Autorizar e inscribir os núcleos zoolóxicos no Rexistro Galego de Núcleos Zoolóxicos (REGANUZ).

Persoas físicas ou xurídicas interesadas.

a) Dispoñer de boas condicións hixiénico-sanitarias e ambientais, así como de espazos e locais adecuados ás condicións fisiolóxicas e etolóxicas dos animais que alberguen.

b) Dispoñer de rexistros de entrada e saída de animais, segundo os casos, nas condicións e co contido que regulamentariamente se estableza. Como mínimo deberase recoller nestes rexistros: a data de entrada do animal; a procedencia ou orixe; a especie, a raza e, se é o caso, a identificación individual; as incidencias sanitarias, a data e a causa da baixa e o destino.

c) Adoptar as medidas necesarias para evitar os contaxios entre os animais que alberguen e dispoñer das medidas para evitar que os animais poidan escapar.

• Autorización de establecementos de animais domésticos e salvaxes en catividade ( 30.34.02)

Pode realizar o pago destas taxas na sede electrónica como un dos pasos da tramitación en liña.

a) Proxecto técnico con planos de localización e distribución das construcións e instalacións, locais e resto de dependencias

b) Memoria descritiva do centro ou establecemento e as súas instalacións, así como dos medios que dispoñan previstos no artigo 36 do Decreto 153/1998, do 2 de abril

c) Programa zoosanitario de manexo, hixiene e profilaxe asinado polo veterinario responsable do núcleo zoolóxico

d) Taxas administrativas devengadas pola tramitación da solicitude (código 30.34.02 – Autorización de establecementos de animais domésticos e salvaxes en catividade), no caso de autorización.

Prazo de resolución:

Seis meses desde a data en que a solicitude tivese entrada no rexistro electrónico da administración ou organismo competente para a súa tramitación.

Sentido do silencio:

Negativo