Cooperación para o desenvolvemento
A política de cooperación para o desenvolvemento da Xunta de Galicia está regulada na Lei 10/2021, do 9 de marzo reguladora da acción exterior e da cooperación para o desenvolvemento de Galicia que se desenvolve en diferentes plans: o último é o V Plan Director da Cooperación Galega 2023-2026, que recolle unha serie de compromisos. Para o seu cumprimento xogan un papel importante os axentes galegos de cooperación: organización non gobernamentais para o desenvolvemento (ONGD), universidades, empresas e outros axentes.
Para promover as accións destes axentes destínanse unha serie de liñas de axudas, dirixidas á posta en marcha de proxectos de investigación, de educación e de cooperación e de acción humanitaria no exterior.
Bolsas de formación de persoas expertas en cooperación internacional para o desenvolvemento.
Axudas ás universidades galegas para proxectos de investigación e para a creación de grupos de investigación en materia de cooperación para o desenvolvemento.
Axudas aos axentes de cooperación para execución de proxectos de cooperación para o desenvolvemento no exterior.
Axudas aos axentes de cooperación para execución de proxectos de cooperación para o desenvolvemento no exterior.
Axudas ás ONGD para execución de proxectos de educación para o desenvolvemento e a cidadanía global.