PR307A - Inscrición/cancelación no Rexistro de persoas excluídas de acceso ao xogo de Galicia - Sede electrónica

Guía de procedementos e servizos

Ir á sección pai

Detalle procedemento

Escoitar

PR307A

Inscrición/cancelación no Rexistro de persoas excluídas de acceso ao xogo de Galicia

Procedemento dirixido a: Cidadáns

Aberto todo o ano

Consellería de Facenda e Administración Pública

TRAMITAR PRESENCIALMENTE

Que é e para que serve
Quen pode solicitalo
Cando se pode solicitar
Como se tramita
Que documentación hai que presentar
Que vai pasar despois de que o presente
Onde obter máis información
Normativa aplicable

Se vostede desexa que lle prohiban a entrada a un local de xogo, pode solicitar da Xunta de Galicia a inscrición no Rexistro de persoas excluídas de acceso ao xogo de Galicia cubrindo a correspondente solicitude no modelo normalizado PR307A.

Se vostede xa consta inscrito no Rexistro de persoas excluídas de acceso ao xogo de Galicia e se quere a cancelación, debe presenta-la solicitude correspondente na Xunta de Galicia, unha vez transcorrido o prazo de seis meses dende a súa inscrición.

O Rexistro de persoas excluídas de acceso ao xogo de Galicia é un rexistro de titularidade pública no que constan inscritas aquelas persoas físicas que o soliciten, co fin de facer efectivo o dereito da cidadanía a que lles sexa prohibida a participación nas actividades de xogo, así como aquelas persoas físicas que, por resolución xudicial teñan limitado o acceso as actividades de xogo ou as persoas con discapacidade que, por resolución xudicial, estean suxeitas a medidas de apoio que afecten a súa libre participación nos xogos e apostas.

O Rexistro de prohibidos de acceso ao xogo de Galicia é un rexistro no que se poden inscribir voluntariamente, aquelas persoas que o desexen, e implica renuncia a acceder aos establecementos de xogo en que exista a obriga de manter a prohibición.

Prazo de presentación: Aberto todo o ano

Podes presentar esta solicitude de dous xeitos:

Por internet, a través da sede electrónica da Xunta de Galicia.
Presencialmente, nunha oficina de rexistro ou noutros lugares autorizados.

Se pertences a algún destes grupos, tes que presentar a solicitude electronicamente:

Persoas xurídicas.
Entidades sen personalidade xurídica.
Profesionais que deban estar colexiados para exercer a súa actividade.
Empregados públicos, cando realicen un trámite por razón da súa condición de empregado público.
Traballadores e traballadoras autónomos.
Estudantes universitarios.
Persoas que representen a calquera dos grupos anteriores.

Tramitar en liña

A solicitude pódela presentar electronicamente a través do botón “Tramitar en liña” dispoñible nesta páxina.

Para presentar a solicitude en liña:

Pulsa o botón «Tramitar en liña» desta páxina.
Identifícate electronicamente.
Firma a solicitude cun sistema de sinatura electrónica admitido.

Podes consultar os sistemas de identificación e firma admitidos na sede electrónica da Xunta de Galicia na seguinte ligazón.

Tramitar presencialmente

Se non estas obrigado a presentar a solicitude electronicamente podes facelo de forma presencial.

Podes presentar a solicitude en:

As oficinas de asistencia en materia de rexistro da Xunta de Galicia.
As oficinas de rexistro doutras administracións públicas, como os concellos.
As oficinas de Correos.
As embaixadas e os consulados de España no estranxeiro.
Outros lugares autorizados na normativa reguladora do procedemento.

As oficinas de asistencia en materia de rexistro da Xunta de Galicia pódelas consultar en:

https://012.xunta.gal/servizos-destacados/oficinas-de-atencion

Nestas oficinas non é necesario solicitar cita previa.

Se prefires que te atendan a unha hora concreta, solicita cita previa en:

https://012.xunta.gal/servizos-destacados/cita-previa

A documentación que debes presentar depende do tipo de solicitude que realices.

A Administración poderá comprobar automaticamente algúns datos necesarios para a tramitación.

Se non pode comprobalos, indicarémosche que documentos debes achegar.

Nalgúns casos, terás que completar e presentar formularios adicionais, chamados anexos.

Podes descargalos desde a ligazón que aparece xunto ao nome de cada formulario.

Documentación

Solicitudes

1. As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https ://sede.xunta .gal.

Opcionalmente, poderase presentar presencialmente en calquera dos lugares e rexistros establecidos na normativa reguladora do procedemento administrativo común.

2. Para a presentación electrónica poderá empregarse calquera dos mecanismos de identificación e firma admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Documentación complementaria

1. As persoas interesadas, no caso de non ter a nacionalidade española e estar en posesión do documento nacional de identidade, deberán achegar coa solicitude (anexo I) algunha da seguinte documentación:

Documento de identidade válido e en vigor, expedido por un país membro da Unión Europea e no que conste a nacionalidade da persoa titular.
Tarxeta de residencia.
Pasaporte.
Outros (Indicar o tipo de documento de identificación que se achega)

2. A documentación complementaria presentarase preferiblemente por vía electrónica.

Opcionalmente, as persoas interesadas poderán presentar a documentación complementaria presencialmente en calquera dos lugares e rexistros establecidos na normativa reguladora do procedemento administrativo común.

As persoas interesadas responsabilizaranse da veracidade dos documentos que presenten. Excepcionalmente, cando a relevancia do documento no procedemento o esíxa ou existan dúbidas derivadas da calidade da copia, a Administración poderá solicitar de maneira motivada o cotexo das copias achegadas pola persoa interesada, para o que poderán requirir a exhibición do documento ou da información orixinal.

Comprobación de datos

1. Para tramitar este procedemento consultaranse automaticamente os datos incluídos nos seguintes documentos en poder da Administración actuante ou elaborados polas administracións públicas, agás que a persoa interesada se opoña a súa consulta:

a) DNI ou NIE da persoa solicitante ou representante.

2. No caso de que as persoas interesadas se opoñan a esta consulta, deberán indicalo no cadro correspondente habilitado no formulario de inicio e achegar os documentos.

3. Excepcionalmente, no caso de que algunha circunstancia imposibilite a obtención dos citados datos, poderáselles solicitar ás persoas interesadas que presenten os documentos correspondentes.

Trámites administrativos posteriores á presentación de solicitudes

A sede electrónica da Xunta de Galicia permite ás persoas interesadas realizar trámites electrónicos, con posterioridade ao inicio do expediente, accedendo á Carpeta cidadá da persoa interesada. Opcionalmente, as persoas interesadas tamén poderán realizar os ditos trámites presencialmente en calquera dos lugares e rexistros establecidos na normativa reguladora do procedemento administrativo común.

Anexos

Inicio
Solicitude (Anexo VIII)

Canto tempo ten a Administración para resolver a solicitude?

Quince días

Que ocorre se non recibes resposta?

Se pasa o prazo establecido para resolver e non recibes unha resposta expresa, a túa solicitude considérase estimada por silencio administrativo.

Isto significa que a solicitude se considera aprobada.

A Administración segue estando obrigada a resolver a túa solicitude aínda que transcorra este prazo, pero a resolución xa só poderá ser estimatoria (aprobando a túa solicitude).

Como recibirás a resposta da Administración?

A Xunta de Galicia comunicarache a resposta á túa solicitude mediante unha notificación é dicir, unha comunicación oficial coa resolución da solicitude.

Nalgúns casos, a notificación individual substitúese ou compleméntase coa publicación da resolución no Diario Oficial de Galicia e na páxina web correspondente.

Esta publicación ten a mesma validez legal que unha notificación individual.

Como podes consultar ou realizar trámites despois de presentar a solicitude?

Unha vez que presentes a solicitude e se inicie o expediente (conxunto de documentos e actuacións relacionados coa túa solicitude), podes realizar trámites electrónicos a través da Carpeta cidadá (espazo privado onde podes consultar as túas xestións coa Administración) na sede electrónica da Xunta de Galicia.

Desde a Carpeta cidadá podes:

Consultar o estado do teu expediente.
Acceder á documentación.
Realizar os trámites que estean dispoñibles.

Se non estás obrigado a relacionarte electronicamente coa Administración, tamén podes realizar estes trámites de xeito presencial nas oficinas de asistencia en materia de rexistro (oficinas onde podes presentar documentos e recibir axuda para os teus trámites).

Podes consultar a localización destas oficinas en:

https://012.xunta.gal/servizos-destacados/oficinas-de-atencion

Nestas oficinas non é necesario solicitar cita previa.

Se desexas garantir a túa atención nunha hora determinada, solicita cita previa en:

https://012.xunta.gal/servizos-destacados/cita-previa

Podes obter máis información chamando ao teléfono 012 ou ao 981 900 643, servizo de información da Xunta de Galicia.

Xunta de Galicia

Consellería de Facenda e Administración Pública

Secretaría Xeral Técnica e do Tesouro

Subdirección Xeral de Xogo

Servizo de Xogo

R/ Pastoriza, 8

15781 Santiago de Compostela (Coruña, A)

Teléfono: 981546410/ 981546442

Email: xogosc@xunta.es

Órgano responsable

Secretaría Xeral Técnica e do Tesouro

Ámbito Autonómico

Decreto 181/2002, do 10 de maio, polo que se aproba o Regulamento do xogo do bingo (DOG nº 100 do 27 de maio de 2002) Ligazón á normativa
Decreto 39/2008, do 21 de febreiro, polo que se aproba o Regulamento de máquinas recreativas e de azar da Comunidade Autónoma de Galicia (DOG nº 48 de 7 de marzo de 2008). Ligazón á normativa
Decreto 162/2012, do 7 de xuño, polo que se aproba o Regulamento de apostas da Comunidade Autónoma de Galicia (DOG nº 148 do 3 de Agosto de 2012). Ligazón á normativa
Orde do 2 de xullo de 2014 pola que se adaptan e incorporan á sede electrónica da Xunta de Galicia os procedementos administrativos de prazo aberto da Presidencia da Xunta de Galicia e da Vicepresidencia e Consellería de Presidencia, Administracións Públicas e Xustiza (DOG nº 132 do 14 de xullo de 2014). Ligazón á normativa
Decreto 37/2016, do 17 de marzo, polo que se aproba o Regulamento de casinos de xogo da Comunidade Autónoma de Galicia (DOG nº 67 do 8 de abril de 2016). Ligazón á normativa
Lei 3/2023, do 4 de xullo, reguladora dos xogos de Galicia (DOG nº 128 do 6 de xullo de 2023), modificada pola Lei 10/2023, do 28 de decembro, de medidas fiscais e administrativas. Ligazón á normativa