Orientámolo/a, paso a paso, para presentar unha solicitude no rexistro electrónico
VI101B - Axudas destinadas a sufragar os gastos de reparación de danos nas vivendas e no seu enxoval doméstico, derivados da explosión de material pirotécnico producida en Tui o 23 de maio de 2018, con carácter plurianual.
Convocatoria 2018
Prazo pechado: 07/06/2018 00:00 - 08/10/2018 23:59
Prazo pechado: 07/06/2018 00:00 - 08/10/2018 23:59Obxecto
Convócanse as axudas destinadas a sufragar a reparación dos danos ocasionados nas vivendas e no seu enxoval doméstico pola explosión de material pirotécnico producida en Tui o 23 de maio de 2018.
As subvencións reguladas por estas bases teñen por obxecto o outorgamento de axudas destinadas a sufragar a reparación dos danos ocasionados nas vivendas e no seu enxoval doméstico, pola explosión de material pirotécnico producida en Tui o 23 de maio de 2018. Para o caso de que os danos ocasionados determinasen a ruína da vivenda, a axuda poderá destinarse tanto á súa reconstrución como á adquisición dunha nova vivenda.
A quen vai dirixido?
Personas físicas propietarias, usufructuarias o arrendatarias.
Requisitos
1. Poderán ser beneficiarias destas axudas as persoas físicas propietarias, usufrutuarias ou arrendatarias que sufrisen danos que afecten tanto á súa vivenda como ao enxoval doméstico.
2. De conformidade co disposto no artigo 3 do Decreto 55/2018, do 31 de maio, de medidas urxentes de axuda para a reparación de danos causados pola explosión de material pirotécnico producida en Tui o 23 de maio de 2018, as persoas beneficiarias das axudas están exentas do cumprimento dos requisitos establecidos no artigo 10.2. da Lei 9/2007, do 13 de xuño, agás o requisito sinalado na letra a) deste artigo.
A onde acudir
Xunta de Galicia
Consellería de Medio Ambiente, Territorio e Vivenda
Instituto Galego Da Vivenda e Solo (IGVS)
Área Central, s/n - Polígono de Fontiñas
15707 Santiago de Compostela (Coruña, A)
Teléfono: 981541982
Xunta de Galicia
Consellería de Medio Ambiente, Territorio e Vivenda
Xefatura Territorial da Consellería de Medio Ambiente, Territorio e Vivenda de Pontevedra
Área Provincial do Instituto Galego de Vivenda e Solo de Pontevedra
R/ Alcalde Hevia, 7
36071 Pontevedra (Pontevedra)
Teléfono: 986805601
Fax: 986805258
Email: xt.civ.pontevedra@xunta.gal
Órgano responsable
Instituto Galego Da Vivenda e Solo (IGVS)
Normativa
Ámbito Autonómico
Decreto 55/2018, do 31 de maio, de medidas urxentes de axuda para a reparación de danos causados pola explosión de material pirotécnico producida en Tui o 23 de maio de 2018 (DOG nº 104 do 1 de xuño de 2018).
Corrección de erros. Decreto 55/2018, do 31 de maio, de medidas urxentes de axuda para a reparación de danos causados pola explosión de material pirotécnico producida en Tui o 23 de maio de 2018 (DOG nº 106 do 5 de xuño de 2018).
Orde do 5 de xuño de 2018 pola que se establecen as bases reguladoras e a convocatoria de axudas destinadas a sufragar os gastos de aloxamento provisional e de reparación dos danos causados nas vivendas e no seu enxoval doméstico, derivados da explosión de material pirotécnico producida en Tui, o 23 de maio de 2018, con carácter plurianual (DOG nº 108 do 7 de xuño de 2018).
Extracto da Orde do 5 de xuño de 2018 pola que se establecen as bases reguladoras e a convocatoria de axudas destinadas a sufragar os gastos de aloxamento provisional e de reparación dos danos causados nas vivendas e no seu enxoval doméstico, derivados da explosión de material pirotécnico producida en Tui o 23 de maio de 2018, con carácter plurianual (axudas de reparación dos danos causados nas vivendas e no seu enxoval doméstico) (DOG nº 108 do 7 de xuño de 2018).
Orde do 30 de agosto de 2018 pola que se modifica a Orde do 5 de xuño de 2018 pola que se establecen as bases reguladoras e a convocatoria de axudas destinadas a sufragar os gastos de aloxamento provisional e de reparación dos danos causados nas vivendas e no seu enxoval doméstico, derivados da explosión de material pirotécnico producida en Tui, o 23 de maio de 2018, con carácter plurianual (DOG nº 169 do 5 de setembro de 2018).
Extracto da Orde do 30 de agosto de 2018 pola que se modifica a Orde do 5 de xuño de 2018 pola que se establecen as bases reguladoras e a convocatoria de axudas destinadas a sufragar os gastos de aloxamento provisional e de reparación dos danos causados nas vivendas e no seu enxoval doméstico, derivados da explosión de material pirotécnico producida en Tui, o 23 de maio de 2018, con carácter plurianual (axudas de reparación dos danos causados nas vivendas e no seu enxoval doméstico) (DOG nº 169 do 5 de setembro de 2018).
Resolución do 15 de xullo de 2019 pola que se dá publicidade da relación das persoas ou entidades beneficiarias de varios programas de axudas concedidos ao abeiro das convocatorias realizadas no ano 2018 (DOG nº 140 do 24 de xullo de 2019).
Prazo
Prazo de presentación: PECHADO
07/06/2018 00:00 - 08/10/2018 23:59
O prazo de presentación de solicitudes será de catro (4) meses, contados a partir do mesmo día da data de publicación desta orde no DOG, e rematará, en todo caso, co esgotamento da dotación orzamentaria da convocatoria, que se fará constar no DOG mediante resolución da persoa titular da Dirección Xeral do IGVS».
Documentación para a presentación
- A solicitude de subvención realizarase mediante a presentación do modelo que se incorpora como anexo II a esta orde e deberase dirixir á Área Provincial do IGVS en Pontevedra.
- No modelo de solicitude realizaranse as seguintes declaracións:
- a) Declaración de non ter solicitado ou obtido outras axudas, ingresos e/ou recursos procedentes doutro sistema de cobertura de danos, público ou privado, estatal ou internacional, para a mesma finalidade. No caso de ter solicitado ou concedido algunha outra axuda, ingreso e/ou recurso, deberá indicarse cales son e o seu importe.
- b) Compromiso de comunicar calquera outra axuda, ingresos e/ou recursos procedentes doutro sistema de cobertura de danos, público ou privado, estatal ou internacional, que lle sexa concedido para a mesma finalidade e o seu importe.
- c) Declaración de non estar incurso na inhabilitación para a obtención das axudas prevista no artigo 10.2.a) da Lei 9/2007, do 13 de xuño.
- d) Declaración da persoa solicitante de que é propietaria, usufrutuaria ou arrendataria da vivenda danada.
- e) Declaración de que todos os datos da solicitude e dos documentos que se achegan son certos.
- Xunto coa solicitude deberá achegarse a seguinte documentación:
- a) Documentación acreditativa da representación da persoa que actúe en nome da persoa solicitante, de ser o caso. A representación deberá acreditarse a través do modelo normalizado dispoñible na sede electrónica da Xunta de Galicia ou por calquera outro medio válido en dereito. O modelo normalizado pódese descargar na seguinte ligazón: https://sede.xunta.gal/modelos-normalizados.
- b) Título ou documento admisible en dereito que acredite a condición da persoa propietaria, usufrutuaria ou arrendataria da vivenda danada.
- c) Certificado municipal de residencia ou calquera outro documento que acredite a súa residencia permanente e habitual na vivenda danada, no caso de non estar empadroado/a na vivenda ou non poder comprobar o certificado de empadroamento.
- d) No caso da solicitude presentada pola persoa usufrutuaria ou arrendataria dos danos ocasionados no enxoval doméstico, autorización expresa da persoa propietaria ou arrendadora, para a súa presentación.
- e) Memoria valorada por técnico/a competente de conformidade co disposto na Lei 38/1999, do 5 de novembro, de ordenación da edificación, da reposición dos danos acaecidos na vivenda danada, nas instalacións complementarias e no seu enxoval doméstico. Nos casos de rehabilitación ou reparación da vivenda danada, esta memoria conterá o correspondente cronograma da actuación, coa previsión das súas anualidades de execución.
- f) Copia da póliza de seguro ou, de non ter seguro, declaración xurada de que os danos na vivenda danada non estaban asegurados.
- Comprobación de datos.
1. Para a tramitación deste procedemento consultaranse automaticamente os datos incluídos nos seguintes documentos elaborados polas Administracións públicas:
- a) DNI ou NIE da persoa solicitante e, de ser o caso, da persoa representante.
- b) Certificado de empadroamento na vivenda danada da persoa solicitante.
- c) Datos catastrais correspondentes á persoa solicitante
2. Non será necesario achegar os documentos que xa fosen presentados anteriormente, sempre que non se modificasen as súas circunstancias e a persoa interesada outorgue o seu consentimento expreso para que sexan consultados ou obtidos os ditos documentos, segundo o Regulamento (UE) 2016/679 do Parlamento Europeo e do Consello, do 27 de abril de 2016, relativo á protección das persoas físicas, no que respecta ao tratamento de datos persoais e á libre circulación destes datos e polo que se derroga a Directiva 95/46/CE (Regulamento xeral de protección de datos, DOUE do 4 de maio).
3. No caso de que algunha circunstancia imposibilite a obtención dos citados datos, poderase solicitar ás persoas interesadas a presentación dos documentos correspondentes.
- A sede electrónica da Xunta de Galicia ten a disposición das persoas interesadas unha serie de modelos normalizados para a facilitar a realización de trámites administrativos despois da presentación das solicitudes. Estes modelos presentaranse por medios electrónicos, accedendo á Carpeta do cidadán da persoa interesada dispoñible na sede electrónica da Xunta de Galicia. Non obstante, as persoas interesadas tamén poderán presentalos presencialmente en calquera dos lugares e rexistros establecidos na normativa reguladora do procedemento administrativo común.
Resolución
Prazo de resolución: Un mes
Sentido do silencio: Negativo
