Certificación da Inscrición no Rexistro de Parellas de Feito de Galicia.

Parellas de Feito.

Aos efectos de aplicación da Lei de Dereito Civil de Galicia, equipáranse ao matrimonio as relacións maritais mantidas con intención ou vocación de permanencia, co que se estenden, polo tanto, aos membros da parella os dereitos e as obrigas que esta lei lles recoñece aos cónxuxes.

Terán a condición de parellas de feito as unións de dúas persoas maiores de idade, capaces, que convivan coa intención ou vocación de permanencia nunha relación de afectividade análoga á conxugal e que a inscriban no Rexistro de Parellas de Feito de Galicia.

• Solicitude normalizada segundo o anexo V deste Decreto.

• As solicitudes de certificación da inscrición, deberán conter os datos identificativos da persoa do solicitante e o motivo da certificación. Cando o solicitante sexa unha persoa distinta dalgún dos dous compoñentes da parella inscrita deberá indicar se e persoa con interese lexítimo, cal e o seu interese e acreditalo documentalmente.

• As solicitudes de cancelación da inscrición por petición dun dos membros da parella e de certificación deberán presentarse preferiblemente por vía electrónica a traves do formulario normalizado dispoñible na sede electrónica da Xunta de Galicia (https://sede.xunta.es), de acordo co establecido no artigo 12 da Lei 39/2015, de 1 de outubro, do Procedemento Administrativo Común das Administracións Públicas, e os art. 8 e 10 da Lei 4/2019, de 17 de xuño, da administración dixital de Galicia. Para a presentación das solicitudes será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia.

• Conforme o art. 16.4 da Lei 39/201, de 1 de outubro, do Procedemento Administrativo común das Administracións Públicas, os documentos que os interesados dirixan ós órganos das Administracións Públicas poderán presentarse: no rexistro electrónico da Administración ou Organismo ó que se dirixan, así como nos restantes rexistros electrónicos de calquera dos suxeitos aos que se refire o artigo 2.1.; nas oficinas de Correos na forma que regulamentariamente se estableza, nas representacións diplomáticas ou oficinas consulares de España no estranxeiro, nas oficinas de asistencia en materia de rexistros ou en calquera outro que establezan as disposicións vixentes.

• Inicio
• Solicitude (Anexo V)