2. Os terreos sobre os que se autorice a implantación de campamentos de turismo deben manterse en situación de indivisión, que deberá inscribirse mediante anotación no Rexistro da Propiedade, en tanto se manteña o citado uso.

• Solicitude normalizada segundo o Anexo II do Decreto, acompañada da seguinte documentación:

• a) Plano do campamento a escala 1:500 no que figure a situación das diferentes instalacións, edificacións, vías e superficies -debidamente delimitadas-reservadas para zonas de campamento (marcadas as correspondentes parcelas) e espazos verdes.

• b) Plano de situación do campamento a escala 1:2.000 sinalando as vías de comunicación, tipos de edificacións nos arredores, distancia aos núcleos habitados máis próximos e accidentes topográficos máis importantes.

• c) Plano de planta dos diferentes edificios a escala 1:100.

• d) Memoria asinada por facultativo/a competente na que se fagan constar os requisitos tecnicos dos que dispón o establecemento, a idoneidade da localización, instalacións e servizos do establecemento, cumprimento da normativa vixente en materia de accesibilidade, incendios, inundabilidade, e ordenación urbanística, así como calquera outra que resulte de aplicación.

• e) No caso de pretender situar o campamento en solo rústico, autorización previa do órgano autonómico competente en materia urbanística.

• f) Para o caso de pretender situar o campamento en zona de policía de leitos públicos, autorización previa do organismo de bacía competente.

Prazo de resolución: Dous meses

Sentido do silencio: Non especificado