Solicitude de inicio da tramitación urbanística e da avaliación ambiental estratéxica ordinaria de plans parciais ou de plans especiais.

Os plans parciais terán por obxecto regular a urbanización e a edificación do solo urbanizable, desenvolvendo o plan xeral mediante a ordenación detallada dun sector.

Os plans especiais poderán formularse coa finalidade de protexer ámbitos singulares, levar a cabo operacións de reforma interior, prever dotacións urbanísticas e protexer, rehabilitar e mellorar o medio rural. Na ausencia de planeamento xeral, ou cando este non conteña as previsións detalladas oportunas, poderán aprobarse plans especiais unicamente coa finalidade de protexer ámbitos singulares, rehabilitar e mellorar o medio rural ou establecer dotacións urbanísticas, sempre que estas determinacións non exixan a previa definición dun modelo territorial. Así mesmo, nos concellos sen planeamento xeral ou que conten cun plan básico municipal, poderán formularse plans especiais que teñan por obxecto crear solo urbano con destino a usos industriais ou terciarios, a equipamentos públicos ou á construción de vivendas de promoción pública.

Entidades locais

Solicitudes

 As solicitudes presentarase por medios electrónicos a través do formulario normalizado (anexo VI, procedemento UR302A) dispoñible na sede electrónica da Xunta de Galicia, https://sede.xunta.gal

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela en que fose realizada a emenda.

Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).

Documentación para a presentación

• Solicitude segundo o anexo VI

• Borrador do documento de planeamento en formato dixital non editable (PDF).

• Borrador do documento de planeamento en formato dixital editable.

• Pegadas dixitais do documento de planeamento nos seus dous formatos.

• Declaración responsable segundo o modelo do anexo 9 das Normas técnicas de planeamento urbanístico de Galicia, que se pode descargar no Portal Territorio e Urbanismo da Xunta de Galicia:

  https://territorioeurbanismo.xunta.gal/gl/normativa/normas-tecnicas-de-planeamento-urbanistico

• Documento ambiental estratéxico co contido mínimo que sinala o artigo 18.1 (AAE Ordinaria) da Lei 21/2013, de avaliación ambiental que irá incluído na estrutura de carpetas do documento de planeamento urbanístico segundo o regulado no anexo 4 das Normas técnicas de planeamento urbanístico de Galicia.

• Información dos servizos técnicos municipais e das empresas subministradoras e/ou distribuidoras sobre a suficiencia das infraestruturas e dos servizos existentes e previstos, ao abeiro do artigo 185.2 do Regulamento da Lei do solo de Galicia.

• Outra documentación (especificar)

Trámites posteriores á presentación das solicitudes

Todos os trámites administrativos que as entidades locais interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

Prazo de resolución:

A tramitación dos plans parciais e plans especiais sometidos a avaliación ambiental estratéxica ordinaria, consta de varias fases nas que intervén a administración autonómica, polo que non existe un prazo de resolución global para a totalidade da tramitación do instrumento.

O procedemento atópase regulado nos artigos 74 e 60 da Lei 2/2016, do 10 de febreiro, do solo de Galicia e 186 e 144 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro.

Sentido do silencio:

A tramitación dos plans parciais e plans especiais sometidos a avaliación ambiental estratéxica ordinaria, consta de varias fases nas que intervén a administración autonómica, polo que non existe un sentido do silencio para a totalidade da tramitación do instrumento.

O procedemento atópase regulado nos artigos 74 e 60 da Lei 2/2016, do 10 de febreiro, do solo de Galicia e 186 e 144 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro.