Poderán obter directamente o carné profesional as persoas que cumpran algún dos requisitos seguintes:

a)Dispoñer dun título universitario cuxo plan de estudos cubra as materias obxecto do regulamento.

b)Estar en posesión dun título de formación profesional ou dun certificado de profesionalidade cuxo contido formativo cubra as materias obxecto do regulamento

c)Ter recoñecida unha competencia profesional adquirida por experiencia laboral, de acordo co estipulado no Real decreto 1224/2009, que cubra as materias obxecto do regulamento.

d)Posuír unha certificación outorgada por unha entidade acreditada para a certificación de persoas, segundo o establecido no Real decreto 2200/1995, que cubra as materias obxecto do regulamento.

Poderán obter o carné profesional as persoas que superen un exame ante o órgano competente da comunidade autónoma e que ademais cumpran os dous requisitos seguintes:

a)Ter superado un curso teórico e práctico de coñecementos básicos e outro sobre coñecementos específicos en instalacións térmicas de edificios, impartido por unha entidade recoñecida polo órgano competente da comunidade autónoma, coa duración e o contido indicados nos apartados 3.1 e 3.2 do apéndice 3 do regulamento.

b)Acreditar unha experiencia laboral de, polo menos, tres anos nunha empresa instaladora ou mantenedora como técnico/a.

En abril do ano 2010 a Consellería de Economía, Emprego e Industria asinou un acordo de coordinación coa Consellería de Educación e Ordenación Universitaria para establecer un marco de actuación no proceso de obtención de carnés profesionais. Como consecuencia dese acordo, Educación está a asumir de forma progresiva a xestión dos distintos carnés e habilitacións profesionais.

Debido o cal as solicitudes para obter o carne profesional debe obterse do procedemento ED527A.