Solicitude de corrección de erros de planeamento xeral aprobado definitivamente pola Xunta de Galicia.

Os erros materiais, de feito ou aritméticos existentes nos instrumentos de planeamento urbanístico poderán ser rectificados en calquera momento.

Entidades locais.

Solicitudes

As solicitudes presentaranse por vía electrónica a través do formulario normalizado (anexo V, procedemento UR301C) dispoñible na sede electrónica da Xunta de Galicia (https://sede.xunta.gal).

De conformidade co artigo 68.4 da Lei 39/2015, do 1 de outubro, do procedemento administrativo común das administracións públicas, se algunha das persoas interesadas obrigadas á presentación electrónica presenta a súa solicitude presencialmente, requiriráselle para que a emende a través da súa presentación electrónica. Para estes efectos, considerarase como data de presentación da solicitude aquela na que fose realizada a emenda.

Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuaria/o clave Chave 365 (https://sede.xunta.gal/chave365).

Documentación para a presentación

• Solicitude segundo o anexo V

• Documento de planeamento en formato dixital non editable (PDF)

• Documento de planeamento en formato dixital editable

• No seu caso, pegadas dixitais do documento de planeamento nos seus dous formatos

• No seu caso, declaración responsable segundo o modelo do anexo 9 das Normas técnicas de planeamento urbanístico de Galicia, que se pode descargar no Portal Territorio e Urbanismo da Xunta de Galicia:s

  https://territorioeurbanismo.xunta.gal/gl/normativa/normas-tecnicas-de-planeamento-urbanistico

• Certificado de acordo plenario segundo o artigo 83.bis da Lei 2/2016, do 10 de febreiro, do solo de Galicia

• Informes técnicos e xurídicos municipais segundo o artigo 83.bis da Lei 2/2016, do 10 de febreiro, do solo de Galicia

• Outra documentación (especificar)

Trámites posteriores á presentación das solicitudes

Todos os trámites administrativos que as entidades locais interesadas deban realizar tras a presentación da solicitude deberán ser efectuados electronicamente accedendo á Carpeta cidadá da persoa interesada dispoñible na sede electrónica da Xunta de Galicia.

Prazo de resolución:

Tres meses

Sentido do silencio:

Negativo