Orientámolo/a, paso a paso, para presentar unha solicitude no rexistro electrónico
VI408F - Cualificación provisional para participar no programa de rexeneración e renovación urbanas no ámbito da ARI dos camiños de Santiago.
Convocatoria 2015
Prazo pechado: 29/12/2015 00:00 - 02/07/2019 23:59
Prazo pechado: 29/12/2015 00:00 - 02/07/2019 23:59Obxecto
Abrir o prazo para solicitar a participación para as actuacións de rehabilitación de edificios e vivendas no ámbito da ARI dos Camiños de Santiago, de acordo co programa de rexeneración e renovacións urbanas do Plan estatal 2013-2016, así como aprobar as bases reguladoras que rexerán na Comunidade Autónoma de Galicia para a concesión das subvencións previstas no Acordo asinado o 27 de outubro de 2015, entre o Ministerio de Fomento e o Instituto Galego da Vivenda e Solo (IGVS), para o financiamento da ARI dos Camiños de Santiago.
A quen vai dirixido?
As comunidades de propietarios/as, as agrupacións de comunidades de propietarios/as e as persoas físicas propietarias únicas de edificios ou de vivendas que estean en posesión da correspondente cualificación definitiva.
Para solicitar a cualificación definitiva será requisito necesario estar en posesión da cualificación provisional.
Requisitos
1. As actuacións deberán axustarse ao proxecto de execución das obras presentado coa solicitude ou, de ser o caso, á memoria subscrita polo/a técnico/a competente.
O proxecto ou a memoria técnica deberá conter todas as especificacións que xustifiquen a rehabilitación do edificio ou vivenda, así como un resumo en capítulos dos tipos de obra que se vaia executar, sinalando o seu importe. No suposto de que as obras supoñan unha mellora da eficiencia enerxética, deberá especificarse a porcentaxe da dita mellora respecto da situación de partida.
O proxecto ou memoria técnica deberá conter, ademais, os seguintes datos do edificio: situación, número de vivendas e locais, superficie construída sobre rasante, superficie sobre rasante con uso residencial e unha reportaxe fotográfica das obras que se vaian realizar.
As actuacións que se vaian executar deberán especificarse de conformidade coa desagregación establecida no modelo de solicitude que se xunta como anexo II.
2. No caso de realizarse actuacións en edificios de tipoloxía residencial colectiva, será requisito necesario contar co correspondente informe de avaliación, cuxo contido debe axustarse ao modelo tipo previsto no anexo II do Real decreto 233/2013, do 5 de abril, así como co acordo validamente adoptado da comunidade de propietarios/as ou agrupación de comunidades de propietarios/as.
3. Todas as actuacións deberán dispor de licenza municipal ou, de ser o caso, someterse ao réxime de intervención municipal de comunicación previa, así como dispoñer de todas as autorizacións sectoriais preceptivas.
4. As actuacións de rehabilitación deberán terse iniciado con posterioridade á data de entrada en vigor do Plan estatal 2013-2016 e en ningún caso deberán estar finalizadas na data da publicación desta orde.
5. O prazo máximo de execución e xustificación do pagamento das obras será o 31 de outubro de 2016.
6. As actuacións protexibles incluirán, para os efectos da determinación do custo total das obras, os honorarios dos profesionais que interveñan, os informes técnicos e certificados necesarios, os gastos derivados da tramitación administrativa e calquera outro gasto derivado da actuación, sempre que todos eles estean debidamente xustificados. No custo total das obras non se incluirán os gastos derivados de impostos, taxas e tributos.
7. O custo protexible subvencionable das obras, incluíndo os gastos sinalados no número anterior, non poderán superar os custos medios do mercado que correspondan a tales actuacións, os cales se determinarán de conformidade coa última edición publicada da Base de prezos da construción de Galicia 2011 ou normativa que a substitúa.
A onde acudir
Xunta de Galicia
Vicepresidencia Segunda e Consellería de Medio Ambiente, Territorio e Vivenda
Instituto Galego Da Vivenda e Solo (IGVS)
Área Central. Fontiñas
15781 Santiago de Compostela (Coruña, A)
Teléfono: 981541982
Email: dx.igvs@xunta.es
Órgano responsable
Instituto Galego Da Vivenda e Solo (IGVS)
Normativa
Ámbito Autonómico
Orde do 22 de decembro de 2015 pola que se abre o prazo para solicitar a participación para actuacións de rehabilitación de edificios e vivendas no ámbito da área de rehabilitación integral dos Camiños de Santiago, no marco do programa de rexeneración e renovación urbanas do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016, e se establecen as bases reguladoras das subvencións deste programa. (DOG nº 246 do 28 de decembro de 2015).
Orde do 23 de febreiro de 2018, pola que se modifica a Orde do 22 de decembro de 2015, pola que se abre o prazo para solicitar a participación para actuacións de rehabilitación de edificios e vivendas no ámbito da área de rehabilitación integral dos Camiños de Santiago, no marco do Programa de rexeneración e renovación urbanas do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016, e se establecen as bases reguladoras das subvencións deste programa (DOG nº 48 do 8 de marzo de 2018).
Resolución do 20 de xuño de 2019 pola que se acorda o peche do prazo para solicitar a participación para actuacións de rehabilitación de edificios e vivendas no ámbito da área de rehabilitación integral dos Camiños de Santiago, no marco do Programa de rexeneración e renovación urbanas do Plan estatal de fomento do alugamento de vivendas, a rehabilitación edificatoria e a rexeneración e renovación urbanas 2013-2016 (DOG nº 124 do 2 de xullo de 2019).
Prazo
Prazo de presentación: PECHADO
29/12/2015 00:00 - 02/07/2019 23:59
Segundo a Resolución do 20 de xuño de 2019 (DOG nº 124 do 2 de xullo de 2019), péchase o prazo, a partir do día seguinte ao da publicación desta resolución no Diario Oficial de Galicia, para presentar as solicitudes de cualificación provisional para actuacións de rehabilitación de edificios e vivendas no ámbito da área de rehabilitación integral dos Camiños de Santiago, no marco do Programa de rexeneración e renovación urbanas do Plan 2013-2016.
Documentación para a presentación
- Documentación complementaria para a solicitude de cualificación provisional:
- a) Copia do DNI ou NIE da persoa física, propietaria única do edificio ou vivenda, para o suposto de non ter autorizado a súa consulta.
- De ser o caso, acreditación da representación da persoa que actúe no nome da persoa propietaria única do edificio
- Copia do DNI do representante, para o suposto de non ter autorizado a súa consulta
- No caso de persoa física, propietaria única do edificio ou vivenda, documentación acreditativa da titularidade do inmoble.
- Acta de constitución da comunidade de propietarios/as ou do documento de constitución como agrupación de comunidades de propietarios/as.
- Certificado da persoa que exerza as funcións de secretario/a da comunidade de propietarios/as ou da agrupación de comunidades de propietarios/as, en que se recolla tanto o acordo de participar no programa de rexeneración e renovación urbanas do ARI dos Camiños de Santiago, como o nomeamento da persoa que represente na tramitación do expediente a comunidade de propietarios/as ou da agrupación de comunidades de propietarios/as, conforme ao modelo que se xunta a esta orde como anexo IV.
- Anexo V debidamente cuberto, en que se relacionan as vivendas e locais do edificio.
- Relación das persoas propietarias das vivendas e locais do edificio partícipes nas actuacións de rehabilitación, conforme ao anexo VI.
- De ser o caso, informe de avaliación do edificio de tipoloxía residencial colectiva en formato dixitalizado, cos contidos que figuran no anexo II do Real decreto 233/2013, do 5 de abril, ou documento análogo que inclúa todos os aspectos que forman parte do citado anexo, cubertos e subscritos por tecnico/a competente e emitidos con anterioridade á presentación da solicitude da axuda
- Proxecto ou memoria das actuacións de rehabilitación que se pretenden realizar, redactada por tecnico/a competente.
- Plano de situación da vivenda.
- Certificado do inicio das obras, no caso de obras iniciadas con anterioridade á data da publicación desta orde, emitido polo/a tecnico/a responsable da obra ou, no seu caso, pola empresa contratista.
- Documentación complementaria para a solicitude de cualificación definitiva
- DNI da persoa solicitante ou do representante, para o suposto de non ter autorizado a súa consulta
- Reportaxe fotográfica que amose as obras realizadas
- Memoria en que se describan as actuacións realizadas e en que se xustifique, de ser o caso, o aforro enerxetico derivado da actuación
- Facturas das persoas provedoras que participaron na execucións das obras, que deberán reflectir de xeito desagregado o seu importe e a súa descrición conforme o anexo VII
- Documentos bancarios acreditativos do pagamento das facturas presentadas. Non se admitirán pagamentos en efectivo nin se admitirán como xustificantes os obtidos a traves da rede internet, se non están validados pola entidade bancaria ou non dispoñen de códigos de verificación na sede electrónica da dita entidade bancaria. Excepcionalmente, admitirase o recibín do provedor para gastos por importes inferiores a 1.000 euros
- Licenzas e/ ou autorizacións preceptivas
- Certificado do inicio das obras, no caso de non ter iniciadas as obras con anterioridade á resolución desta orde, emitido polo/a tecnico/a responsable da obra ou, de ser o caso, pola empresa contratista
- Certificado do remate das obras e, de ser o caso, certificado de instalacións termicas, electricas ou da posta en marcha de ascensor tramitado ante a Consellería de Economía, Emprego e Industria
- Certificado emitido pola empresa que executou as obras, en que se recolla o seu nome, enderezo e NIF.
- Copia de, polo menos, tres ofertas de diferentes provedores, no suposto de que o importe do custo que se vai executar supere a contía de 30.000 . A elección entre as ofertas presentadas realizarase conforme criterios de eficiencia e economía. Deberase xustificar expresamente nunha memoria a elección cando non recaia na proposta económica máis vantaxosa, nos termos establecidos no artigo 29.3 da Lei 9/2007, do 13 de xuño.
Resolución
Prazo de resolución: Dous meses, a contar desde a data da presentación da solicitude da cualificación provisional
Sentido do silencio: Negativo
Outras convocatorias ou publicacións
Procedementos e servizos relacionados
01/02/2022 00:00 - 30/09/2022 23:59 28/05/2016 00:00 - 30/11/2016 23:59 
30/03/2022 00:00 - 30/06/2025 23:59 13/01/2022 00:00 - 30/06/2025 23:59 
