición dun certificado en que conste:
a) Titularidade e domicilio indicado no permiso de circulación do vehículo.
b) Matrícula.
c) Número de bastidor.
d) Clase e antigüidade do vehículo.
e) Data de expedición e renovación da certificación técnico-sanitaria.
2. A certificación técnico-sanitaria deberá ir, en todo momento, xunto coa documentación do vehículo.
3. O órgano concedente remitirá copia das certificacións técnico-sanitarias expedidas ao Rexistro de Transporte Sanitario.
Vixencia e renovación .
1. As certificacións técnico-sanitarias outorgaranse por un prazo de duración de dous anos para vehículos novos e anual a partires do segundo ano de antigüidade, ata os 10 anos que fixa como antigüidade máxima o artigo 32.a) da Orde PRE/1435/2013, do 23 de xullo, que desenvolve o Regulamento da Lei de ordenación dos transportes terrestres en materia de transporte sanitario por estrada.
2. Con independencia da duración da certificación, o órgano competente para o seu outorgamento poderá, cando o considere oportuno, comprobar o cumprimento das condicións que o xustificaron e proceder ás inspeccións pertinentes.
3. Os/as titulares de vehículos de transporte sanitario deberán solicitar a renovación da certificación técnico-sanitaria correspondente a cada un destes con, polo menos, un mes de antelación ao remate do prazo de vixencia da anterior; para tal efecto presentará a documentación prevista para a solicitude de outorgamento da certificación.
A renovación poderase solicitar mentres o vehículo non cumpra o prazo de antigüidade máxima indicado no parágrafo 1 do artigo 12 deste decreto.
4. De non solicitarse a renovación en prazo, a certificación perderá a súa validez.
A quen vai dirixido?
Os propietarios de vehículo destinado a realizar desprazamentos de persoas enfermas, accidentadas, ou por outra razón sanitaria.
Requisitos
Para a obtención da certificación técnico-sanitaria será necesario acreditar o cumprimento dos seguintes requisitos :
a) O vehículo deberá estar matriculado e habilitado para circular e non poderá superar a antigüidade de 10 anos, contados desde a súa primeira matriculación.
b) Deberá estar vixente a última inspección técnica periódica que, segundo as normas vixentes en materia de industria, legalmente corresponda realizar en relación co vehículo.
c) O vehículo deberá cumprir as condicións técnico-sanitarias que para cada clase de vehículo se exixen no presente decreto e no Real decreto 836/2012, do 25 de maio.
d) A empresa certificará que dispón do persoal adecuado e coa cualificación ou habilitación que, segundo o especificado no Real decreto 836/2012, do 25 de maio, e no presente decreto ou normativa que o desenvolva, resulten necesarias para o servizo do tipo de vehículo de que se trate, para o cal presentará a documentación xustificativa destes requisitos.
A onde acudir
Xunta de Galicia
Consellería de Sanidade
Dirección Territorial da Consellería de Sanidade de A Coruña
Servizo de Planificación, Aseguramento e Ordenación Sanitaria de A Coruña
R/ Durán Loriga, 3
15003 Coruña, A (Coruña, A)
Teléfono: 981155817/ 981155823
Xunta de Galicia
Consellería de Sanidade
Dirección Territorial da Consellería de Sanidade de Lugo
Servizo de Planificación, Aseguramento e Ordenación Sanitaria de Lugo
Montevideo, 9
27001 Lugo (Lugo)
Teléfono: 982292107
Fax: 982292115
Xunta de Galicia
Consellería de Sanidade
Dirección Territorial da Consellería de Sanidade de Ourense
Servizo de Planificación, Aseguramento e Ordenación Sanitaria de Ourense
Avda. Zamora, 13
32071 Ourense (Ourense)
Teléfono: 988066321
Fax: 988386302
Xunta de Galicia
Consellería de Sanidade
Dirección Territorial da Consellería de Sanidade de Pontevedra
Servizo de Planificación, Aseguramento e Ordenación Sanitaria de Pontevedra
Fernández Ladrera, nº 43, 1º
36071 Pontevedra (Pontevedra)
Teléfono: 986885880
Fax: 986814186
Xunta de Galicia
Consellería de Sanidade
Dirección Territorial da Consellería de Sanidade de Pontevedra
Servizo de Planificación, Aseguramento e Ordenación Sanitaria de Pontevedra
Sección de Planificación, Aseguramento e Ordenación Sanitaria (Vigo)
Concepción Arenal, 8
36201 Vigo (Pontevedra)
Teléfono: 986817624
Fax: 986817627
Órgano responsable
Dirección da Fundación Pública Urxencias Sanitarias de Galicia - 061
Normativa
Ámbito Estatal
Orde PRE/1435/2013, do 23 de xullo, pola que se desenvolve o Regulamento da Lei de Ordenación dos Transportes Terrestres en materia de transporte sanitario por estrada (BOE nº 180 do 29 de xullo de 2013).
Real Decreto 22/2014, do 17 de xaneiro, polo que se modifica o Real Decreto 836/2012, do 25 de maio, polo que se establecen as características técnicas, o equipamento sanitario e a dotación de persoal dos vehículos de transporte sanitario por estrada (BOE nº 22 do 25 de xaneiro de 2014).
Ámbito Autonómico
Real Decreto 836/2012, do 25 de maio, polo que se establecen as características técnicas, o equipamento sanitario e a dotación de persoal dos vehículos de transporte sanitario por estrada (BOE nº 137 do 8 de xuño de 2012).
Decreto 52/2015, do 5 de marzo, polo que se regula o transporte sanitario (DOG nº 69 do 14 de abril de 2015).
Corrección de erros. Decreto 52/2015, do 5 de marzo, polo que se regula o transporte sanitario (DOG nº 73 do 20 de abril de 2015).
Prazo
Prazo de presentación: Aberto todo o ano
O presente decreto entrará en vigor o día seguinte ao da súa publicación no Diario Oficial de Galicia.
Documentación para a presentación
-
Solicitude segundo o Anexo III.
Documentación que se presenta [ou xa presentada con anterioridade].
-
Escritura de constitución, no caso de persoas xurídicas
-
Documento acreditativo da representación que ostente, no caso de persoas xurídicas
-
Xustificación do pagamento da taxa
-
Permiso de circulación do vehículo ao que se pretenda refirir a certificación, no que conste como destino do vehículo a actividade de transporte sanitario
-
Ficha de inspección técnica do vehículo, na que figure atoparse vixente o recoñecemento periódico legalmente establecido.
-
Memoria referida ao vehículo.
-
No caso de dispor de humidificadores non desbotables, deberase acreditar o cumprimento das medidas de prevención da lexionelose.
-
No caso de dispor de desfibrilador semiautomático externo, achegarase certificación da Fundación Pública Urxencias Sanitarias de Galicia 061 do cumprimento dos requisitos previstos.
-
No caso de ambulancias asistenciais, achegarase a documentación acreditativa da adaptación á normativa vixente en materia de xestión de resíduos, da dispoñibilidade de dotación de fármacos para a subministrar únicamente cando dispoñan de persoal sanitario capacitado, así como o protocolo de esterilización do material sanitario que o precise.
Documentación de entidades titulares de vehiculos de transporte sanitario público.
-
Licenza de apertura do local, se é o caso.
-
Relación do parque móbil dispoñible.
-
Xustificación da disposición dos medios que permitan a inmediata localización as 24 horas do día.
-
Ter un local aberto ao público con nome ou título rexistrado, en poboacións de máis de 20.000 habitantes.
-
Comprobación de datos .
Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo e achegar unha copia dos documentos.
-
DNI/NIE da persoa solicitante.
-
DNI/NIE da persoa representante.
-
NIF da entidade solicitante.
-
Alta no imposto de actividades económicas (IAE) que obran en poder da AEAT.
Resolución
Prazo de resolución: Tres meses
Sentido do silencio: Negativo
Procedementos e servizos relacionados
23/03/2024 00:00 - 22/04/2024 23:59 IF310E
Devolución das taxas de dereitos de exame das probas de constatación da cualificación inicial para o exercicio da actividade de condutor/a profesional de determinados vehículos destinados ao transporte de mercadorías ou de viaxeiros/as por estrada.
Aberto todo o ano IF321C
Recurso en materia de mobilidade.