Orientámolo/a, paso a paso, para presentar unha solicitude no rexistro electrónico
PR203A - Inscrición no rexistro de colexios profesionais e consellos galegos de colexios profesionais.
Aberto todo o ano Obxecto
Inscrición dos colexios profesionais que desenvolvan a súa actividade exclusivamente no ámbito territorial da Comunidade Autónoma de Galicia e dos consellos autonómicos: constitución e modificacións sucesivas.
Os colexios profesionais e os consellos galegos de colexios son corporacións de dereito público, con personalidade xurídica propia e plena capacidade para o cumprimento dos seus fins.
No ámbito territorial da Comunidade Autónoma de Galicia, a creación de colexios profesionais farase por lei do Parlamento galego.
Unicamente poderase crear un novo colexio profesional respecto daquelas profesións para cuxo exercicio se esixa estar en posesión dun título académico oficial, e tamén respecto daquelas actividades profesionais cuxo exercicio estea condicionado á posesión dun título oficial que acredite a cualificación e habilite legalmente para o seu exercicio.
Os colexios profesionais terán personalidade xurídica desde o momento en que entre en vigor a súa lei de creación e capacidade de obrar desde o momento en que se constitúan os seus órganos de goberno.
Os colexios profesionais terán como fins esenciais:
a) A ordenación do exercicio das profesións.
b) A representación institucional exclusiva das profesións cando estean suxeitas a colexiación obrigatoria.
c) A defensa dos intereses profesionais dos colexiados.
d) A protección dos intereses dos consumidores e usuarios polos servizos dos seus colexiados.
Os colexios profesionais dunha mesma profesión con ámbito territorial circunscrito ao da Comunidade Autónoma de Galicia poderán constituír un consello galego de colexios.
Os consellos galegos de colexios son corporacións de dereito público que adquirirán personalidade xurídica propia desde que entre en vigor o seu decreto de creación. A capacidade de obrar plena adquirirase desde a constitución dos seus órganos de goberno.
Os consellos galegos de colexios profesionais terán como fins:
a) A coordinación dos colexios profesionais que os integren e a representación da profesión no ámbito territorial da Comunidade Autónoma de Galicia.
b) As relacións coas institucións e a Administración autonómica, en especial co Goberno galego, para facilitar a mutua colaboración para a mellor satisfacción dos intereses sociais e profesionais cuxa defensa teñen encomendada.
c) Todos aqueles que, de acordo coa lei, os seus estatutos e regulamentos establezan.
As solicitudes de inscrición dirixiranse á Secretaría Xeral Técnica da Consellería de Presidencia, Xustiza e Deportes.
As inscricións derivadas da presentación de documentos, que poidan xerar unha operación rexistral, haberán de ser obxecto de resolución e notificación a quen presentase o título, dentro do prazo de seis meses, cando se trate da primeira inscrición ou modificación dos estatutos, así como da creación dun consello galego de colexios, e tres meses para os restantes casos.
A quen vai dirixido?
Colexios profesionais.
Requisitos
No rexistro de colexios profesionais e de consellos galegos de colexios profesionais inscribiranse os colexios profesionais e os consellos galegos que desenvolvan a súa actividade no ámbito territorial da Comunidade Autónoma de Galicia, así como os seus Estatutos.
Só poderá denegarse a inscrición no rexistro por razóns de legalidade, e sempre mediante resolución motivada.
O Rexistro ten como finalidade ofrecer un sistema de garantía de publicidade material e formal dos colexios profesionais e os seus consellos, mediante a inscrición do acto de constitución e de toda a secuencia de actos a través dos que se desenvolve a actividade colexial, sendo un instrumento de seguridade xurídica e canle de información da realidade colexial galega.
A onde acudir
Xunta de Galicia
Consellería de Presidencia, Xustiza e Deportes
Secretaría Xeral Técnica da Consellería de Presidencia, Xustiza e Deportes
Subdirección Xeral de Réxime Xurídico
Servizo de Entidades Xurídicas e Corporativas
Edificio Administrativo San Caetano, s/n
15781 Santiago de Compostela (Coruña, A)
Teléfono: 981 957 394
Email: colexios.profesionais@xunta.gal
Órgano responsable
Secretaría Xeral Técnica da Consellería de Presidencia, Xustiza e Deportes
Normativa
Ámbito Autonómico
Decreto 161/1997, do 5 de xuño, polo que se regulan os consellos galegos de colexios profesionais e se crea o Rexistro de Colexios Profesionais e os seus Consellos (DOG nº 126 do 2 de xullo de 1997).
Orde do 18 de marzo de 1998 pola que se regula o rexistro de colexios profesionais e de consellos galegos de colexios profesionais da Comunidade Autónoma de Galicia (DOG nº 68 do 9 de abril de 1998).
Lei 11/2001, do 18 de setembro, de colexios profesionais da Comunidade Autónoma de Galicia (DOG nº 189 do 28 de setembro de 2001).
Ámbito Estatal
Lei 2/1974, do 13 de febreiro, sobre Colexios Profesionais (BOE nº 40 do 15 de febreiro de 1974).
Lei 2/2007, do 15 de marzo, de sociedades profesionais (BOE nº 65, de 16 de marzo de 2007).
Lei 15/2007, do 3 de xullo, de Defensa da Competencia (BOE nº 159 de 4 de xullo de 2007)
Real Decreto 1000/2010, de 5 de agosto, sobre visado colexial obrigatorio (BOE nº 190, de 6 de agosto de 2010).
Lei 20/2013, do 9 de decembro, de garantía da unidade de mercado.(BOE nº 295 de 10 de decembro de 2013)
Pode consultar aquí a Guía práctica de colexios profesionais.
Prazo
Prazo de presentación: ABERTO
Información de taxas
Este procedemento está suxeito ao pago dunha taxa. A continuación móstrase a listaxe de taxas aplicables:
- Inscrición inicial no rexistro (Código taxa: 30.46.01)
- Inscrición de modificación de estatutos (Código taxa: 30.46.02)
- Inscrición de modificación do órgano de goberno (Código taxa: 30.46.03)
- Inscrición de delegacións de facultades, revogacións e apoderamentos (Código taxa: 30.46.04)
- Inscrición de fusión, escisión e extinción (Código taxa: 30.46.05)
- Inscrición de alleamento, gravame e arrendamento de bens (Código taxa: 30.46.06)
- Modificación/desembolso da dotación (Código taxa: 30.46.07)
- Constitución/modificación/supresión de comisións (Código taxa: 30.46.08)
- Nomeamento/cesamento da Xerencia ou membros de comisións (Código taxa: 30.46.09)
- Outros actos sometidos a inscrición (Código taxa: 30.46.10)
- Copia doutros documentos depositados no Rexistro e obtención de información, certificacións ou listaxes (Código taxa: 30.46.11)
- Certificado de denominación (Código taxa: 30.46.12)
- Anotacións de calquera clase nos expedientes ou subministración de datos non incluídos nos apartados anteriores (Código taxa: 30.46.13)
- Expedición de copia de estatutos (Código taxa: 30.46.14)
- Dilixenciado de libros (Código taxa: 30.46.15)
Pode realizar o pago destas taxas na Oficina Virtual Tributaria.
Documentación para a presentación
En todas as solicitudes:
Solicitude a través do modelo normalizado PR203A dispoñible na Sede electrónica.
Documento acreditativo da representación, no seu caso.
Xustificante de pago da taxa correspondente.
E segundo o tipo de solicitude:
INSCRICIÓN DO COLEXIO
Norma de creación.
Estatutos provisionais.
Estatutos definitivos.
Certificación da aprobación dos estatutos polo órgano competente.
Certificación da composición da comisión xestora/xunta de goberno.
Certificación da aprobación dos estatutos polo consello xeral.
Informe do consello galego de colexios.
INSCRICIÓN DO CONSELLO
Certificación da aprobación da creación do consello e dos estatutos polos colexios.
Estatutos definitivos.
Certificación da composición da xunta de goberno.
MODIFICACIÓN DE ESTATUTOS
Estatutos modificados.
Certificación da aprobación dos estatutos polo colexio ou consello.
Certificación da aprobación dos estatutos polo consello xeral.
Informe do consello galego de colexios.
MODIFICACIÓN DA DENOMINACIÓN
Certificación da modificación da denominación polo colexio ou consello.
Informe do consello galego de colexios.
IDENTIDADE DOS TITULARES DO ÓRGANO DE GOBERNO DO COLEXIO OU CONSELLO
Certificación da composición do órgano de goberno do colexio ou consello.
APERTURA E PECHE DE DELEGACIÓNS
Certificación da aprobación da apertura/peche da delegación polo colexio ou consello.
FUSIÓN
Certificación da aprobación da fusión polos colexios.
Informe do consello galego de colexios.
SEGREGACIÓN
Certificación da aprobación da segregación polos colexios.
Informe do consello galego de colexios.
DISOLUCIÓN
Certificación da aprobación da disolución polo colexio ou consello.
Xustificante da liquidación.
SOLICITUDE DE CERTIFICACIÓNS OU INFORMACIÓN REXISTRAL
Solicitude indicando os datos ou actos dos que se solicita certificación ou información do rexistro.
PRESENTACIÓN DE SOLICITUDES
• As solicitudes presentaranse obrigatoriamente por medios electrónicos a través do formulario normalizado PR203A dispoñible na Sede electrónica da Xunta de Galicia.
• Para a presentación electrónica poderá empregarse calquera dos mecanismos de identificación e sinatura admitidos pola Sede electrónica da Xunta de Galicia, incluído o sistema de usuario e clave Chave365 ( https://sede.xunta.gal/tramites-e-servizos/chave365 ).
• Non será admitida a presentación presencial da documentación. Neste caso requiriráselle para que, no prazo de 10 días, a emende a través da súa presentación electrónica. Para estes efectos, considerarase como data de presentación da solicitude aquela en a que fose realizada a emenda, conforme ao artigo 68.4 da Lei 39/2015, do 1 de outubro, do procedemento administrativo común das Administracións Públicas.
• Os documentos orixinais para que teñan dita condición deben ser copias electrónicas auténticas ou estar asinados dixitalmente. Non son válidas as copias nin os documentos escaneados.
Copias electrónicas auténticas
o De non dispoñer de documentos asinados dixitalmente, con carácter previo á presentación electrónica da súa solicitude, pode dixitalizar os documentos asinados manualmente e obter unha copia auténtica.
o Nas oficinas de atención á cidadanía e do rexistro xeral da Xunta de Galicia (A Coruña, Lugo, Ourense, Pontevedra, Vigo, Ferrol e Santiago de Compostela) poderá obter unha copia electrónica auténtica da documentación orixinal en papel, previo pago da correspondente taxa.
Sinatura dixital do documento
o Para a sinatura dixital de documentos poderase utilizar, entre outros, o seguinte sistema:
- Autofirma: permite a execución de operacións de sinatura de ficheiros locais en contornas de escritorio. Poderá descargar o cliente de autorfirma desde a ligazón: https://sede.xunta.gal/axuda/necesita-axuda/axuda-tecnica/autofirma
REPRESENTACIÓN:
A representación pode acreditarse mediante calquera medio válido en Dereito que deixe constancia fidedigna da súa existencia, entre outros, poderá utilizar o modelo dispoñible na Sede https://sede.xunta.gal/ficheiros/modelos-normalizados/Representacion-C.pdf e anexalo á solicitude.
COMPROBACIÓN DE DATOS
Os documentos relacionados serán obxecto de consulta ás Administracións públicas. No caso de que as persoas interesadas se opoñan a esta consulta, deberán indicalo no cadro correspondente e achegar unha copia dos documentos.
-
DNI o NIE da persoa representante
CONSENTIMENTO PARA A COMPROBACIÓN DE DATOS
A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente.
-
NIF da entidade solicitante
Resolución
Prazo de resolución:
Seis meses, cando se trate da aprobación dos estatutos, e tres meses para os restantes casos
Sentido do silencio:
Positivo
Procedementos e servizos relacionados
16/01/2019 00:00 - 12/02/2019 23:59 BS213B
Selección de entidades privadas sen ánimo de lucro para levar a cabo unha intervención educativa integral con persoas menores que teñan que cumprir medidas xudiciais e outras actuacións de medio aberto previstas na lei orgánica 5/2000, do 12 de xaneiro, reguladora da responsabilidade penal dos menores nas provincias de Lugo, Ourense e Pontevedra.
Aberto todo o ano PR204A
Recoñecemento á asistencia xurídica gratuíta.
Aberto todo o ano PR204B
Impugnación da resolución da comisión de asistencia xurídica gratuíta.
Aberto todo o ano PR204C
Insostenibilidade da pretensión de asistencia xurídica gratuíta.
Aberto todo o ano PR204D
Queixa ou denuncia de asistencia xurídica gratuíta.